КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 4-ноябры № 717

Кыргыз Республикасынын Министрлер Кабинетинин

2022-жылдын 14-апрелиндеги № 223 "Кыргыз

Республикасынын Транспорт жана коммуникациялар

министрлигине караштуу Жерде жүрүүчү жана суу

транспорту департаменти жөнүндө" токтомуна

өзгөртүүлөрдү киргизүү тууралуу

Транспорт чөйрөсүндөгү ченемдик укуктук актыларды системалаштыруу жана иретке келтирүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 14-апрелиндеги № 223 "Кыргыз Республикасынын Транспорт жана коммуникациялар министрлигине караштуу Жерде жүрүүчү жана суу транспорту департаменти жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Кыргыз Республикасынын Транспорт жана коммуникациялар министрлигине караштуу Жерде жүрүүчү жана суу транспорту департаменти жөнүндө жободо:

- 8-пунктта "Исанов көчөсү, 42" деген сөздөр "М.Горький көчөсү, 1" деген сөздөргө алмаштырылсын;

- 11-пункттун 2-пунктчасы төмөнкүдөй мазмундагы абзацтар менен толукталсын:

"- Кыргыз Республикасынын көлмөлөрүндөгү суу транспортунун, порттордун, базалардын жана курулмалардын реестрин жүргүзүү;

- Евразия экономикалык бирлигинин техникалык регламентинин талаптарына жооп берген чакан кемелердин классификациясы жөнүндө күбөлүктөрдүн бирдиктүү реестрин жүргүзүү;".

2. Бул токтомду ишке ашыруу Кыргыз Республикасынын Транспорт жана коммуникациялар министрлиги үчүн бекитилген штаттык сандын жана республикалык бюджетте тиешелүү жылга жана кийинки жылдарга каралган каражаттардын чегинде жүзөгө ашырылат деп белгиленсин.

3. Бул токтом расмий жарыяланган күндөн тартып жети күн өткөндөн кийин күчүнө кирет.

“Эркин-Тоо” мамлекеттик расмий гезитинин 2025-жылдын 7-ноябрындагы № 85 (3741) саны менен жарыяланды