ТоктомКүчүндө

Кыргыз Республикасынын Министрлер Кабинетинин 2025-жылдын 30-декабрындагы № 847 «Кыргыз Республикасынын Министрлер Кабинетинин 2024-жылдын 12-апрелиндеги № 171»Аттракциондорду коопсуз эксплуатациялоо эрежелерин бекитүү тууралуу«токтомуна өзгөртүүлөрдү киргизүү жөнүндө» токтому

Редакция30.12.2025 редакциясы
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 30-декабры № 847

Кыргыз Республикасынын Министрлер Кабинетинин

2024-жылдын 12-апрелиндеги № 171 “Аттракциондорду коопсуз

эксплуатациялоо эрежелерин бекитүү тууралуу”

токтомуна өзгөртүүлөрдү киргизүү жөнүндө

 

Кыргыз Республикасынын мыйзамдарын шайкеш келтирүү максатында, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

 

1. Кыргыз Республикасынын Министрлер Кабинетинин 2024-жылдын 12-апрелиндеги № 171 “Аттракциондорду коопсуз эксплуатациялоо эрежелерин бекитүү тууралуу” токтомуна төмөнкүдөй өзгөртүүлөр киргизилсин:

жогоруда көрсөтүлгөн токтом менен бекитилген Аттракциондорду коопсуз эксплуатациялоо эрежелеринде:

- 5-пункттун биринчи абзацындагы “Кооптуу өндүрүштүк объекттердин өнөр жайлык коопсуздугу жөнүндө” Кыргыз Республикасынын Мыйзамында,” деген сөздөр алып салынсын;

- 421-пункт, 81-пункттун “и” пунктчасы күчүн жоготту деп таанылсын;

- 82, 247-пункттардагы “өндүрүштүк” деген сөз алып салынсын;

- 245-пункт төмөнкүдөй редакцияда баяндалсын:

“245. Аттракциондун техникалык абалын жыл сайын текшерүү ушул Эрежелердин 237-пунктунда каралган техникалык күбөлөндүрүү үчүн аттракционду көрсөтүүнүн алдында аттракциондун ээсинин (эксплуатанттын) буйругу менен аттракциондун абалына контроль жүргүзүү үчүн жооптуу болуп дайындалган адам тарабынан жүргүзүлөт.”;

- 285-пункттагы “өндүрүштүк” деген сөз алып салынсын.

2. Бул токтом расмий жарыяланган күндөн тартып он беш күн өткөндөн кийин күчүнө кирет.

“Эркин-Тоо” мамлекеттик расмий гезитинин 2026-жылдын 13-январындагы № 1 (3761) саны менен жарыяланды

 

 

Кыргыз Республикасынын

Министрлер Кабинетинин

Төрагасы

 

 

А.А. Касымалиев