Бюджеттик программалардын жана чакан программалардын натыйжалуулугуна мониторинг жүргүзүү жана баалоо жөнүндө НУСКАМА

1-глава. Жалпы жоболор

1. Бул Нускама Кыргыз Республикасынын Бюджеттик кодексинин 87-беренесине ылайык иштелип чыккан жана бюджеттик программалардын жана чакан программалардын аткарылышына мониторинг жүргүзүү процессин, бюджеттик программалардын жана чакан программалардын натыйжалуулук көрсөткүчтөрүнө жетишүү жөнүндө отчетторду түзүү жана берүү процессин, ошондой эле бюджеттик каражаттардын башкы тескөөчүлөрү (мындан ары - БКБТ) тарабынан бюджеттик программалардын жана чакан программалардын натыйжалуулугун баалоо тартибин жөнгө салат.

2. Бул Нускаманы колдонуунун максаты бюджеттик программаларга жана чакан программаларга төмөнкүлөргө багытталган мониторинг жүргүзүүнүн жана баалоонун макулдашылган жана бирдиктүү процессин камсыз кылуу болуп саналат:

1) бюджеттик каражаттарды пайдалануунун натыйжалуулугуна мониторинг жүргүзүүгө жана талдоого;

2) бюджеттик программалардын натыйжалуулугун аныктоого жана аны жогорулатуу жолдорун табууга;

3) 2018-2040-жылдары Кыргыз Республикасын өнүктүрүүнүн улуттук стратегиясынын (мындан ары - ӨУС), стратегиялык программалык документтердин максаттарына жана Туруктуу өнүктүрүү максаттарына (мындан ары - ТӨМ) жетүүнүн алкагында бюджеттик программалардын натыйжалуулугун баалоого;

4) программалык негизде бюджетти пландоонун жана бюджетти аткаруунун сапатын жогорулатууга;

5) бюджеттик программаларды жана чакан программаларды ишке ашыруунун ачык-айкындуулугун жана отчеттуулугун камсыз кылууга.

3. Бюджеттик программалардын жана чакан программалардын натыйжалуулугун баалоо төмөнкүлөрдү талдоо аркылуу жүргүзүлөт:

1) бюджеттик программалардын ӨУС жана башка стратегиялык/программалык документтердин артыкчылыктарына, анын ичинде ТӨМ милдеттерине шайкештигин;

2) белгиленген типтер боюнча классификацияланган бюджеттик программалардын жана чакан программалардын натыйжалуулугунун сапаттык жана сандык көрсөткүчтөрүнө жетишүүнү;

3) мурунку (отчеттук) мезгил үчүн бюджеттик программаларды жана чакан программаларды аткаруунун иш жүзүндөгү натыйжаларын;

4) мамлекеттик функцияларды жана ТӨМдү ишке ашыруу боюнча эл аралык милдеттенмелерди аткаруунун алкагында милдеттерди жана максаттуу багыттарды ишке ашыруу даражасын.

4. Мониторинг жүргүзүүнүн жана баалоонун милдеттери болуп төмөнкүлөр эсептелет:

1) бюджеттик программалардын жана чакан программалардын, ошондой эле ТӨМдүн тиешелүү милдеттеринин ишке ашырылышын көзөмөлдөө;

2) жетишилген натыйжалар менен пайдаланылган бюджеттик каражаттардын көлөмүнүн ортосунда байланыш түзүү;

3) стратегиялык жана программалык документтердин максаттарына байланыштырылган көрсөткүчтөрдүн типтери (продукт, сапат, натыйжалуулук, таасир) боюнча натыйжалуулукту талдоо;

4) пландалган натыйжаларга жетүүгө тоскоолдук кылган факторлорду аныктоо жана аларды жоюу боюнча сунуштарды иштеп чыгуу;

5) программаларды ишке ашырууну жакшыртууга багытталган башкаруу чечимдери үчүн далилдүү базаны түзүү.

5. Мониторинг жүргүзүү жана баалоо принциптери:

1) натыйжалуулук жана майнаптуулук - ТӨМ милдеттерин кошо алганда, конкреттүү жана өлчөнүүчү натыйжаларга жетүүгө багыт алуу;

2) бир түрдүүлүк - туруктуу өнүктүрүү милдеттерине ылайык келүүсүн эске алуу менен бардык бюджеттик программалар үчүн мониторинг жүргүзүүнүн жана баалоонун бирдиктүү жол-жоболорун колдонуу;

3) жоопкерчилик - мониторинг жүргүзүү жана баалоо маалыматтарынын аныктыгы үчүн БКБТнын кызмат адамдарына жеке жоопкерчиликти жүктөө;

4) ачык-айкындуулук жана отчеттуулук - расмий интернет-ресурстарга жайгаштыруу аркылуу ишке ашыруунун жүрүшү жана натыйжаларга жетүү жөнүндө маалыматтардын, анын ичинде ТӨМ милдеттеринин ачыктыгы;

5) жоболордун жөнөкөйлүгү жана жеткиликтүүлүгү - дайындардын жогорку сапатын сактоо менен маалыматтарды чогултуунун, талдоонун жана берүүнүн жеңилдигин камсыз кылуу;

6) мониторинг жүргүзүүнүн өз алдынчалуулугу - БКБТнын мониторинг жүргүзүүнү жана баалоону өз күчү менен же көз карандысыз эксперттерди тартуу менен ишке ашыруусу.

6. Бюджеттик программалардын жана чакан программалардын натыйжалуулугун баалоо БКБТ тарабынан жыл сайын өз алдынча - тиешелүү отчеттук мезгил үчүн бюджетти аткаруунун жыйынтыгы боюнча жүргүзүлөт.

7. Мониторинг жүргүзүү жана баалоо үчүн маалымат булактары болуп төмөнкүлөр эсептелет:

1) расмий мамлекеттик статистикалык, бюджеттик, финансылык жана башкаруу отчету;

2) бухгалтердик жана статистикалык эсептин маалыматтары;

3) бюджетти пландоо жана аткаруу документтеринде камтылган маалымат;

4) ички аудиттин жыйынтыктары;

5) Кыргыз Республикасынын Эсептөө палатасынын текшерүүлөрүнүн жыйынтыктары;

6) Кыргыз Республикасынын мыйзамдарында каралган башка расмий булактар.

