ТАШ-ДӨБӨ АЙЫЛДЫК КЕНЕШИ

ТОКТОМ

ХХVIII чакыруу Таш-Дөбө айылдык кеңешинин 35-чи кезексиз жыйыны

2023-жылдын 30-ноябры № 96

“Административдик-аймактык реформаны өткөрүү жана бириктирүүгө макулдук берүү жөнүндө”

Кыргыз Республикасынын Президентинин 2022-жылдын 18-октябрындагы ПЖ № 350 “Кыргыз Республикасынын административдик-аймактык түзүлүшүн өркүндөтүү жана региондорду өнүктүрүү боюнча андан аркы чаралар” жөнүндө Жарлыгын аткаруу максатында, Аламүдүн райондук администрациясынын 2023-жылдын 19-октябрындагы № 02-3/1881 катын жана 2023-жылдын 21-октябрында Таш-Добо айылдык аймагынын жашоочулары менен уюштурулган жыйындын протоколдук чечимин эске алуу менен, Таш-Добо айылдык аймагынын административдик-аймактык рефармалоо боюнча долбоорду карап жана талкуулап, “Кыргыз Республикасынын административдик-аймактык түзүлүшү жөнүндө” Кыргыз Республикасынын мыйзамынын 12-беренесинин негизинде Таш-Добо айылдык кеңешинин 35-кезексиз сессиясы

ТОКТОМ  кылат:

1. Арашан айыл өкмөтү менен Таш-Дөбө айыл өкмөтү бириксин.

2. Бириккен айыл өкмөтүнүн аты Таш-Дөбө айыл өкмөтү деп бекитилсин.

3. Бириккен Таш-Дөбө айыл өкмөтүнүн борбору Таш-Дөбө айылы болсун.

4. Бул токтом Таш-Дөбө айыл өкмөтүнүн вэб сайтына жарыялансын жана тиешелүү тартипте юстиция органдарынан каттодон өткөрүлсүн.

5. Аламүдүн райондук мамлекеттик администрациясына ушул токтомду ишке ашыруу сунушу берилсин.

6. Токтомдун аткарылышын көзмөлдөө милдети Таш-Дөбө айыл өкмөтүнүн башчысынын убактылуу милдетин аткаруучусу Адашпасов Н.Н. жүктөлсүн.