КР Президентинин 2025-жылдын 5-сентябрындагы № 252 Жарлыгына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ

2024-жылдын 2-марты ПЖ № 53

Кыргыз Республикасынын Президентинин 2022-жылдын 4-мартындагы № 70 "Кыргыз Республикасынын Турукташтыруу фондун түзүү жана пайдалануу тартибин бекитүү тууралуу" Жарлыгына өзгөртүүлөрдү киргизүү жөнүндө

Кечиктирилгис чечимди талап кылган мамлекеттик экономикалык программаларды оперативдүү каржылоо максатында, Кыргыз Республикасынын Бюджеттик кодексинин 43³-беренесинин 2-бөлүгүнө, Кыргыз Республикасынын Конституциясынын 71-беренесине ылайык, токтом кылам:

1. Кыргыз Республикасынын Президентинин 2022-жылдын 4-мартындагы № 70 "Кыргыз Республикасынын Турукташтыруу фондун түзүү жана пайдалануу тартибин бекитүү тууралуу" Жарлыгына төмөнкүдөй өзгөртүүлөр киргизилсин:

жогоруда аталган Жарлык менен бекитилген Кыргыз Республикасынын Турукташтыруу фондун түзүү жана пайдалануу тартибинде:

- 13-пункттун 1-пунктчасында "жогорку" деген сөз алып салынсын;

- төмөнкүдөй мазмундагы 22²-пункт менен толукталсын:

"22². Турукташтыруу фондунун каражаттары Кыргыз Республикасынын Президентинин демилгеси боюнча ушул Тартипте каралган максаттарга жана башка иш-чараларга бөлүнүшү мүмкүн.";

- төмөнкүдөй мазмундагы 30¹-пункт менен толукталсын:

"30¹. Кыргыз Республикасынын Президентинин демилгеси боюнча Турукташтыруу фондунан акча каражаттары бөлүнгөн учурда ушул Тартиптин 26-30-пункттары колдонулбайт.";

- 31-пункт "Министрлер Кабинети" деген сөздөрдөн кийин "же Кыргыз Республикасынын Президенти" деген сөздөр менен толукталсын.

2. Бул Жарлык расмий жарыяланууга тийиш жана 2023-жылдын 27-октябрынан тартып күчүнө кирет.