2021-жылдын 11-ноябрында Стамбул шаарында кол коюлган Түрк тилдүү мамлекеттердин кызматташтык кеңешинин катчылыгына мүчө мамлекеттердин милдеттүү төгүмдөрүнүн шкаласы боюнча каржылык эрежелери жөнүндө макулдашууга өзгөртүүлөрдү киргизүү тууралуу протоколду бекитүү жөнүндө

Мамлекеттик ички жол-жоболорду аткаруу максатында, "Кыргыз Республикасынын эл аралык келишимдери жөнүндө" Кыргыз Республикасынын Мыйзамынын 18-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. 2021-жылдын 11-ноябрында Стамбул шаарында кол коюлган Түрк тилдүү мамлекеттердин кызматташтык кеңешинин катчылыгына мүчө мамлекеттердин милдеттүү төгүмдөрүнүн шкаласы боюнча каржылык эрежелери жөнүндө макулдашууга өзгөртүүлөрдү киргизүү тууралуу протокол бекитилсин.

2. Кыргыз Республикасынын Финансы министрлиги жогоруда аталган Протоколду ишке ашырууга жооптуу ыйгарым укуктуу мамлекеттик орган болуп аныкталсын.

3. Кыргыз Республикасынын Тышкы иштер министрлиги аталган Протоколдун күчүнө кириши үчүн зарыл болгон мамлекеттик ички жол-жоболор Кыргыз Республикасы тарабынан аткарылгандыгы жөнүндө түрк тарапка кабарласын.

4. Бул токтом расмий жарыяланган күндөн тартып күчүнө кирет.