8. Ушул Нускамада колдонулган негизги түшүнүктөр жана терминдер:

- бюджеттик программанын администратору - программаны пландоону, ишке ашырууну жана баалоону, анын ТӨМдүн милдеттерине шайкештигин координациялоо үчүн жооптуу БКБТнын кызмат адамы;

- бюджеттик программа - максаттарга, анын ичинде ТӨМдүн милдеттерине жетүүгө багытталган өз ара байланышкан бюджеттик чакан программалардын комплекси;

- бюджеттик чакан программа - программанын айрым милдеттерин ишке ашырууга жана тиешелүү ТӨМгө жетүүгө багытталган программанын түзүмдүк бөлүгү;

- мониторинг жүргүзүү тобу - ТӨМдүн милдеттерине жетүүнү эске алуу менен программалардын жана чакан программалардын аткарылышына мониторинг жүргүзүүчү БКБТнын адистеринин жумушчу тобу;

- натыйжалуулук көрсөткүчтөрү - бюджеттик программанын максаттарына жана туруктуу өнүктүрүүнүн милдеттерине жетүү даражасын өлчөөчү сандык жана сапаттык көрсөткүчтөр;

- контролдук цифралар - мамлекеттик саясаттын жана ТӨМдүн максаттарына жетүүгө багытталган программаларды ишке ашырууга бюджеттик ассигнованиелердин лимиттери;

- бюджеттик программалардын аткарылышына мониторинг жүргүзүү - программаны ишке ашыруунун абалына, пландалган индикаторлорго жана максаттарга, анын ичинде ТӨМдүн милдеттерине жетүү даражасын үзгүлтүксүз көзөмөлдөө процесси;

- бюджеттик программанын паспорту - программанын максатын, иш багытын, натыйжалуулук көрсөткүчтөрүн жана туруктуу өнүктүрүү милдеттерине ылайык келишин аныктоочу документ;

- бюджеттин программалык түзүмү - ӨУС жана ТӨМдүн милдеттери менен каржылоонун ортосундагы байланышты чагылдырган бюджеттик программалардын жана чакан программалардын тизмеги;

- ыйгарым укуктуу мамлекеттик орган - бюджеттик саясатты ишке ашырууну, анын ичинде ТӨМдү бюджеттик пландоого жана отчеттуулукка интеграциялоону координациялаган аткаруу бийлигинин борбордук органы.

2-глава. Бюджеттик программаларга мониторинг жүргүзүүнүн тартиби

1-бөлүм. Мониторинг жүргүзүүгө негизги талаптар

9. БКБТ отчеттук бюджеттик мезгилдин жыйынтыгы боюнча бюджеттик программалардын жана чакан программалардын аткарылышына мониторинг жүргүзөт жана ушул Нускамада белгиленген мөөнөттө ыйгарым укуктуу мамлекеттик органга мониторинг жүргүзүү жана натыйжалуулук көрсөткүчтөрүнө жетүү жөнүндө отчетторду берет.

10. Мониторинг жүргүзүү объекти болуп бюджеттик программалардын жана чакан программалардын натыйжалуулугунун көрсөткүчтөрүнүн мааниси (пландык жана иш жүзүндөгү), иш-чараларды ишке ашыруунун жүрүшү, бюджеттик программаны ишке ашырууну финансылык камсыздоо жөнүндө маалыматтар, тиешелүү отчеттордун маалыматтары саналат.

11. Мониторинг төмөнкү максаттарда жүргүзүлөт:

1) бюджеттик программалардын жана чакан программалардын максаттарына жетүү даражасын баалоо;

2) чакан программалардын иш жүзүндө аткарылышын талдоо;

3) ӨУС жана ТӨМдүн милдеттерине жетүү даражасын аныктоо;

4) программаларды ишке ашырууга тоскоол болгон проблемаларды аныктоо жана натыйжалуулукту жогорулатуу боюнча сунуштарды иштеп чыгуу.

12. Бюджеттик программаларды/чакан программаларды ишке ашырууга мониторинг жүргүзүү процесси өзүнө төмөнкүлөрдү камтыйт:

1) бюджеттик программанын жана ар бир бюджеттик чакан программанын иш жүзүндө аткарылышын талдоо:

- натыйжалуулук көрсөткүчтөрүнүн иш жүзүндөгү маанилерин пландык маанилер менен салыштыруу;

- программанын пландалган максаттарына жана милдеттерине жетүү даражасын аныктоо;

- пландык маанилерден четтөөлөрдүн себептерин аныктоо;

2) каржылоону талдоо:

- чыгымдардын экономикалык классификациясынын беренелери боюнча пландалган жана иш жүзүндөгү каржылоо көлөмдөрүн салыштыруу;

- каржылоонун бардык булактарын, анын ичинде бюджеттен тышкаркы каражаттарды эсепке алуу;

- каражаттардын жетишсиздигин же натыйжасыз пайдаланылышын аныктоо;

3) бюджеттик программаны жалпысынан жана ар бир бюджеттик чакан программа боюнча сапаттуу жана өз убагында ишке ашырууга тоскоолдук кылган проблемаларды талдоо:

- программаларды ишке ашырууга таасир этүүчү ички жана тышкы факторлорду аныктоо;

- маалыматтардын ар кандай булактарын пайдалануу (интервью, сурамжылоолор, документтер, фокус-топтор, контролдоонун жана аудиттин корутундулары);

- четтөөлөрдүн себептерин туюндуруу жана аныкталган проблемаларды жоюу боюнча сунуштарды даярдоо;

4) бюджеттик программага жалпысынан жана ар бир бюджеттик чакан программа боюнча мурунку мониторинг жүргүзүүнүн жыйынтыгында иштелип чыккан сунуштардын аткарылышын талдоо:

- сунуштарды аткаруу статусун аныктоо (аткарылды, жарым-жартылай аткарылды, аткарылган жок);

- аткарылбагандыгынын себептерин жана ишке ашырылган сунуштардын натыйжалуулукка тийгизген таасирин талдоо;

5) бюджеттик программаларды аткаруу боюнча иш-чаралардын планын ишке ашыруунун жүрүшүн талдоо:

- ар бир чакан программа боюнча пландалган жана иш жүзүндө ишке ашырылган иш-чараларды салыштыруу;

- иш-чаралардын аткарылышынын толуктугун жана мөөнөттөрүнүн сакталышын текшерүү;

- аткарылган иш-чаралардын пландалган натыйжаларга шайкештигин талдоо;

- ишке ашырылган иш-чаралардын программанын жана чакан программалардын максаттарына жана натыйжалуулугунун көрсөткүчтөрүнө жетүүгө кошкон салымын баалоо.

