КЫЗЫЛ-ТУУ АЙЫЛ АЙМАГЫНЫН КЫЗЫЛ-ТУУ АЙЫЛДЫК КЕҢЕШИНИН

ТОКТОМУ

Аксы районунун Кызыл-Туу айылдык Кеңешинин VIII чакырылышынын кезектеги он сегизинчи сессиясынын

2023-жылдын 11-апрелиндеги № 18-8

Кызыл-Туу айылдык Кеңешинин VII чакырылышынын 24.11.2020-жылдын сессиясынын “Кызыл-Туу айыл аймагындагы Жол-Сай айылына эмгек ардагери Асилбек Арстанбаев ысымын ыйгаруу жөнүндө” №27-2 токтомунун 1-пунктундагы өзгөртүү киргизүү жөнүндө

Кыргыз Республикасынын Географиялык аталыштар жөнүндө мыйзамынын 6-пунктунун негизинде Кызыл-Туу айылдык Кеңешинин Социалдык,билим берүү жана спорт тармагы боюнча туруктуу комиссиясынын корутундусун угуп,талкуулап сессия

Т О К Т О М К Ы Л А Т :

1. Кызыл-Туу айылдык Кеңешинин VII чакырылышынын №27-2 токтомунун 1-пунктундагы “Жол-Сай айылына Арстанбаев Асилбектин ысымы ыйгарылсын“ дегендин ордуна, ”Жол-Сай айылына Арстанбаевдин ысымы ыйгарылсын жана “Арстанбаев айылы” деп аталсын.

2. Жол-Сай айылын Арстанбаев айылы деп которуу үчүн тийиштүү иш кагаздарын тактап, даярдап, иш аракеттерин көрүү жагы Кызыл-Туу айыл өкмөтүнүн башчысы Т.Алимбековго милдеттендирилсин.

3. Токтомдун аткарылышын көзөмөлдөө айылдык Кеңештин Социалдык,билим берүү жана спорт тармагы боюнча туруктуу комиссиясына тапшырылсын.

4. Аталган токтомду kуzуl-tuu.gos.kg расмий сайтка жарыялоо жана Кыргыз Республикасынын ченемдик укуктук актыларынын реестрине киргизүү жагы айылдык Кеңештин жооптуу катчысы Ж.Шайдиевага жүктөлсүн.

5. Токтом расмий сайтка жарыяланган күндөн баштап күчүнө кирет.