КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 23-сентябры № 578

Турак жай-курулуш кооперативдеринин жана өз ара жардам көрсөтүү турак жай-топтомо кооперативдеринин ишин контролдоо боюнча ыйгарым укуктуу органдар жөнүндө жобону бекитүү тууралуу

"Кооперативдер жөнүндө" Кыргыз Республикасынын Мыйзамынын 1-беренесинин 15-пунктуна, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Турак жай-курулуш кооперативдеринин жана өз ара жардам көрсөтүү турак жай-топтомо кооперативдеринин ишин контролдоо боюнча ыйгарым укуктуу органдар жөнүндө жобо тиркемеге ылайык бекитилсин.

2. Турак жай-курулуш кооперативдеринин жана өз ара жардам көрсөтүү турак жай-топтомо кооперативдеринин ишин контролдоо боюнча ыйгарым укуктуу органдар ушул токтомдон келип чыгуучу зарыл чараларды белгиленген тартипте көрсүн.

3. Бул токтом расмий жарыяланган күндөн тартып жети күн өткөндөн кийин күчүнө кирет.