Кыргыз Республикасынын Өкмөтүнүн жана Кыргыз Республикасынын Министрлер Кабинетинин Кыргыз Республикасынын Өзгөчө кырдаалдар министрлигинин ишинин маселелери боюнча айрым токтомдоруна өзгөртүүлөрдү киргизүү жөнүндө

Мыйзамдарды системалаштыруу, ведомстволук форма кийимин кийүүнү тартипке келтирүү максатында, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2015-жылдын 3-декабрындагы № 829 “Атайын жана ведомстволук форма кийимин кийүүнү тартипке келтирүү жөнүндө” токтомуна төмөнкүдөй өзгөртүү киргизилсин:

жогоруда аталган токтом менен бекитилген Кызматкерлери атайын жана ведомстволук форма кийимин кийүүгө укуктуу болгон мамлекеттик органдардын жана уюмдардын, ошондой эле жергиликтүү өз алдынча башкаруунун аткаруу органдарынын тизмегинде:

– “Ведомстволук форма кийими” деген глава төмөнкүдөй мазмундагы абзац менен толукталсын:

“Кыргыз Республикасынын Өзгөчө кырдаалдар министрлигине караштуу Өрттү көзөмөлдөө боюнча кызмат.”.

2. Кыргыз Республикасынын Министрлер Кабинетинин 2021-жылдын 15-ноябрындагы № 262 “Кыргыз Республикасынын Өзгөчө кырдаалдар министрлигинин айрым маселелери жөнүндө” токтомуна төмөнкүдөй өзгөртүүлөр киргизилсин:

1) жогоруда аталган токтом менен бекитилген Кыргыз Республикасынын Өзгөчө кырдаалдар министрлиги жөнүндө жободо:

– 2-пунктта мамлекеттик тилде “өрт” деген сөз “, өрт” деген сөздөргө алмаштырылсын;

− 11-пункттун 2-пунктчасында:

он тогузунчу абзац төмөнкүдөй редакцияда баяндалсын:

“− корутунду берүү менен долбоордук документтерге өрт-техникалык экспертиза жүргүзөт;”;

отуз алтынчы абзац төмөнкүдөй редакцияда баяндалсын:

“– Кыргыз Республикасынын лицензиялык-уруксат берүү чөйрөсүндөгү мыйзамдарына ылайык өрткө каршы автоматика каражаттарын долбоорлоо, монтаждоо, жөндөө жана оңдоо, материалдарды, буюмдарды жана конструкцияларды оттон коргоо боюнча иштерди жүргүзүү, коргоо объекттеринин өрт коопсуздугуна баалоо жүргүзүү, ошондой эле өрттүн келип чыгуу себептерин аныктоо боюнча ишти лицензиялоону жүзөгө ашырат;”;

2) жогоруда аталган токтом менен бекитилген Кыргыз Республикасынын Өзгөчө кырдаалдар министрлигине караштуу Өрттү көзөмөлдөө боюнча кызмат жөнүндө жободо:

– 4-глава төмөнкүдөй мазмундагы 10¹-пункт менен толукталсын:

“10¹. ӨККнын кызматкерлери айырмалоо белгилери менен бекитилген үлгүдөгү ведомстволук форма кийимин кийүүгө укуктуу.”;

–        13-пункт төмөнкүдөй мазмундагы абзац менен толукталсын:

“– ӨККнын кызматкерлерине сыйлоо жана тартиптик жаза чараларын белгиленген тартипте колдонот.”.

3. Бул токтом расмий жарыяланган күндөн тартып он күн өткөндөн кийин күчүнө кирет.

«Эркин-Тоо» мамлекетик расмий гезитинин 2025-жылдын 8-августундагы № 59 (3715) саны менен жарыяланды