Талдоо мониторинг жүргүзүү тобу тарабынан жүргүзүлөт, ал эми жыйынтыктоочу тыянактар бюджеттик программанын администратору түзгөн аналитикалык отчетто чагылдырылат. Бул талдоо мониторинг жүргүзүүнүн ажырагыс бөлүгү болуп саналат жана аткарылган иш-аракеттер менен жетишилген натыйжалардын ортосундагы байланышты жооптуу аткаруучуларга оордук келтирбестен аныктоого багытталган.

13. Программанын алкагындагы бюджеттик чакан программалардын ишке ашырылышына мониторинг жүргүзүү ушул Нускамада каралган мөөнөттөрдө мониторинг жүргүзүү тобу тарабынан жүзөгө ашырылат жана ушул Нускаманын 1, 2-тиркемелеринде келтирилген форма боюнча отчеттор түрүндө түзүлөт. Бул документтер тиешелүү бюджеттик программанын администраторуна берилет.

14. Бюджеттик программанын администратору отчетторду карайт, ушул Нускаманын 3-тиркемесине ылайык форма боюнча аналитикалык отчетту толтурат жана аныкталган проблемаларды четтетүү боюнча чараларды көрөт. Зарыл болгон учурда коллегиалдуу кароо үчүн сунуштарды түзөт.

15. Натыйжалуулуктун максаттуу көрсөткүчтөрүнөн же тобокелдиктерди ишке ашыруудан олуттуу четтөөлөр болгондо, администратор программаны андан ары ишке ашыруу боюнча негиздүү сунуштарды киргизет, тобокелдиктерди башкаруу чараларын көрсөтөт жана алардын максаттарга жетүүгө тийгизген таасирин баалайт.

16. Отчеттор бүткөндөн кийин администратор аларды жыйынды отчетту түзүүгө жооптуу бөлүмгө жөнөтөт.

17. Көрсөтүлгөн бөлүм маалыматтарды жалпылап, жыйынды отчетту БКБТнын жетекчисинин кароосуна киргизет.

18. БКБТнын жетекчиси отчетту бекитет, башкаруу чечимдерин кабыл алат жана жылдын жыйынтыгы боюнча - отчеттук жылдан кийинки жылдын 15-мартына чейин коллегиялуу кароонун датасын аныктайт.

19. Кароонун жыйынтыгы боюнча төмөнкүдөй чечимдер кабыл алынат:

1) проблемаларды четтетүү жөнүндө;

2) көрсөткүчтөрдү жана ишке ашыруу мөөнөттөрүн тактоо жөнүндө;

3) программанын финансылык параметрлерин түзөтүү жөнүндө;

4) Кыргыз Республикасынын Президентинин

Администрациясынын деңгээлинде кийинки чечимдерди кабыл алуу үчүн ыйгарым укуктуу мамлекеттик органга суроо-талапты жөнөтүү жөнүндө.

20. Бекитилген отчет белгиленген мөөнөттө ыйгарым укуктуу мамлекеттик органга электрондук түрдө, мамлекеттик жана расмий тилдерде берилет.

21. Ыйгарым укуктуу мамлекеттик орган отчетторду үч жуманын ичинде карап чыгат, сунуштарды жөнөтөт, зарыл болгон учурда кайра толуктап иштеп чыгуу боюнча суроо-талап жөнөтөт.

22. БКБТ кемчиликтерди жоюп, оңдолгон отчетту кайрадан жөнөтөт.

23. БКБТ бюджеттик программалардын жана чакан программалардын ишке ашырылышына мониторинг жүргүзүүнүн жыйынтыгы боюнча ушул Нускаманын 5-тиркемесине ылайык форма боюнча жалпыланган маалыматты даярдайт жана ыйгарым укуктуу мамлекеттик органга жөнөтөт. Жалпыланган маалымат негизги натыйжаларды кыска баалоону, жетишилген көрсөткүчтөрдү, ишке ашырылган тобокелдиктерди, проблемалуу маселелерди жана программанын ӨУС максаттарына жана ТӨМгө жетүүгө кошкон салымын камтыйт.

24. Ыйгарым укуктуу мамлекеттик орган берилген маалыматтын негизинде ушул Нускаманын 5-тиркемесине ылайык бардык БКБТ боюнча жыйынды маалыматты түзөт жана аны чечим кабыл алуу үчүн Кыргыз Республикасынын Президентинин Администрациясына жөнөтөт.

25. Ыйгарым укуктуу мамлекеттик органдын сунушу боюнча отчеттор Кыргыз Республикасынын Министрлер Кабинетинин жыйналыштарында каралышы мүмкүн.

26. БКБТнын жооптуу адамы бекитилген отчеттордун негизинде жыйналыштарга материалдарды даярдайт.

27. Жыйынтыктоочу тыянактар учурдагы жана пландалган мезгилдин бюджетине түзөтүүлөрдү киргизүү боюнча сунуштарды даярдоо үчүн колдонулат.

28. Мониторинг жүргүзүүгө кошумча БКБТ ушул Нускамага ылайык бюджеттик программаларды ишке ашыруунун натыйжалуулугун баалайт.

