КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2026-жылдын 14-августу № 623-т

(КР Министрлер Кабинетинин 2026-жылдын 30-сентябрындагы № 743-т тескемесинин редакциясына ылайык)

Кыргыз Республикасынын Ош облусунун айыл аймактарында инфраструктураны өркүндөтүү жана калкка көрсөтүлүүчү коммуналдык кызматтардын сапатын жогорулатуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Президентинин Кыргыз Республикасынын Ош облусундагы ыйгарым укуктуу өкүлү:

1) Кыргыз Республикасынын Ош облусун өнүктүрүү фондунун максаттуу эсебинде топтолгон каражаттарды адистештирилген техника лизинги келишимдери боюнча баштапкы төгүм катары лизингдин жалпы суммасынын 30% өлчөмүндө пайдаланууну камсыз кылсын;

2) Кыргыз Республикасынын Ош облусунун айыл аймактарынын лизинг берүүчүнүн алдындагы милдеттенмелеринин аткарылышын координацияласын жана мониторинг жүргүзсүн, ошондой эле берилген техниканын максаттуу пайдаланылышын контролдоону камсыз кылсын.

2. "АБанк" ачык акционердик коомуна төмөнкүлөр сунушталсын:

1) Кыргыз Республикасынын Ош облусунун айыл аймактары үчүн адистештирилген техниканын лизинг берүүчүсү катары чыгуу;

2) Кыргыз Республикасынын Ош облусунун жергиликтүү өз алдынча башкаруу органдары менен финансылык ижара (лизинг) келишимдерин түзүүнү камсыз кылуу;

3) лизинг алуучулардын төлөмдөр боюнча милдеттенмелеринин өз убагында аткарылышын контролдоо.

3. Ушул тескемеге ылайык "АБанк" ачык акционердик коому менен финансылык ижара (лизинг) келишимдерин түзгөн Кыргыз Республикасынын Ош облусунун жергиликтүү өз алдынча башкаруу органдарына лизинг милдеттенмелерин толук жана өз убагында аткаруу үчүн каражаттарды жеке кирешелердин жана башка максаттуу эмес түшүүлөрдүн эсебинен жергиликтүү бюджеттерде өз убагында кароо сунушталсын.

4. Кыргыз Республикасынын Финансы министрлиги белгиленген тартипте:

1) ушул тескемени ишке ашыруу боюнча чараларды көрсүн;

2) финансылык ижара (лизинг) келишиминин мөөнөтү колдонулган мезгилде дотациялык камсыздоодо турган жана теңөөчү трансферттерди алган Кыргыз Республикасынын Ош облусунун жергиликтүү өз алдынча башкаруу органдары тарабынан лизингдик төлөмдөрдү жүзөгө ашыруу үчүн акча каражаттарын карасын.

(КР Министрлер Кабинетинин 2026-жылдын 30-сентябрындагы № 743-т тескемесинин редакциясына ылайык)

5. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.