КЫДЫР АКЕАЙЫЛ АЙМАГЫНЫН ЖЕРГИЛИКТҮҮ КЕҢЕШИ

II чакырылышы

ТОКТОМ

   02.07.2025 №71                                                                                          

Сары-Камыш  айылындагы коргоо зоналарынын чектерин

бекитүү жөнүндө

 Кыргыз Республикасынын 2022-жылдын 1-апрелинин №21“Жер укуктук мамилелерди жөнгө салуу жөнүндө” Мыйзамынын негизинде, Кыргыз Республикасынын Министрлер Кабинетинин 2022-жылдын 31-майындагы № 291 “Жер мунапысын жүргүзүүнүн тартиби жөнүндө жобону бекитүү тууралуу” токтомуна таянып, айыл өкмөтүнүн актысынын негизинде аймактагы жер мунапысын ишке ашырууда жаралган көйгөйлөрдү чечүү жана жарандардын турак-жайларын мыйзамдаштырууга көмөк көрсөтүү максатында айыл аймагынын жергиликтүү кеңеши токтом кылат:

          1. Сары-Камыш  айылындагы коргоо зоналарынын чектери төмөндөгүдөй бекитилсин:

- №1 суу топтоочу жайынын (водозабор) коргоо зонасы 25 метр;

- №2 суу топтоочу жайынын  (водозабор) коргоо зонасы 12 метр;

- №3 суу топтоочу жайынын  (водозабор) коргоо зонасы 25 метр;

- мүрзөнүн коргоо зонасы эң четтеги көрүстөндөн 10  метр;

- Сарт Аке жана Проектируемый көчөлөрүнүн кесилишиндеги эски баздын орду айыл ичиндеги калктуу конуш катары 3000 чарчы метр;

           2. Токтом айыл өкмөтүнүн сайтына жайгаштырылып, Мамлекеттик каттоодон өткөрүү үчүн юстиция органына жиберилсин.

3. Бул токтомдун аткарылышына көзөмөлдөө жагы айыл өкмөтүнүн башчысы Т.Ш.Кобонбаевге жүктөлсүн. 

Төрага                                                                                     Б.С.Акунов