29. Баалоонун натыйжалары ушул Нускаманын 4-тиркемесине ылайык атайын формада чагылдырылат жана программаларды пландоонун, аткаруунун жана түзөтүүнүн сапатын жогорулатуу үчүн колдонулат.

2-бөлүм. Уюштуруу маселелери

30. БКБТнын жетекчиси жыл сайын кезектеги бюджеттик жылдын 15-январынан кечиктирбестен ведомстволук буйрук менен төмөнкүлөрдү аныктайт:

1) БКБТнын мониторинг жүргүзүү жана натыйжалуулук көрсөткүчтөрүнө жетүү жөнүндө жыйынды отчетун берүүгө жооптуу бөлүмдү;

2) бюджеттик программалардын администраторлорун. Бюджеттик программанын администратору болуп БКБТнын жетекчисинин орун басары эсептелет, анын карамагына тиешелүү бюджеттик программада аныкталган иш багыты кирет, же БКБТнын профилдик бөлүмүнүн жетекчиси;

3) тиешелүү программаны ишке ашырууга жооптуу бөлүмдөрдүн өкүлдөрүнүн ичинен бюджеттик программалардын натыйжалуулугунун көрсөткүчтөрүнө жетүүгө мониторинг жүргүзүү боюнча топтор;

4) бюджеттик программалардын аткарылышына мониторинг жүргүзүүнүн жана отчеттуулукту берүүнүн план-графиги.

31. Ушул Нускаманын 30-пунктунда каралган буйруктун көчүрмөсү ыйгарым укуктуу мамлекеттик органга жыл сайын кезектеги бюджеттик жылдын 1-февралынан кечиктирилбестен берилет.

32. БКБТнын жетекчилери төмөнкүлөргө милдеттүү:

1) программалардын аткарылышына жана натыйжалуулук көрсөткүчтөрүнө жетүүгө системалуу мониторинг жүргүзүү процессин уюштурууга;

2) БКБТнын компетенциясынын чегинде мониторинг жүргүзүүнүн жыйынтыгы боюнча чечимдерди кабыл алууга;

3) ыйгарым укуктуу мамлекеттик органга өз убагында жана сапаттуу жыйынды отчетторду берүүгө;

4) бюджеттик каражаттарды пайдалануунун натыйжалуулугун жогорулатуу боюнча чараларды көрүүгө.

33. Жыйынды отчетту даярдоого жооптуу бөлүм:

1) мониторинг жүргүзүүнү жана отчет берүүнү уюштурат;

2) отчет түзөт жана ыйгарым укуктуу мамлекеттик органга жөнөтөт;

3) программалардын администраторлорунан алынган маалыматты жалпылайт;

4) жетишпеген маалыматтарды сурайт;

5) отчетту коллегиялуу кароону демилгелейт.

34. Бюджеттик программалардын администраторлору:

1) көрсөткүчтөргө жетүүнү жана чакан программаларды ишке ашырууну уюштурат;

2) бардык ишке тартылган бөлүмдөрдүн ишин координациялайт;

3) бюджетти пландоо баскычында эксперттик баа берет;

4) мониторинг жүргүзөт жана аналитикалык отчет түзөт;

5) программаларды өзгөртүү боюнча сунуштарды карайт;

6) маалыматтын аныктыгын жана толуктугун камсыздайт;

7) ыйгарым укуктуу мамлекеттик органга зарыл маалыматтарды берет жана суроо-талаптарына жооп берет.

35. Мониторинг жүргүзүү боюнча топтор:

1) чакан программаларды ишке ашырууну камсыз кылат;

2) чакан программалар боюнча отчетторду түзөт жана администраторго берет;

3) аналитикалык отчетторду түзүүгө катышат;

4) жыйынтыктарга жетүү жана каражаттарды натыйжалуу пайдалануу үчүн жооп берет;

5) Иш-чаралар планын аткаруу боюнча маалыматтарды толтурат;

6) программаларды түзөтүү боюнча сунуштарды киргизет;

7) суроо-талаптар боюнча маалыматтарды берет;

8) иш-чаралардын аткарылышын тиешелүү документтер менен ырастайт.

36. Бюджеттик программаларды ишке ашырууга мониторинг жүргүзүү жана бюджеттик программалардын/чакан программалардын натыйжалуулугунун көрсөткүчтөрүнө жетүү жөнүндө отчетторду тапшыруунун план-графиги бардык БКБТ үчүн бирдиктүү болуп саналат жана 1-таблицада келтирилген план-график боюнча ишке ашырылат.

1-таблица

37. Ыйгарым укуктуу мамлекеттик органдын ыйгарым укуктары:

1) мониторинг жүргүзүү жана натыйжалуулук көрсөткүчтөрүнө жетүү жөнүндө берилген отчетторду, баалоонун жыйынтыктарын, БКБТнын жалпыланган маалыматын талдоо (ушул Нускаманын 1-5-тиркемелери);

2) берилген материалдарды талдоонун жыйынтыгы боюнча сунуштарды иштеп чыгуу жана БКБТга сунуштарды жөнөтүү;

3) бюджеттик программаларды ишке ашырууга пландалган, такталган жана иш жүзүндөгү чыгымдар жөнүндө маалыматты текшерүү;

4) ӨУС жана ТӨМ максаттарына жетүүгө салымды баалоону кошуп, бардык БКБТлардын бюджеттик программаларына мониторинг жүргүзүүнүн жыйынтыктары боюнча жыйынды маалыматты түзүү;

5) БКБТнын компетенциясынын чегинен тышкаркы маселелер боюнча жыйынды маалыматты кароо жана чечим кабыл алуу үчүн Кыргыз Республикасынын Президентинин Администрациясына жөнөтүү;

6) зарыл болгон учурда ведомстволор аралык же саясий чечим кабыл алууну талап кылган маселелер боюнча Кыргыз Республикасынын Министрлер Кабинетине сунуштарды даярдоо.

