КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 29-марты № 143

Конфискацияланган, ээси жок жана кароосуз мүлк маселелери жөнүндө Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү тууралуу

(КР Министрлер Кабинетинин 2025-жылдын 1-мартындагы № 102 токтомунун редакциясына ылайык)

Мамлекеттик менчикке өткөн мүлктү пайдалануунун натыйжалуулугун камсыз кылуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2023-жылдын 3-мартындагы № 115 "Кыргыз Республикасынын Министрлер Кабинетинин айрым ченем жаратуу ыйгарым укуктарын мамлекеттик органдарга жана жергиликтүү өз алдынча башкаруунун аткаруу органдарына өткөрүп берүү жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Кыргыз Республикасынын мамлекеттик органдарына жана жергиликтүү ез алдынча башкаруунун аткаруу органдарына өткөрүп берилген Кыргыз Республикасынын Министрлер Кабинетинин айрым ченем жаратуу ыйгарым укуктарынын тизмесинде:

28-пунктта:

- биринчи абзац төмөнкүдөй редакцияда баяндалсын:

"28. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча фондго төмөнкүлөрдү бекитүү боюнча:";

- төмөнкүдөй мазмундагы 7-пунктча менен толукталсын:

"7) Конфискацияланган, ээси жок жана кароосуз мүлктү сатуунун тартиби жөнүндө жобо.".

2. Кыргыз Республикасынын Министрлер Кабинетинин 2023-жылдын 29-майындагы № 291 "Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттиктин маселелери жөнүндө" токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик жөнүндө жободо:

- 12-пункттун 1-пунктчасынын он сегизинчи абзацы төмөнкүдөй редакцияда баяндалсын:

"- конфискацияланган, ээси жок жана кароосуз мүлктү эсепке алууну жана сатууну жүзөгө ашыруу.".

3. (КР Министрлер Кабинетинин 2025-жылдын 1-мартындагы № 102 токтомуна ылайык күчүн жоготту)

4. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик конфискацияланган, ээси жок жана кароосуз мүлктөрдү сатуу тартиби жөнүндө жобону бир айлык мөөнөттө иштеп чыксын жана бекитсин.

5. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

6. Бул токтом расмий жарыяланган күндөн тартып он күн өткөндөн кийин күчүнө кирет.

“Эркин-Тоо” мамлекеттик расмий гезитинин 2024-жылдын 2-апрелиндеги № 25 (3578) саны менен жарыяланды.