КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

 2024-жылдын 8-майы № 224

Кыргыз Республикасынын Министрлер Кабинетинин 2022-жылдын 30-мартындагы № 181 "Билим берүү системасынын педагогикалык жана айрым категориялардагы кызматкерлерине эмгек акы төлөөнүн шарттары жөнүндө" токтомуна өзгөртүүлөрдү киргизүү тууралуу

Коргоо чөйрөсүндөгү билим берүү уюмдарынын педагогикалык жана айрым категориялардагы кызматкерлерине эмгек акы төлөө жана материалдык дем берүү системасын өркүндөтүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 30-мартындагы № 181 "Билим берүү системасынын педагогикалык жана айрым категориялардагы кызматкерлерине эмгек акы төлөөнүн шарттары жөнүндө" токтомуна төмөнкүдөй өзгөртүүлөр киргизилсин:

1) жогоруда көрсөтүлгөн токтомдун 6-тиркемесинин эскертүүсүндө:

- 2-пункт "академик Т.Садыков атындагы Кыргыз Республикасынын Улуттук сүрөт академиясында - 200 пайызга" деген сөздөрдөн кийин ", Кыргыз Республикасынын Куралдуу Күчтөрүнүн Советтер Союзунун Баатыры генерал-лейтенант К.Үсөнбеков атындагы Аскер институтунда - 100 пайызга" деген сөздөр менен толукталсын;

2) жогоруда көрсөтүлгөн токтомдун 14-тиркемесинин эскертүүсү төмөнкүдөй мазмундагы 8-пункт менен толукталсын:

"8. Кыргыз Республикасынын Куралдуу Күчтөрүнүн Советтер Союзунун Баатыры генерал-лейтенант К.Үсөнбеков атындагы Аскер институтунун кызматкерлеринин ушул тиркеменин 30-37-пункттарында көрсөтүлгөн тарифтик ставкасына (маянасына) эселөө коэффициенти кызматкерлердин тарифтик ставкасына (маянасына) эселөө коэффициентинен 30 пайызга жогору белгиленет.".

2. Бул токтом расмий жарыяланууга тийиш жана 2024-жылдын 1-январынан тартып күчүнө кирет.