3-глава. Бюджеттик программалардын жана чакан программалардын натыйжалуулугуна баалоо жүргүзүү тартиби

1-бөлүм. Бюджеттин аткарылышынын жыйынтыгы боюнча программаларды баалоо

38. Бюджеттик программалардын жана чакан программалардын натыйжалуулугун баалоо БКБТ тарабынан жыл сайын - тиешелүү отчеттук мезгил үчүн бюджеттин аткарылышынын жыйынтыгы боюнча өз алдынча жүргүзүлөт.

39. Баалоо ички талдоонун натыйжаларын пайдалануу менен мониторингге кошумча жүргүзүлөт жана төмөнкүлөргө багытталат:

1) программалардын жана чакан программалардын максаттарына жетишүү даражасын жана натыйжалуулук көрсөткүчтөрүн аныктоо;

2) программаларды ишке ашыруунун натыйжалуулугуна таасир этүүчү факторлорду аныктоо;

3) натыйжалуулукту жогорулатуу жана программалык пландоону жакшыртуу боюнча сунуштарды даярдоо;

4) ӨУС жана ТӨМ максаттарына жетүүдө бюджеттик программанын салымын баалоо.

40. Баалоонун жыйынтыктары ушул Нускаманын 4-тиркемесинде белгиленген форма боюнча таризделет жана мониторинг жөнүндө отчет берүү менен бир убакта ыйгарым укуктуу мамлекеттик органга жөнөтүлөт.

41. Баалоонун алкагында төмөнкүдөй маалымат булактары пайдаланылат:

1) программаны ишке ашыруунун мониторинги жөнүндө отчет (ушул Нускаманын 1-3-тиркемелери);

2) Иш-чаралар планын аткаруу жөнүндө маалымат;

3) бухгалтердик, статистикалык жана башкаруучулук отчеттуулуктун маалыматтары;

4) ички талдоонун жана эксперттик баалоонун натыйжалары;

5) аткарылышын жана жетишилген натыйжаларды ырастаган башка документтер.

42. Зарылдыгына жараша ыйгарым укуктуу мамлекеттик орган верификациялоо жана талдоо үчүн кошумча материалдарды сурап алууга, ошондой эле баалоо жүргүзүүдө методикалык колдоо көрсөтүүгө укуктуу.

43. БКБТ сунушталган баанын толуктугу, тууралыгы жана объективдүүлүгү, ошондой эле анын натыйжалары боюнча иштелип чыккан сунуштардын ишке ашырылышы үчүн жоопкерчилик тартат.

2-бөлүм. Программаларга баалоо жүргүзүү методикасы

44. Натыйжалуулукту баалоо төрт сандык өлчөнүүчү критерий боюнча жүргүзүлөт. Жалпы максималдуу баа 100 баллды түзөт. Методика субъективдүү ыкманы жокко чыгарууга багытталган жана БКБТ ишке ашырып жаткан бардык программаларга бирдей колдонулат.

45. Натыйжалуулук көрсөткүчтөрүнө жетүү коэффициенти (максимум 40 балл) отчеттук мезгилде бекитилген бардык көрсөткүчтөрдүн санына 40 баллга көбөйтүлгөн иш жүзүндө жетишилген натыйжалуулук көрсөткүчтөрүнүн санынын катышы катары бааланат.

Формуласы: K1 = (A / В) х 40,

мында:

A - натыйжалуулуктун жетишилген пландык көрсөткүчтөрүнүн саны;

В - натыйжалуулуктун бекитилген көрсөткүчтөрүнүн жалпы саны.

Маанилер үтүрдөн кийин бир белгиге чейин тегеректелет. Көрсөткүч эгерде анын иш жүзүндөгү мааниси пландалгандан 98%дан ашса (индикатор-стимуляторлор үчүн) же 98%дан аз болсо (индикатор-дестимуляторлор үчүн) жетишилген деп эсептелет.

Дестимуляторлор боюнча факт төмөндөгөн учурда - оң динамика жана ушул Нускаманын 4-тиркемесинин VII бөлүмүндө түшүндүрмөлөр болгон учурда эсептелет.

46. Бюджеттик программаларды жана чакан программаларды пландоо коэффициенти (максимум 20 балл) бюджеттик программаларды жана БКБТ чакан программаларын пландоонун сапаты менен бааланат.

Формуласы: К2 = (С / D) * 20,

мында:

С - иш жүзүндө мөөнөтүндө жана толук көлөмдө аткарылды;

D - бардык бюджеттик программалар жана чакан программалар.

47. Ички баалоонун шайкештик коэффициенти (максимум 20 балл) ушул Нускаманын 4-тиркемесине ылайык форманын берилишинин толуктугунун жана төмөнкү пункттар боюнча ырасталган маалыматтардын негизинде бааланат:

1) пландык маанилерден четтөө себептерин талдоонун болушу (5 балл);

2) көйгөйлөрдү жоюу боюнча сунуштардын болушу (5 балл);

3) программанын натыйжалуулугу боюнча тыянактардын болушу (5 балл);

4) иш жүзүндөгү маалыматтардын мониторингдин маалыматтарына дал келиши (5 балл).

Эгерде элемент жок болсо, ал үчүн балл эсептелбейт. Жалпы балл = топтолгон баллдардын суммасы (0-20).

48. ТӨМгө жана стратегиялык документтерге салым кошуу коэффициенти (максимум 20 балл) Программаны ишке ашыруу түздөн-түз таасир этүүчү ТӨМ милдеттеринин жана ӨУС максаттарынын саны боюнча бааланат.

Формуласы: К4 = min(((E + F) / 2) х 5, 20),

мында:

Е - программа чагылдырылган ТӨМ милдеттеринин саны;

F - программа салым кошкон ӨУС максаттарынын саны.

Максималдуу балл 20 балл.

Ушул Нускаманын 5-тиркемесине ылайык текст боюнча ырасталат.

49. Бюджеттик программанын жыйынтыктоочу баасы төмөнкүлөрдүн суммасы катары эсептелет: жыйынтык = K1 + K2 + K3 + K4

Натыйжалуулукту баалоо шкаласы:

- 85-100 балл - бюджеттик программаны ишке ашыруунун жогорку натыйжалуулугу;

- 60-84 балл - бюджеттик программаны ишке ашыруунун орточо натыйжалуулугу;

- 60 баллдан төмөн - бюджеттик программаны ишке ашыруунун төмөн натыйжалуулугу.

