Кыргыз Республикасында эсептик-контролдук маркаларды киргизүү жөнүндө

Айрым товардык топтордун өндүрүшүн жана импортун контролдоону камсыз кылуу жана мамлекеттик бюджетке салыктык түшүүлөрдү көбөйтүү максатында, Кыргыз Республикасынын Салык кодексинин 4-беренесине, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасында эсептик-контролдук маркаларды берүү жана колдонуу тартиби жөнүндө жобо тиркемеге ылайык бекитилсин.

2. Төмөнкүлөр белгиленсин:

1) 2026-жылдын 1-январынан тартып ТЭИ ТН 2201 коду менен классификациялануучу таңгакталган, анын ичинде минералдык жана газдалган суу эсептик-контролдук маркалар менен милдеттүү түрдө маркаланууга тийиш;

2) 2026-жылдын 1-июлунан тартып ТЭИ ТН 2201 коду менен классификациялануучу таңгакталган, анын ичинде минералдык жана газдалган суунун эсептик-контролдук марка менен маркаланбаган калдыктарын жүгүртүүгө тыюу салынат.

3. Кыргыз Республикасынын Өкмөтүнүн 2002-жылдын 29-майындагы № 350 “Кыргыз Республикасынын персонификациялаштырылган документтеринин Мамлекеттик реестри жөнүндө Жобону жана Кыргыз Республикасында колдонуудагы мамлекеттик маанидеги документтердин жана атайын мамлекеттик бланктардын тизмесин бекитүү тууралуу” токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасында колдонуудагы мамлекеттик маанидеги документтердин жана атайын мамлекеттик бланктардын (базалык) тизмесинде:

18-пункт төмөнкүдөй редакцияда баяндалсын:

“

”.

4. Бул токтом расмий жарыяланууга тийиш жана расмий жарыяланган күндөн тартып он күн өткөндөн кийин күчүнө кирет.

Эркин-Тоо мамлекетик расмий газетасынын 2025-жылдын 4-июнундагы № 49 (3705) жарыяланды