2-тиркеме

«7-тиркеме

Фонддордун каражаттарынын пайдаланылышына

мониторинг жүргүзүү жана баалоо боюнча

типтүү методика

1-глава. Жалпы жоболор

1.      Ушул Фонддордун каражаттарынын пайдаланылышына мониторинг жүргүзүү жана баалоо боюнча типтүү методикада (мындан ары – Типтүү методика) колдонулуучу түшүнүктөр:

1)     индикатор – кандайдыр бир натыйжага же таасирге жетишүү даражасын мүнөздөгөн көрсөткүч;

2)     мониторинг – белгиленген пландарды аткаруунун жүрүшүн көзөмөлдөө жана иш жүзүндөгү аракеттердин/натыйжалардын белгиленген стандарттарга же ченемдерге ылайык келишин текшерүү үчүн маалыматтарды чогултуунун жана талдоонун үзгүлтүксүз процесси;

3)     баалоо – убакыттын өтүшү менен кубулуштардын же көрсөткүчтөрдүн таасиринин натыйжалуулугун жана туруктуулугун талдоонун натыйжасы.

2.      Типтүү методиканын максаты Фонддордун Байкоочу кеңештерине жана Фонддордун аткаруу органдарына Фонддордун каражаттарынын пайдаланылышына жана ишке ашырылган долбоорлорго натыйжалуу мониторинг жүргүзүүгө жана баалоого (мындан ары – МБ) жардам көрсөтүү болуп саналат.

3.      Фонддун аткаруу органы ар жылдык негизде, отчеттук жылдан кийинки жылдын 1-апрелинен кечиктирбестен, МБнын жыйынтыгы боюнча отчетторду даярдайт жана экономикалык болжолдоо боюнча ыйгарым укуктуу мамлекеттик органга жана бюджетти болжолдоо жана аткаруу боюнча ыйгарым укуктуу мамлекеттик органга жөнөтөт.

2-глава. Мониторинг жүргүзүү жана баалоо системасын уюштуруу

4.      Фонддун аткаруу органы Типтүү методиканын негизинде өзүнүн мониторинг жүргүзүү жана баалоо методикасын иштеп чыгат, ал Фонддун Байкоочу кеңешинин чечими менен бекитилет. Фонддун аткаруу органынын сунушу боюнча Фонддун Байкоочу кеңеши Фонддун мониторинг жүргүзүү тобунун курамын бекитет. Мониторинг жүргүзүү тобунун сунушталган курамы:

1)     Фонддун Байкоочу кеңешинин чечими менен дайындалган Фонддун Байкоочу кеңешинин өкүлү, мониторинг жүргүзүү тобунун жетекчиси;

2)     Фонддун Байкоочу кеңешинин чечими менен мониторинг жүргүзүү тобунун курамына берилген, мамлекеттик органдар же жергиликтүү өз алдынча башкаруу органдары көрсөткөн Фонддун Байкоочу кеңешинин өкүлү;

3)     Фонддун Байкоочу кеңешинин чечими менен мониторинг жүргүзүү тобунун курамына берилген, коммерциялык же коммерциялык эмес уюмдар көрсөткөн Фонддун Байкоочу кеңешинин өкүлү;

4)     бюджетти болжолдоо жана аткаруу боюнча ыйгарым укуктуу мамлекеттик органдын тиешелүү аймактык бөлүмүнүн жетекчисинин чечими менен мониторинг жүргүзүү тобунун курамына берилген Фонддун аткаруу органынын өкүлү.

5.      Мониторинг жүргүзүү тобунун мүчөлөрү Фонддун маалыматтарына жана документтерине эркин жетүүгө укуктуу.

6.      Мониторинг жүргүзүү тобунун жетекчиси мониторинг жүргүзүү тобунун мүчөлөрүнө мониторинг жүргүзүү жана баалоо индикаторлорун чогултуу жана талдоо боюнча тапшырмаларды бөлүштүрөт.

7.      Мониторинг жүргүзүү тобу 31-декабрга чейинки мөөнөттө кийинки жылга мониторинг жүргүзүү жана баалоо планын иштеп чыгат.

8.      Мониторинг жүргүзүү планын Фонддун аткаруу органынын башчысы бекитет. Мониторинг жүргүзүү жана баалоо планынын формасы ушул Типтүү методиканын 1-тиркемесинде берилген.

