ТоктомКүчүндө

Кыргыз Республикасынын Министрлер Кабинетинин 2026-жылдын 27-августундагы № 586 «Кыргыз Республикасынын Тышкы иштер министрлигинин иши чөйрөсүндөгү Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө» токтому

Редакция27.08.2026 редакциясы
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 27-августу № 586

Кыргыз Республикасынын Тышкы иштер министрлигинин

иши чөйрөсүндөгү Кыргыз Республикасынын Өкмөтүнүн

айрым чечимдерине өзгөртүүлөрдү киргизүү жөнүндө

 

Кыргыз Республикасынын Президентинин 2024-жылдын 5-июнундагы № 137 «2025–2030-жылдарга Кыргыз Республикасында коррупцияга каршы аракеттенүү боюнча мамлекеттик стратегия жөнүндө» Жарлыгына, «Билим берүү жөнүндө» Кыргыз Республикасынын Мыйзамынын 29-беренесине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

 

1. Кыргыз Республикасынын Өкмөтүнүн 2013-жылдын 25-декабрындагы № 705 «Кыргыз Республикасынын Тышкы иштер министрлигинин Ош, Жалал-Абад жана Баткен облустарындагы ыйгарым укуктуу өкүлчүлүгү жөнүндө жобону бекитүү тууралуу» токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасынын Тышкы иштер министрлигинин Ош, Жалал-Абад жана Баткен облустарындагы ыйгарым укуктуу өкүлчүлүгү жөнүндө жободо:

– 14-пункт төмөнкүдөй мазмундагы абзац менен толукталсын:

«– коррупциянын алдын алуунун ички системасын түзүүнү, мыйзамдардын жана кызматтык тартиптин сакталышын үзгүлтүксүз контролдоону, ошондой эле баш ийген кызматкерлердин аракеттери (аракетсиздиги) үчүн жоопкерчилик тартууну.».

2. Кыргыз Республикасынын Өкмөтүнүн 2020-жылдын 20-февралындагы № 104 «Кыргыз Республикасынын Тышкы иштер министрлигинин Казы Дикамбаевич Дикамбаев атындагы Дипломатиялык академиясы» мекемесинин уставын бекитүү жөнүндө» токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген «Кыргыз Республикасынын Тышкы иштер министрлигинин Казы Дикамбаевич Дикамбаев атындагы Дипломатиялык академиясы» мекемесинин уставында:

– 1-пунктта «билим берүүчү» деген сөздөрдөн кийин «адистештирилген» деген сөз менен толукталсын;

– 20-пункт төмөнкүдөй редакцияда баяндалсын:

«20. Академиянын түзүмүнө ректорат, кафедралар, бөлүмдөр, эл аралык мамилелерди талдоо борбору жана Академиянын ишин жүзөгө ашырууну камсыз кылган башка түзүмдүк бөлүмдөр кирет.»;

– 65-пункт төмөнкүдөй редакцияда баяндалсын:

«65. Административдик-башкаруу персоналынын курамына төмөнкүлөр кирет: ректор, проректор, бөлүмдөрдүн жетекчилери, эл аралык мамилелерди талдоо борборунун директору, ошондой эле штаттык расписаниеде каралган башка жетекчи кызмат орундары.»;

– 67-пунктта «проректорлору», «орундарына» деген сөздөр «проректору», «ордуна» деген сөздөргө алмаштырылсын;

– 75-пунктта:

он үчүнчү абзацта «проректорлоруна» деген сөз «проректоруна» деген сөзгө алмаштырылсын;

төмөнкүдөй мазмундагы он сегизинчи, он тогузунчу абзацтар менен толукталсын:

«– Кыргыз Республикасынын мыйзамдарына, ушул Уставга, Академиянын Окумуштуулар кеңешинин чечимдерине ылайык келбеген учурда же аларды колдонуу зарылдыгы жоголгон учурда мурда чыгарылган буйруктарды жана тескемелерди толугу менен же жарым-жартылай жокко чыгарууга (күчүн жоготту деп таанууга) укуктуу;

– коррупциянын алдын алуунун ички системасын түзүү, Академияда мыйзамдардын жана эмгек тартибинин сакталышын үзгүлтүксүз контролдоону камсыз кылуу аркылуу кызматкерлердин аракеттери (аракетсиздиги) үчүн жоопкерчилик тартат;»;

– 76-пункт төмөнкүдөй редакцияда баяндалсын:

«76. Академиянын ректору жок болгон кезде анын милдеттерин аткаруу ректордун буйругу менен Академиянын проректоруна жүктөлөт.»;

– 77-пункт төмөнкүдөй редакцияда баяндалсын:

«77. Академиянын Окумуштуулар кеңеши Академияны башкаруунун жогорку коомдук-кесиптик органы болуп саналат.»;

– 79-пункттун алтынчы абзацында «проректорлорунун бири» деген сөздөр «проректору» деген сөзгө алмаштырылсын;

– 81-пункттун экинчи абзацында «проректорлорунун» деген сөз «проректорунун» деген сөзгө алмаштырылсын.

3. Бул токтом расмий жарыяланган күндөн тартып он күн өткөндөн кийин күчүнө кирет.

«Эркин-Тоо» мамлекеттик расмий гезитинин 2026-жылдын 28-августундагы № 65 (3825) саны менен жарыяланды

 

 

Кыргыз Республикасынын

Министрлер Кабинетинин

Төрагасы

 

 

А.А. Касымалиев