Распоряжение Кабинета Министров КР 2026-жылдын 10-июлундагы № 516-т (Жер казынасын пайдалануу укугун берүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2026-жылдын 10-июлу № 516-т

Кыргыз Республикасын андан ары социалдык-экономикалык өнүктүрүү максатында, «Жер казынасы жөнүндө» Кыргыз Республикасынын Мыйзамынын 25¹-беренесинин 1-бөлүгүнө, Кыргыз Республикасынын Министрлер Кабинетинин 2021-жылдын 23-августундагы № 148 «Кыргыз Республикасынын Министрлер Кабинетинин чечими боюнча жер казынасын пайдалануу укугун берүү тартибин бекитүү жөнүндө» токтому менен бекитилген Кыргыз Республикасынын Министрлер Кабинетинин чечими боюнча жер казынасын пайдалануу укугун берүү тартибине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Жаратылыш ресурстары, экология жана техникалык көзөмөл министрлигине караштуу «Кыргызгеология» мамлекеттик ишканасына төмөнкү максаттар үчүн жер казынасын пайдалануу укугу берилсин:

1) Кыргыз Республикасынын Ысык-Көл облусунун Жети-Өгүз районунда жайгашкан «Үчкол-Акшыйрак» (чачыранды алтын) кенинде геологиялык чалгындоо иштерин 1-тиркемеге ылайык тик бурчтуу координаттар системасындагы бурчтук чекиттери менен жүргүзүү;

2) Кыргыз Республикасынын Ысык-Көл облусунун Жети-Өгүз районунда жайгашкан «Сарыбулак» (калай) кенинде геологиялык чалгындоо иштерин 2-тиркемеге ылайык тик бурчтуу координаттар системасындагы бурчтук чекиттери менен жүргүзүү.

2. Кыргыз Республикасынын Жаратылыш ресурстары, экология жана техникалык көзөмөл министрлигине караштуу «Кыргызгеология» мамлекеттик ишканасы:

1) ушул тескеменин 1-пунктунун 1, 2-пунктчаларында көрсөтүлгөн кен чыккан жерлерди өздөштүрүү башталганга чейин «Тарыхый-маданий мурастарды коргоо жана пайдалануу жөнүндө» Кыргыз Республикасынын Мыйзамынын талаптарын сактоону камсыз кылсын;

2) ушул тескемеден келип чыгуучу чараларды көрсүн.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Кыргыз Республикасынын Ысык-Көл облусунун Жети-Өгүз районунда жайгашкан "Үчкол-Акшыйрак" (чачыранды алтын) кенинде геологиялык чалгындоо иштерин жүргүзүү үчүн тик бурчтуу координаттар системасындагы бурчтук чекиттер

Кыргыз Республикасынын Ысык-Көл облусунун Жети-Өгүз районунда жайгашкан "Сарыбулак" (калай) кенинде геологиялык чалгындоо иштерин жүргүзүү үчүн тик бурчтуу координаттар системасындагы бурчтук чекиттер