3-глава. Мониторинг жүргүзүүнүн жана баалоонун

максаттары жана түрлөрү

9.      Мониторинг жүргүзүүнүн жана баалоонун максаты бөлүнгөн финансы каражаттарынын алкагында Фонддун каражаттарынын пайдаланылышына жана ишке ашырылган долбоорлорго коюлган максаттарга жетүү предметине реалдуу убакыт режиминде байкоо жүргүзүү жана баа берүү болуп саналат.

10.   Мониторинг жүргүзүүнүн жана баалоонун негизги максаты башкаруу чечимдерин кабыл алуу жөнүндө маалымат берүү. Маалымат жетиштүү, анык, өз убагында, ишенимдүү болушу керек.

11.   Мониторинг «эмне болду?» жана «баштапкыларга же белгиленгендерге салыштырмалуу кандай четтөөлөр аныкталды (кырдаалды талдабастан)?» деген суроолорго жооп берет.

Баалоо «натыйжаларга кантип жетишилди?», «эмне үчүн четтөөлөр пайда болду?» жана «каталарды кантип оңдоого болот (кырдаалды талдоо менен)?» деген суроолорго жооп берет.

12.   Региондору өнүктүрүү фонддору жөнүндө типтүү жобонун (мындан ары – Типтүү жобо) талаптарына ылайык МБнын төмөнкүдөй түрлөрү аныкталды:

1)     финансы каражаттарынын максаттуу пайдаланылышын сактоо;

2)     долбоорлорду аткаруунун натыйжалуулугун баалоо;

3)     Кыргыз Республикасынын бюджеттик мыйзамдарынын жол-жоболорун жана ченемдерин сактоо.

13.   МБ системасын даярдоонун типтүү этаптары аныкталды (1-диаграмманы караңыз).

1-диаграмма. МБ системасын даярдоонун этаптары

14.   Индикатор кандайдыр бир жетишкендиктерди өлчөө каражаты катары кызмат кылат. Ал Фонддун ишинин натыйжасында же долбоорду ишке ашырууда болуп жаткан өзгөрүүлөрдү чагылдырат. Индикатор максатка канчалык жетишилгенин, атап айтканда реалдуу натыйжаларды пландалган натыйжалар менен салыштырууга мүмкүндүк берет.

15.   МБ системасын түзүү үчүн индикаторлордун төмөнкүдөй түрлөрүн колдонуу сунушталат:

– процесстин индикаторлору планда убактысы боюнча жана аткарылуу фактысы боюнча чагылдырылган белгилүү бир иш-аракеттер кандайча аткарылып жаткандыгы жөнүндө маалыматты чагылдырат;

– натыйжалардын индикаторлору иш-аракет аяктагандан кийин же анын орто аралык этабында натыйжага жетишүү жөнүндө маалыматты чагылдырат;

– таасир этүүчү индикаторлор субъекттин ишинин же кандайдыр бир долбоорду ишке ашыруунун натыйжасында белгилүү бир объектке тийгизген таасирди көрсөтөт.

16.   Ушул Типтүү методиканын алкагында, ошондой эле сандык жана сапаттык индикаторлор колдонулат:

– сандык индикаторлор – сандык мүнөздөмөлөргө мониторинг жүргүзүү жана баалоо үчүн колдонулуучу индикаторлор, мисалы бөлүнгөн каражаттардын көлөмү, долбоорлордун саны, карыздардын көлөмү;

– сапаттык индикаторлор сапаттык мүнөздөмөлөрдү чагылдырат, мисалы бир нерсеге болгон канааттануу, кабыл алуу, мамиле кылуу даражасы түрүндө.

17.   Ар бир индикатор пландалган көрсөткүчкө салыштырмалуу бааланат. Пландык көрсөткүчтүн мааниси 100 %га теңдештирилет. Индикатор иш жүзүндөгү көрсөткүчтүн пландык көрсөткүчкө катышы катары бааланат. Индикаторлордун аталышы жана алардын пландык маанилери бардык Фонддор үчүн бирдей болуп саналат.

18.   Индикаторлордун ар бир тобу боюнча орточо мааниси эсептелет. 1-таблицада индикаторлорго баалоо жүргүзүүнүн мисалы келтирилген.

1-таблица. Фонддун каражаттарынын белгиленген эрежелерге жана жол-жоболорго ылайык пайдаланылышы боюнча индикаторлордун тизмеги (*)

(*) Мисал.

