КЫРГЫЗ РЕСПУБЛИКАСЫНЫН ЖОГОРКУ КЕҢЕШИНИН ТОКТОМУ

2026-жылдын 29-январы № 123-VIII

“Европа Кеңешинин Парламенттик Ассамблеясына Кыргыз Республикасынын парламенттик делегациясын түзүү жөнүндө” Кыргыз Республикасынын Жогорку Кеңешинин 2026-жылдын 21-январындагы № 75-VIII токтомуна өзгөртүүлөрдү киргизүү тууралуу

Кыргыз Республикасынын Жогорку Кеңеши т о к т о м к ы л а т:

“Европа Кеңешинин Парламенттик Ассамблеясына Кыргыз Республикасынын парламенттик делегациясын түзүү жөнүндө” Кыргыз Республикасынын Жогорку Кеңешинин 2026-жылдын 21-январындагы № 75-VIII токтомуна төмөнкүдөй өзгөртүүлөр киргизилсин:

1. Преамбула төмөнкүдөй редакцияда баяндалсын:

“Европа Кеңешине катышкан мамлекеттердин ортосундагы кызматташтыкты андан ары өнүктүрүү, ошондой эле Европа Кеңешинин Парламенттик Ассамблеясынын алкагында парламенттер аралык байланыштарды активдештирүү максатында Кыргыз Республикасынын Жогорку Кеңеши токтом кылат:”.

2. Төмөнкүдөй мазмундагы 1¹-пункт менен толукталсын:

“1¹. Бекешев Дастан Далабайевич парламенттик делегациянын башчысы болуп шайлансын.”.

3. Ушул токтом кабыл алынган күндөн тартып күчүнө кирет.