КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 14-январы № 5

Саламаттык сактоо чөйрөсүндө санариптик трансформациялоо маселелери боюнча Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү жөнүндө

Кыргыз Республикасынын Президентинин 2025-жылдын 17-мартындагы № 91 "Мамлекеттик башкаруу чөйрөсүндө санариптик трансформациялоону андан ары өркүндөтүү боюнча чаралар жөнүндө" Жарлыгынын 5-пунктун ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2021-жылдын 15-ноябрындагы № 264 "Кыргыз Республикасынын аткаруу бийлигинин мамлекеттик органдарынын жана Кыргыз Республикасынын башка мамлекеттик органдарынын, анын ичинде техникалык жана тейлөөчү персоналынын штаттык санынын чеги жөнүндө" токтомуна төмөнкүдөй өзгөртүү киргизилсин:

жогоруда көрсөтүлгөн токтомдун 1-тиркемесинде:

- 8-пункт төмөнкүдөй редакцияда баяндалсын:

"

".

2. Кыргыз Республикасынын Министрлер Кабинетинин 2022-жылдын 1-августундагы № 434 "Мамлекеттик кызматчылардын категориясына кирбеген жана мамлекеттик мекемелерде, анын ичинде Кыргыз Республикасынын аткаруу бийлигинин мамлекеттик органдарынын ведомстволук мекемелеринде иштеген кызматкерлерге эмгек акы төлөө шарттары жөнүндө" токтомуна төмөнкүдөй өзгөртүүлөр киргизилсин:

1) 3-пункттун экинчи абзацы төмөнкүдөй редакцияда баяндалсын:

"Ушул пункттун 1-5-пунктчаларында каралган төлөмдөр Кыргыз Республикасынын Министрлер Кабинетине караштуу Мамлекеттик бажы кызматынын инженердик-техникалык тобунун кызматкерлерине жана Кыргыз Республикасынын Саламаттык сактоо министрлигине караштуу Саламаттык сактоону өнүктүрүү жана медициналык технологиялар борборунун ишке киргизүү жана тестирлөө боюнча кызматкерлерине жайылтылбайт.";

2) жогоруда көрсөтүлгөн токтомдун 28-тиркемеси ушул токтомдун тиркемесине ылайык редакцияда баяндалсын;

3) жогоруда көрсөтүлгөн токтомдун 32-тиркемеси күчүн жоготту деп таанылсын;

4) жогоруда көрсөтүлгөн токтомдун 35-тиркемесинде:

- эскертүүнүн 5-пункту төмөнкүдөй редакцияда баяндалсын:

"5. Иштеген жылдары үчүн үстөктөрдү төлөө ай сайын, бул үстөктү алууга укук берген иш стажына жараша дифференцияланып жүргүзүлөт.

Жогоруда көрсөтүлгөн ченемдер төмөнкүлөргө карата жайылтылбайт:

- Кыргыз Республикасынын Министрлер Кабинетине караштуу Мамлекеттик бажы кызматынын инженердик-техникалык тобунун кызматкерлерине;

- Кыргыз Республикасынын Саламаттык сактоо министрлигине караштуу Саламаттык сактоону өнүктүрүү жана медициналык технологиялар борборунун ишке киргизүү жана тестирлөө боюнча кызматкерлерине.".

3. Кыргыз Республикасынын Саламаттык сактоо министрлиги "Түндүк" ачык акционердик коому менен өз ара аракеттенүүдө медициналык статистикалык отчеттуулукту санариптештирүү жана маалыматтык системаларды киргизүү менен байланышкан милдеттерди аткаруу боюнча чараларды көрсүн.

4. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

5. Бул токтом расмий жарыяланган күндөн тартып он күн өткөндөн кийин күчүнө кирет.

“Эркин-Тоо” мамлекеттик расмий гезитинин 2026-жылдын 16-январындагы № 2 (3762) саны менен жарыяланды.

Кыргыз Республикасынын Саламаттык сактоо министрлигине караштуу Саламаттык сактоону өнүктүрүү жана медициналык технологиялар борборунун кызматкерлеринин кызматтык маяналарынын өлчөмдөрүн аныктоодо колдонулуучу кызматтык маяналарга карата эселөө коэффициенттери

Эскертүү. Кыргыз Республикасынын Саламаттык сактоо министрлигине караштуу Саламаттык сактоону өнүктүрүү жана медициналык технологиялар борборунун кызматкерлеринин төмөнкү категорияларына кызматтык маяналарына төмөнкүдөй өлчөмдө пайыздык үстөк белгиленсин:

1) медицина кызматкерлерине квалификациялык категориясы болгондугу үчүн кызматтык маянанын өлчөмүнөн: жогорку категория - 50%, биринчи категория - 30%, экинчи категория - 10%;

2) медицина кызматкерлерине жана кенже тейлөө персоналына түнкү убакытта иштегендиги үчүн - сааттык ставкадан 50%;

3) кызматтык жайларды тазалоочуга синтетикалык, жуугуч жана дезинфекциялоочу каражаттарды колдонуу менен иштегендиги үчүн - кызматтык маянанын өлчөмүнөн 25%.".