Баалоонун натыйжалары программаларды, каржылоо көлөмүн оңдоо боюнча жана кезектеги бюджеттик мезгилге республикалык бюджеттин долбооруна сунуштарды түзүүдө милдеттүү түрдө пайдаланылууга тийиш. Программаларды оңдоо боюнча башкаруучулук чечимдерди даярдоо жана каржылоону кайра кароо кезектеги бюджеттик мезгилге республикалык бюджеттин долбооруна сунуштарды түзүү үчүн негиз болот.

50. Программаларды баалоонун натыйжалары ушул Нускаманын 4-тиркемесине ылайык форма боюнча программаларды ички баалоонун натыйжалары жөнүндө корутунду түрүндө таризделет.

51. Корутунду төмөнкүлөрдү камтыйт:

1) төрт критерий боюнча жыйынтыктоочу бааны эсептөө (K1 - K4);

2) сапаттык жана сандык натыйжалуулук көрсөткүчтөрүнүн максаттуу маанилерине жетүүнү талдоо;

3) программаны пландоо сапатын баалоо (стратегиялык документтерге шайкештиги, көрсөткүчтөрдүн болушу жана сапаты);

4) программаны ишке ашырууну өркүндөтүү боюнча кыскача тыянактар жана сунуштар.

52. Тыянактар жана сунуштар төмөнкүлөрдү камтышы мүмкүн:

1) уюштуруу, ченемдик же финансылык мүнөздөгү кемчиликтер жөнүндө маалыматтар (анын ичинде отчетторду берүүнүн кечеңдеши, бөлүмдөрдүн ортосундагы координациянын начардыгы, сатып алуудагы көйгөйлөр ж.б.);

2) кемчиликтерди жоюу, программалык түзүмдү өзгөртүү же программаны токтотуу жөнүндө сунушту кошуп алганда ассигнованиелерди кайра бөлүштүрүү боюнча сунуштар.

53. БКБТ ушул Нускаманын 44-49-пункттарында баяндалган методиканын негизинде аяктаган бюджеттик программаларда баалашат. Баалоонун натыйжалары ушул Нускаманын 4-тиркемесине ылайык форма боюнча корутунду түрүндө таризделет.

54. Ыйгарым укуктуу мамлекеттик орган берилген корутундулардын негизинде маалыматтык системада гана программалык негизде бюджетти ишке ашыруунун натыйжалуулугунун даражасы боюнча БКБТ рейтингин түзөт. Рейтингди түзүү баалоонун алкагында ар бир программа боюнча топтолгон баллдын негизинде ишке ашырылат.

55. Баллды эсептөө жана рейтингди түзүү маалыматтык системанын алгоритмдерине ылайык автоматташтырылган режимде ишке ашырылат. Рейтингди эсептөө методикасы жана маалыматтык системанын техникалык сыпаттамасы ыйгарым укуктуу мамлекеттик органдын ички буйругу менен бекитилет.

4-глава. Натыйжалуулук көрсөткүчтөрүнүн максаттуу маанилерине жетишүү үчүн жоопкерчилик

56. Бюджеттик программалардын натыйжалуулук көрсөткүчтөрүнө жетишүү, системалуу мониторинг жүргүзүү, ички баалоо, ошондой эле программаларды ишке ашырууга мониторинг жүргүзүү жана баалоо боюнча отчеттуулукту өз убагында, ишенимдүү жана сапаттуу берүү үчүн жоопкерчилик БКБТнын жетекчисине жүктөлөт.

57. БКБТ натыйжалуулук көрсөткүчтөрүнүн максаттуу маанилерине жетүү, бюджеттик каражаттарды пайдалануунун натыйжалуулугун жогорулатуу боюнча чараларды көрүүгө, ошондой эле берилген отчетторду жана жалпыланган маалыматтарды талдоонун жыйынтыгы боюнча ыйгарым укуктуу мамлекеттик органдын сунуштарына жооп берүүгө милдеттүү.

58. Мониторинг жүргүзүү, ички баалоо же жалпыланган маалымат боюнча отчет берилбеген жана/же сапатсыз берилген учурда ыйгарым укуктуу мамлекеттик орган Кыргыз Республикасынын бюджеттик мыйзамдарына ылайык БКБТнын кызмат адамдарына тартиптик жоопкерчилик чараларын колдонуу жөнүндө сунуштарды киргизүүгө укуктуу.

Бюджеттик чакан программага мониторинг жүргүзүү жөнүндө ОТЧЕТ

Форма

Бюджеттик программалардын иш-чаралар планынын аткарылышы жана жетишилген натыйжалар жөнүндө МААЛЫМАТ

Эскертүү:

1) (*) "Аткаруу статусу" графасында бюджеттик программаны/чакан программаны ишке ашыруу жөнүндө БКБТнын баалоосу берилет. Баалоо "аткарылды", "аткарылган жок" статусу менен берилет. Иш-чара төмөнкү жыйынтыктарга жеткенде толук көлөмдө аткарылды деп эсептелет:

- бир жолу ишке ашырылуучу иш-чара күтүлгөн натыйжанын пландык көрсөткүчүнө жеткенде толук көлөмдө аткарылды деп эсептелет;

- ишке ашыруунун жетишкен натыйжасы ар жылдык акыркы мааниге ээ болгон иш-чара, эгерде жетишкен жыйынтыктын мааниси пландык маанинин 100 % жана андан көп пайызына жетсе толук көлөмдө аткарылды деп эсептелет;

2) (**) "Каржылоо, миң сом" графасында каржылоонун бардык болгон булактарынан алынган каражаттар көрсөтүлөт;

3) (***) "Каржылоо булагы" графасында булактар төмөнкүдөй редакцияда көрсөтүлөт: "Бюджеттик каражаттар", "Мамлекеттик инвестициялар", "Атайын эсептердеги каражаттар", "Жеке каражаттар", "Бюджеттик системанын бюджеттеринин каражаттары", "Өнүктүрүү боюнча өнөктөштөрдүн бюджетте эсепке алынбаган каражаттары". Эгерде каржылоо булактары бир нече болсо, "Каржылоо булагы" графасында конкреттүү булактан алынган каражаттардын суммасы көрсөтүлөт.

