ЗЕРГЕР АЙЫЛДЫК КЕӉЕШИ

ТОКТОМ

Зергер айылдык Кеңешинин V чакырылышынын кезексиз XXI сессиясы

2016-жылдын 30-январы № 91

Зергер айылдык Кеңешинин 2016- жылга иш планын бекитүү жөнүндө

Кыргыз Республикасынын Жергиликтүү өз алдынча башкаруу жөнүндөгү Мыйзамынын жана Зергер  айылдык кеңешинин Регламентине ылайык Зергер  айылдык кеңешинин 2016-жыл үчүн иш планы айылдык кеңештин сессиясында каралып, талкууланып, Зергер  айылдык кеңешинин кезексиз 21- сессиясы

ТОКТОМ КЫЛАТ:

1. Зерегр  айылдык кеңешинин 2016-жылга карата иш планы бекитилсин (тиркеме тиркелет).

2. Ушул токтомдун аткарылышын көзөмөлдөөнү өзүмө калтырам.

Зергер айылдык кеңешинин 2016 – жыл үчүн иш планы:

2016 – жылы Зергер айылдык кеңешинин сессиясында каралчуу негизги маселелер:

Айылдык кеңештин 2016 – жыл үчүн иш планын бекитүү (2016-жыл, январь айы. Кеңештин төрагасы).

Зергер айыл өкмөтүнүн социалдык экономикалык өнүгүү программасынын аркарылышы, муниципалдык менчиктин пайдаланышы жана жергиликтүү бюджеттин аткарылышы жөнүндөгү 2015 – жыл үчүн жылдык отчету жана 2016 – жылга социалдык экономикалык өнүгүү иш планын бекитүү (2016-жыл, февраль айы. Айыл өкмөт башчысы).

Зергер айыл өкмөтүнүн 2016-жылга бюджетин кирешелер, чыгашалар боюнча бекитүү жана айыл өкмөтүнүн 2016-жыл үчүн структурасын жана штаттык санын бекитүү (2016-жыл, 1-квартал, айылдык кеңештин «Финансы, экономика, бюджет, экономикалык жактан өнүгүүнүн болжолдуу багыттарын аныктоо  жана инвестиция маселелери боюнча туруктуу комиссиясы», Зергер айыл өкмөтүнүн финансы-экономика бөлүмүнүн башчысы-башкы эсепчи).  

Бюджеттин 2016-жылдагы кирешелер жана чыгашалар боюнча 6 айлык планынын аткарылышы жөнүндө (2016-жыл, 3-квартал, «Финансы, экономика, бюджет, экономикалык жактан өнүгүүнүн болжолдуу багыттарын аныктоо  жана инвестиция маселелери боюнча туруктуу комиссия», Зергер айыл өкмөтүнүн финансы-экономика бөлүмүнүн башчысы-башкы эсепчи).

Зергер айыл аймагы боюнча 2016-жылда кылмыштуулукту алдын-алуу, коомдук тартипти сактоо боюнча жүргүзүп жаткан иштери жана алдыдагы милдеттери жөнүндө (2016-жыл, 4-квартал, Өзгөн РИИБнин административдик участкалардын тескөөчүлөрү, айыл өкмөтүнүн соцадиси, “Регламент, мыйзамдуулук, укук тартиби жана депутаттык этика боюнча туруктуу комиссия”).

Саламаттыкты сактоо мекемелеринин калкты тейлөөдө аткарып жаткан иштери жөнүндө (2016-жыл, 3-квартал, «Социалдык маселелер жана дин иштери  боюнча туруктуу комиссия», айыл өкмөтүнүн соцадиси).

Социалдык тармактагы мекемелердин жаңы окуу жылына, кышка даярдыгы жөнүндө (2016-жыл,  3-квартал, «Социалдык маселелер жана дин иштери  боюнча туруктуу комиссия», айыл өкмөт башчысынын орун басары).

Зергер айыл аймагындагы ветсервистердин ишмердүүлүгү жөнүндө (2016-жыл, 3-квартал, “Айыл-суу чарба, өнөр жай, курулуш, транспорт, байланыш, энергетика маселелери боюнча туруктуу комиссия”, айыл өкмөтүнүн ветадиси).

Жайыт комитетинин 2015-жылда аткарган иштери жана бюджетинин аткарылышы жөнүндө отчету жана 2016-жыл үчүн бюджетинин жана иш планын бекитүү жөнүндө (2016-жыл,  1-квартал, “Айыл-суу чарба, өнөр жай, курулуш, транспорт, байланыш, энергетика маселелери боюнча туруктуу комиссия”, Жайыт комитетинин башчысы).

Уюштуруу-массалык иштер