КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 16-январы № 11

Мамлекеттик маанидеги долбоорлордун статусуна ээ

долбоорлорду ишке ашыруучу мамлекеттик

ишканаларды жана чарбалык коомдорду колдоо

чаралары жөнүндө

 (КР Министрлер Кабинетинин 2026-жылдын 19-февралындагы № 122 токтомунун редакциясына ылайык)

“Бардык сезондогу “Ала-Тоо Резорт” тоо кластери” мамлекеттик маанидеги долбоорун натыйжалуу ишке ашырууну камсыз кылуу, Кыргыз Республикасынын Ысык-Көл облусунун туристтик инфраструктурасын өнүктүрүү, объекттерди куруу жана жабдуу үчүн жагымдуу шарттарды түзүү максатында, Кыргыз Республикасынын Салык кодексинин 375-беренесине, “Бажылык жөнгө салуу жөнүндө” Кыргыз Республикасынын Мыйзамынын 41-беренесине, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 30-апрелиндеги № 236 “Кыргыз Республикасынын Салык кодексинин ченемдеринин, ошондой эле Евразия экономикалык бирлиги жөнүндө келишимдин 18-тиркемесинин ченемдеринин талаптарын ишке ашыруу боюнча чаралар жөнүндө” токтомуна төмөнкүдөй өзгөртүү киргизилсин:

– жогоруда аталган токтомдун 13-тиркемеси төмөнкүдөй мазмундагы 9-пункт менен толукталсын:

2. “Бардык сезондогу “Ала-Тоо Резорт” тоо кластери” мамлекеттик маанидеги долбоорунун объекттерин куруу жана (же) жабдуу үчүн Ала-Тоо Резорт» ачык акционердик коому мамлекеттик ишканасы тарабынан Кыргыз Республикасына ташып келинүүчү товарлар товарларды чыгарууга байланышкан бажы операцияларын жүргүзүү үчүн жыйымдарды төлөөдөн бошотулат деп белгиленсин.

(КР Министрлер Кабинетинин 2026-жылдын 19-февралындагы № 122 токтомунун редакциясына ылайык)

3. 2024-жылдын 19-августунан тартып күчүнө кирүүчү 1-пунктту кошпогондо, бул токтом расмий жарыяланган күндөн тартып он күн өткөндөн кийин күчүнө кирет.

“Эркин-Тоо” мамлекеттик расмий гезитинин 2026-жылдын 20-январындагы № 3 (3763) саны менен жарыяланды