КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 10-декабры № 749

Консультациялык-диагностикалык, дарылоо, психикалык-профилактикалык жана реабилитациялык жардамдын алкагында ооруканадан тышкары жана стационардык шарттарда дарылоо үчүн психикалык жана жүрүм-турум бузулууларынын тизмегин бекитүү жөнүндө

“Кыргыз Республикасында жарандардын саламаттыгын сактоо жөнүндө” Кыргыз Республикасынын Мыйзамынын 76-беренесин ишке ашыруу максатында, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети  токтом кылат:

1.Консультациялык-диагностикалык, дарылоо, психикалык-профилактикалык жана реабилитациялык жардамдын алкагында ооруканадан тышкары жана стационардык шарттарда дарылоо үчүн психикалык жана жүрүм-турум бузулууларынын тизмеги тиркемеге ылайык бекитилсин.

2. Бул токтом Кыргыз Республикасынын Саламаттык сактоо министрлигинин тиешелүү жылдарга бекитилген бюджетинин алкагында ишке ашырылат.

3. Бул токтом расмий жарыяланган күндөн тартып он күн өткөндөн кийин күчүнө кирет.

«Эркин-Тоо» мамлекеттик расмий гезитинин 2024-жылдын 10-декабрындагы № 96 (3651) саны менен жарыяланды