§ 1. Фонддун каражаттарынын белгиленген эрежелер жана жол-жоболор боюнча пайдаланылышы 

19.   Индикаторлор өтүнмө ээлери тарабынан Фонддун дарегине берилүүчү долбоорлорду кабыл алуу, баалоо, бекитүү, каржылоо боюнча жол-жоболордун Типтүү жободо көрсөтүлгөн жол-жоболорго ылайык келишин баалайт.

20.   Сандык маанилерин, баалоо методдорун, маалымат булактарын, баалоонун мезгилдүүлүгүн көрсөтүү менен Фонд тарабынан жол-жоболордун сакталышын сыпаттаган индикаторлордун тизмеги 2-таблицада берилген.

21.   Индикаторлордун ар бир тобу боюнча орточо мааниси эсептелет.

2-таблица. Фонддун каражаттарынын белгиленген эрежелерге жана жол-жоболорго ылайык пайдаланылышы боюнча индикаторлордун тизмеги

§ 2. Финансы каражаттарынын максаттуу пайдаланылышын сактоо

22. Индикаторлор Фонддун жана долбоорду аткаруучулардын долбоордун Каржылоо планына жана Иш планына ылайык долбоорду каржылоону камсыз кылуу жөндөмдүүлүгүн жана жоопкерчилигин Каржылоо планына жана Долбоор боюнча иштин планына ылайык баалайт.

23. Финансы каражаттарынын максаттуу пайдаланылышын сыпаттаган индикаторлордун тизмеги 3-таблицада берилген.

3-таблица. Финансы каражаттарынын максаттуу пайдаланылышын сактоонун индикаторлорунун тизмеги

§ 3. Долбоорлорду аткаруунун натыйжалуулугун баалоо

24. Индикаторлор бекитилген бюджеттердин алкагында аяктаган долбоорлордун максаттарына жана милдеттерине жетүүнү баалайт.

25. Долбоорлорду аткаруунун натыйжалуулугун баалоо индикаторлору 4-таблицада берилген.

4-таблица. Долбоорлорду аткаруунун натыйжалуулугунун индикаторлору

§ 4. Кыргыз Республикасынын бюджеттик мыйзамдарынын жол-жоболорун жана ченемдерин сактоо 

26. Индикаторлор бюджеттик мыйзамдардын ченемдерин, анын ичинде мамлекеттик сатып алуулардын жол-жоболорун сактоого карата Фонддордун жана долбоорлорду аткаруучулардын каражаттарды пайдалануу боюнча жоопкерчилигин жана максатка ылайыктуулугун баалайт, 5-таблица.

5-таблица. Кыргыз Республикасынын бюджеттик мыйзамдарынын жол-жоболорун жана ченемдерин сактоо индикаторлору

4-глава. Фонддун каражаттарынын пайдаланылышы жөнүндө статистикалык маалымат

27. Фонддун аткаруу органы жылына 1ден кем эмес жолу отчеттук жылдан кийинки жылдын 1-апрелинен кечиктирбестен Фонддун каражаттарынын пайдаланылышы жөнүндө статистикалык маалыматты экономикалык болжолдоо боюнча ыйгарым укуктуу мамлекеттик органга берет.

Статистикалык маалыматтардын тизмеги ушул Типтүү методиканын 3-тиркемесинде берилген.

5-глава. Мониторинг жүргүзүүнүн жана баалоонун натыйжалары боюнча отчеттор

28. Мониторинг жүргүзүүнүн натыйжалары отчет түрүндө таризделет, мында мониторингдин натыйжалары жана четтөөлөрдү жоюу боюнча сунуштамалар чагылдырылат. Мониторинг жүргүзүү тобунун отчету Фонддун Байкоочу кеңешинин жыйналыштарында жылына 2ден кем эмес жолу угулат.

Фонддун аткаруу органынын мониторинг жүргүзүүнүн жана баалоонун натыйжалары боюнча отчету ар жылдык негизде отчеттук жылдан кийинки жылдын 1-апрелинен кечиктирбестен экономикалык болжолдоо боюнча ыйгарым укуктуу мамлекеттик органга, ошондой эле бюджетти болжолдоо жана аткаруу боюнча ыйгарым укуктуу мамлекеттик органга жиберилет.

Отчеттун сунушталган форматы ушул Типтүү методиканын 4-тиркемесинде берилген.

Мониторинг жүргүзүүнүн жана баалоонун натыйжаларын визуалдаштыруу үчүн Excel программасынын негизинде «желекче диаграммасын» колдонуу сунушталат.

6-таблица. Мониторинг жүргүзүүнүн жана баалоонун натыйжалары (*)

(*) Мисал.