Форма

БКБТнын бюджетгик программаларын ишке ашыруунун жүрүшү жөнүндө аналитикалык ОТЧЕТ

Бюджеттик программаны ишке ашыруунун натыйжалуулугуна баалоо жүргүзүү жөнүндө корутундунун ФОРМАСЫ

I. Жалпы маалымат

1) БКБТнын аталышы:

________________________________________________________________________;

2) бюджеттик программанын аталышы:

________________________________________________________________________;

3) отчеттук мезгил:

________________________________________________________________________;

4) жооптуу администратор:

________________________________________________________________________;

5) байланышуучу адам:

________________________________________________________________________;

II. Натыйжалуулук көрсөткүчтөрүнө жетүү коэффициентинин эсеби (К1)

(максимум 40 балл)

Түшүндүрмө: көрсөткүч жетишилген деп эсептелет, эгерде:

- стимуляторлор үчүн иш жүзүндөгү маани пландын98%ынан кем эмести түзсө;

- дестимуляторлор үчүн планга жетпей калуу бул жетишкендик, башкача айтканда планга карата фактынын төмөндөшү менен (мисалы, өлүмдүн азайышы) - формула боюнча көрсөткүчкө "жетпесе" дагы, дайыма оң натыйжа деп эсептелет.

1) Бардык бекитилген көрсөткүчтөр:_____________ (В);

2) Алардын ичинен жетишилди (критерийлер боюнча 98 %): _____________ (А).

Эсеп:

Формуласы: KI = (А/В) х 40 = балл.

III. Бюджеттик программаларды жана чакан программаларды пландоо коэффициентинин эсеби (К2)

(максимум 20 балл)

Түшүндүрмө: пландоо туура деп эсептелет, эгерде:

- иш жүзүндө аткаруу пландын 98%ынан кем эмести түзсө;

- пландык көрсөткүчтөн ашкан учурда көрсөткүчкө жетишилген жок деп эсептелет.

1) пландагы бардык бюджеттик программалар жана чакан программалар: ______________ (D);

2) толук көлөмдө мөөнөтүндө иш жүзүндө аткарылды: _____________________ (С).

Эсеп:

Формуласы: К2 = (C/D) * 20 = балл.

IV. Ички баалоо элементтеринин болушун текшерүү (КЗ)

(максимум 20 балл)

Баллдын суммасы: 20дан ___________.

V. ТӨМгө жана ӨУСкө салымды баалоо (К4)

(максимум 20 балл)

1) Программа таасир этүүчү ТӨМдүн милдеттеринин саны: ____________ (Е);

2) Программага тиешелүү ӨУСтун максаттарынын саны: ______________ (F).

Эсеп:

Формуласы: К4 = min ((Е + F) / 2) ⨯ 5, 20) = _______________ балл.

VI. Жыйынтыктоочу баалоо

Жыйынтык = KI + К2 + К3 + К4 = _________ балл.

Натыйжалуулук категориясы:

c жогору (85-100)

c орточо(60-84)

c төмөн (<60)

V II. Баалоонун жыйынтыгы боюнча БКБТнын тыянактары жана сунуштары

(кыска жана так туюндуруу)

________________________________________________________________________

________________________________________________________________________

________________________________________________________________________

________________________________________________________________________

________________________________________________________________________

Түзүлгөн датасы: __________________

Программанын администраторунун колу: _____________________

Мисал

Бюджеттик программаны ишке ашыруунун натыйжалуулугуна баалоо жүргүзүү жөнүндө корутундунун ФОРМАСЫ

I. Жалпы маалымат

1) БКБТнын аталышы: Кыргыз Республикасынын Саламаттык сактоо министрлиги;

2) Бюджеттик программанын аталышы: айыл жеринде баштапкы медициналык-санитардык жардамды өнүктүрүү;

3) Отчеттук мезгил: 2024-жыл;

4) Жооптуу администратор: Кыргыз Республикасынын саламаттык сактоо министринин орун басары;

5) Байланышуучу адам: Асанов А.А., программалык пландоо бөлүмүнүн начальниги.

II. Натыйжалуулук көрсөткүчтөрүнө жетүү коэффициентинин эсеби (K1)

(максимум 40 балл)

Түшүндүрмө: көрсөткүч жетишилген деп эсептелет, эгерде:

- стимуляторлор үчүн иш жүзүндөгү маани пландын 98%ынан кем эмести түзсө;

- дестимуляторлор үчүн планга жетпей калуу бул жетишкендик, башкача айтканда планга карата фактынын төмөндөшү менен (мисалы, өлүмдүн азайышы) - формула боюнча көрсөткүчкө "жетпесе" дагы, дайыма оң натыйжа деп эсептелет.

1. Бардык бекитилген көрсөткүчтөр (B): 10;

2. Жетишилди (A): 6 (№ 1, 2, 3, 4, 5, 9).

Формуласы:

III. Бюджеттик программаларды жана чакан программаларды пландоо коэффициентинин эсеби (K2)

(максимум 20 балл)

Түшүндүрмө: пландоо туура деп эсептелет, эгерде:

- иш жүзүндө аткаруу пландын 98%ынан кем эмести түзсө;

- пландык көрсөткүчтөн ашкан учурда көрсөткүчкө жетишилген жок деп эсептелет.

1. Пландагы бардык бюджеттик программалар жана чакан программалар: 4 (D);

2. Иш жүзүндө өз убагында жана толук көлөмдө аткарылды: 2 (С).

Формуласы:

IV. Ички баалоонун сапатын баалоо (K3)

K3 боюнча бардыгы: 15 балл

V. ТӨМгө жана ӨУСка жетүү салымын баалоо (K4)

1. ТӨМдүн милдеттеринин саны (E): 2;

2. ӨУСтун максаттарынын саны (F): 3.

