БИШКЕК ШААРДЫК КЕӉЕШИ

ТОКТОМ

2009-жылдын 29-сентябры № 95

Бишкек шаарында катуу тиричилик таштандыларды ташып чыгарууга жана зыянсыз кылууга тарифтер жөнүндө

(Бишкек шаардык кеңештин 2009-жылдын 29-декабрындагы № 137 токтомунун редакциясы)

Кыргыз Республикасынын «Жергиликтүү өз алдынча башкаруу жана мамлекеттик администрация жөнүндө» мыйзамына ылайык, борбордун санитардык-экологиялык абалын жакшыртуу, «Тазалык» муниципалдык ишканасынын финансылык абалын стабилдештирүү максатында, Бишкек шаардык кеңеш токтом кылат:

1. 2009-жылдын 1-октябрынан тартып катуу тиричилик таштандыларды ташып чыгарууга жана кѳмүү төмөндөгүдөй тарифтер бекитилсин:

- Бишкек шаарында жашаган калк үчүн бир айда бир адамдан 15,0 сом өлчөмүндө;

- Бишкек шаарында жашаган пенсионерлери үчүн бир айда бир адамдан 4,0 сом өлчөмүндө;

- менчиктин түрүнө карабастан өзү ташып чыгаруу менен алектенген Бишкек шаарынын чарба жүргүзүүчү субъекттери үчүн 1,0 куб.м. үчүн 30,0 сом өлчөмүндө.

(Бишкек шаардык Кеңешинин 2009-жылдын 29-декабрыдагы № 25 токтомунун редакциясына ылайык)

2. 1,0 куб.м. анын ичинде кѳмүү боюнча кызмат кѳрсѳтүүгѳ 30,0 сом үчүн 150,0 сом өлчөмүндө тариф катуу тиричилик таштандыларды ташып чыгарууга жана кѳмүү төмөндөгүлөргө бекитилсин:

- Бишкек шаарынын чарба жүргүзүүчү субъекттери үчүн 2009-жылдын 1-октябрынан тартып;

- Бишкек шаарынын бюджеттик уюмдары үчүн 2010-жылдын 1-январынан тартып.

(Бишкек шаардык Кеңешинин 2009-жылдын 29-декабрыдагы № 25 токтомунун редакциясына ылайык)

3. Бишкек шаарынын мэриясы:

- катуу тиричилик таштандыларды ташып чыгаруу жана кѳмүү боюнча көрсөтүлүүчү кызматтарга калктан жана чарба жүргүзүүчү субъекттерден каражаттарды толук чогултуу-камсыз кылсын;

- Бишкек шаарынын аймагынан катуу тиричилик таштандыларды сапаттуу жана өз убагында ташып чыгарууну камсыз кылсын;

- Бишкек шаардык кеңештин турак жай коммуналдык чарба, отун-энергетикалык комплекси, транспорт жана коммуникациялар боюнча туруктуу комиссия менен бирдикте көз карандысыз эксперттерди тартуу менен катуу тиричилик таштандылардын топтолуу ченемин жана катуу тиричилик таштандылардын түзүлүш көлөмүн эсептөө методикасын, «Катуу тиричилик таштандыларды ташып чыгаруу боюнча көрсөтүлүүчү кызматтарга каражаттарды чогултуу тартиби жөнүндө» жана «Таштандылар полигонунда катуу тиричилик таштандыларды кѳмүү (утилизациялоо) тарифтери жөнүндө» жоболорду иштеп чыгуу үчүн жумушчу топ түзсүн жана аларды Бишкек шаардык кеңештин бекитүүсүнө киргизсин.

4. Бул токтом массалык маалымат каражаттарына жарыялансын.

5. Депутаттардын Бишкек шаардык Кеңешинин 2008-жылдын 15-январындагы № 391 «Бишкек шаарындагы катуу тиричилик таштандыларды ташып чыгарууга жана утилизациялоого тарифтер жөнүндө» токтому күчүн жоготту деп табылсын.

6. Бул токтомдун аткарылышын контролдоо Бишкек шаардык кеңештин турак-жай коммуналдык чарба, отун-энергетикалык комплекси, транспорт жана коммуникациялар боюнча туруктуу комиссиясына (Ж.М.Салымбеков) жана Бишкек шаарынын вице-мэри А.Б.Токторбаевге жүктөлсүн.