КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 1-августу № 452

Кыргыз Республикасынын Өкмөтүнүн 2020-жылдын 11-майындагы № 248 "Кыргыз Республикасында маркалоонун жана маркаланган товарларга байкоо жүргүзүүнүн улуттук системасынын операторун (администраторун) тандоо боюнча жобону бекитүү жөнүндө" токтомуна өзгөртүү киргизүү тууралуу

Кыргыз Республикасынын Салык кодексинин 4-беренесинин талаптарын ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2020-жылдын 11-майындагы № 248 "Кыргыз Республикасында маркалоонун жана маркаланган товарларга байкоо жүргүзүүнүн улуттук системасынын операторун (администраторун) тандоо боюнча жобону бекитүү жөнүндө" токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасында маркалоонун жана маркаланган товарларга байкоо жүргүзүүнүн улуттук системасынын операторун (администраторун) тандоо боюнча жободо:

- 1-глава төмөнкүдөй мазмундагы 3-1-пункт менен толукталсын:

"3-1. "Товарларды маркалоо" мамлекеттик автоматташтырылган маалыматтык системасынын ээси жана аны ишке киргизүүгө жана жүргүзүүгө жооптуу болуп саналган ыйгарым укуктуу салык органы өзүнүн ведомстволук бөлүмүн конкурс өткөрбөстөн Кыргыз Республикасында товарларды маркалоо системасынын улуттук оператору катары өз алдынча аныктоого укуктуу.

Ыйгарым укуктуу салык органы өзүнүн ведомстволук бөлүмүн аныктаган учурда улуттук операторду аныктоо жөнүндө чечимди 3 (үч) жумуш күндүн ичинде Кыргыз Республикасынын Экономика жана коммерция министрлигине жиберет.".

2. Бул токтом расмий жарыяланган күндөн тартып он күн өткөндөн кийин күчүнө кирет.