Формуласы:

K4 кандай эсептелгендигин деталдуу түшүндүрүү

K4 көрсөткүчүнүн эсебин кадамдык талдоо - ТӨМгө жана ӨУСка салым жана аны объективдүү толтуруу.

K4 маңызы - бюджеттик программа ТӨМгө канчалык байлангандыгын жана - ӨУСтун артыкчылыктары менен катышын баалоо.

Мында БКБТ программанын реалдуу шайкеш келген максаттарынын санына жараша максимум 20 баллга чейин алат.

Элементтерди чечмелөө:

Е - программа менен камтылган ТӨМдүн конкреттүү милдеттеринин (максаттарды гана эмес) саны.

Мисалы, ТӨМ 4 "Билим берүү" 4.1, 4.2, 4.а ж.б. милдеттерди камтыйт.

Эгер программа 4.1 жана 4.2-милдеттерге таасирин тийгизсе -анда Е = 2;

F - программа таасир эткен ӨУСтун конкректтүү багыттарынын/милдеттеринин саны.

Мисалы:

- 1-багыт: социалдык өнүктүрүү → "Адамдын муктаждыгына жооп берген саламаттык сактоо" милдети;

- 3-багыт: социалдык өнүктүрүү → "Жаштардын потенциалы" милдети.

Эгер программа экөөнө тең таасирин тийгизсе - F = 2.

Формуласы:

Чечмелөө:

(Е + F) - камтылган милдеттердин жана артыкчылыктардын жалпы санын кошобуз

/ 2 - орточо маанисин чыгарабыз;

/ 5 - баллга которобуз (ар бир жуп үчүн 5 балл);

min(..., 20) - чектөө: 10 милдет/артыкчылык болсо да 20 баллдан көп эмес.

Мисалдар:

1-мисал - күчтүү салым:

Е = ТӨМдүн 3 милдети (мисалы: 4.1, 4.а, 10.2);

F = ӨУСтун 2 артыкчылыгы.

Эсеп:

K4 = min (((3 + 2) / 2) ⨯ 5, 20);

     = min ((5 / 2) ⨯ 5, 20);

     = min (2.5 ⨯ 5, 20);

     = min (12.5, 20) → 12.5 балл;

2-мисал - орточо салым:

Е = ТӨМдүн 2 милдети;

F = ӨУСтун 1 артыкчылыгы.

Эсеп:

K4 = min (((2 + 1) / 2) ⨯ 5, 20);

     = min (1.5 ⨯ 5, 20);

     = 7.5 балл;

3-мисал - аз салым:

Е = 0;

F = 1;

Эсеп:

K4 = min (((0 + 1) / 2) ⨯ 5, 20);

     = min (0.5 ⨯ 5, 20);

     = 2.5 балл.

VI. Натыйжалуулуктун жалпы баасы:

Формуласы:

Жалпы = K1 + K2 + K3 + K4 = 24 + 16,7 + 15 + 12,5 = 68,2

Натыйжалуулук категориясы:

c  жогору (85-100)

R  орточо (60-84)

c  төмөн (<60)

VII. БКБТнын кыскача тыянактары жана сунуштамалары

Программа жалпысынан ишке ашырылды, көпчүлүк көрсөткүчтөргө жетишилди. Бирок кызмат көрсөтүүлөрдүн сапатына тиешелүү көрсөткүчтөр (канааттануу, даттануулар) оңдоп-түзөөчү чараларды талап кылат.

Төмөнкүлөр сунушталат:

- бейтаптар менен кайтарым байланыш механизмин күчөтүү;

- даттануулар менен иштөө боюнча ченемдерди кайра кароо;

- келечектеги ички баалоого сапаттык тыянактарды киргизүү.

Түзүлгөн датасы: 2025-жылдын 15-марты

Администратордун колу: ______________

Бюджеттик программаны ишке ашырууга мониторинг жүргүзүү натыйжалары боюнча жалпыланган маалыматтын ФОРМАСЫ

1. Жалпы маалыматтар

1. БКБТнын аталышы: _______________________________________________________;

2. бюджеттик программанын аталышы: _________________________________________;

3. отчеттук мезгил ичиндеги каржылоонун көлөмү (жалпы): ______________________ сом;

анын ичинде:

- республикалык бюджеттен: _______________________________________________ сом;

- башка булактардан: _____________________________________________________ сом.

2. Натыйжалуулук көрсөткүчтөрү

Программадагы бардык көрсөткүчтөр: ______________________________, анын ичинен:

- жетишилди:______________________________________________________________;

- жарым-жартылай жетишилди: _______________________________________________;

- жетишилген жок: __________________________________________________________.

3. Ишке ашыруунун негизги жыйынтыктары

Негизги натыйжалардын кыскача сыпаттамасы (3-5 сүйлөмгө чейин):

_______________________________________________________________________

_______________________________________________________________________

_______________________________________________________________________

_______________________________________________________________________

4. Проблемалуу маселелер жана ишке ашырылган тобокелдиктер

1) программаны ишке ашырууга тоскоол болгон негизги проблемалар:

________________________________________________________________________;

2) ишке ашырылган тобокелдиктер жана көрүлгөн чаралар:

_________________________________________________________________________.

5. Стратегиялык максаттарга жана ТӨМгө жетүүгө салым

ӨУСтун жана ТӨМдүн тиешелүү максаттарын көрсөтүңүз:

_________________________________________________________________________

ТӨМгө жетүүгө программанын салымынын кыскача сыпаттамасы:

_________________________________________________________________________.

6. Сунуштар жана сунуштамалар

Программаны оңдоп-түзөө боюнча сунушталган чаралар:

_________________________________________________________________________.

Ведомстволор аралык/саясий чечимдин зарылдыгы:

c   Ооба c   Жок

Эгерде ооба болсо, кыскача баяндаңыз:

Датасы: __________________________________________

БКБТнын жетекчиси: _______________________________

Колу: ____________________________________________