МАСЫ АЙЫЛДЫК КЕӉЕШИ

ТОКТОМ

Масы айылдык кеңешинин 26-чакырылышынын кезексиз 25-сессиясы

2016-жылдын 7-майы № 8

Масы айыл аймагындагы муниципалдык бала бакчаларына балдарды кабыл алууну сайт аркылуу электрондук кезекке коюу менен, ачык жүргүзүүнүн эрежелери жөнүндө

Масы айыл аймагында муниципалдык балдар бакчасында балдарды кабыл алуу боюнча маалыматтын калкка жеткиликтүүлүгүн камсыз кылуу максатында Масы айылдык кенешинин социалдык маселелер боюнча туруктуу комиссиянын төрагасы Б.Жусупбековдун маалыматын угуп жана талкуулап Масы айылдык Кеңешинин ХХVI чакырылышынын кезектеги XXV сессиясы

ТОКТОМ КЫЛАТ:

1. Масы айыл аймагындагы муниципалдык балдар бала бакчаларына балдарды кабыл алууну сайт аркылуу электрондук кезекке коюу менен, ачык жүргүзүүнүн эрежелери бекитилсин. № 1 –тиркеме тиркелет.

2. Ушул токтом менен бекитилген эрежелер Масы айыл аймагындгы баардык муниципалдык балдар бакчасында милдетүү түрдө аткарууга алынсын.

3. Токтом жалпыга маалымдоо каражаттарында жарыялансын, расмий жарыяланган соң, Жалал-Абад областтык юстиция башкармалыгына ченемдик укуктук актылардын мамлекеттик реестрине киргизүү үчүн жөнөтүлсүн.

4. Токтомдун аткарылышын көзөмөлдөөнү Масы айылдык Кенешинин социалдык маселелер боюнча туруктуу комиссиянын төрагасы Б.Жусупбековго тапшырамын.

Ноокен районунун Масы айыл аймагындагы муниципалдык балдар бала бакчаларына балдарды кабыл алууну сайт аркылуу электрондук кезекке кою менен, ачык жүргүзүү эрежелери

Бул эреже Кыргыз Республикасынын 2011-жылдын 15-июлдагы “Жергиликтүү өз алдынча башкаруу жөнүндө” № 101-мыйзамынын, Кыргыз Республикасынын 2009-жылдын 29-июнундагы “Мектепке чейинки билим берүү жөнүндө” № 198-мыйзамынын, Кыргыз Республикасынын Билим берүү министрлигинин “Электрондук кезекти түзүү жөнүндө” 2014-жылдын 6-ноябрындагы № 904/1-буйругунун, Кыргыз Республикасынын коррупциялык көрүнүштөрдү алдын алуу боюнча иш-чараларынын негизинде жарандардын маалыматка жеткиликтүүлүгүн камсыз кылуу максатында иштелип чыкты.

Жободо белгиленген талаптар кыргыз тилинде 14 өлчөмдөгү Times New Roman шрифти менен жүргүзүлөт.

I. Эреженин колдонуу тармагы жана принциптери.

1. Ноокен районунун Масы айыл аймагындагы Балдар бакчалары Кыргыз Республикасынын 2009-жылдын 29-июнундагы “Мектепке чейинки билим берүү жөнүндө” № 198-мыйзамынын, Кыргыз Респубикасынын Өкмөтү бекитүүчү “Мектепке чейинки билим берүү жана балдарды багып кароо” мамлекеттик билим берүү стандарты жана Кыргыз Республикасынын Өкмөтүнүн 2012-жылдын 2-ноябрындагы № 765-токтому менен бекитилген “Мектепке чейинки билим берүү уюму жөнүндө Типтүү Жобого” ылайык жана балдардын бала бакчаларынын Уставынын негизинде өзүнүн милдеттерин аткарат.

2. Балдардын бала бакчаларын түздөн түз жетекчиликти жана аны башкаруунун башчылары (директор) ишке ашыргандыктан балдарды Уставда белгиленген тартипте аларды кабыл алууну уюштурат жана сапаттуу аткарылышын камсыз кылат.

II. Арыздарды кабыл алууну жүргүзүү.

3. Балдардын бала бакчаларынын башчылары (директор) ата-энелерден арыздарды кабыл алуунун тартиби:

-балдардын бала бакчаларынын башчылары (директор) ата-энелерге жеткиликтүү жайга балдарды кабыл алууга тийиштүү болгон документтердин тизмесин жайгаштырат, тийиштүү документтердин тизмеси айыл өкмөтүнүн маалымат тактасына жана балдар бакчасынын сайтына дагы жайгаштырылат жана кайрылган ата-энелерге жазуу түрүндө көчүрмөсүн берет.

- бала-бакчаларында ата-энелердин арыздарын каттоо үчүн атайын номерленген жана тигилген журнал ачылыш керек, журналда арыздын катар номери, арыздын мазмуну, берген күнү, айы, жылы, убактысы, ата-энелердин жашаган дареги, байланыш телефону, тапшырылган документтердин аттары № 1 тиркемег ылайык толтуруу жүргүзүлөт.

№1 тиркеме

Арыздар жазуу түрүндө гана кабыл алынат.

Арыз журналга катталгандыгы жөнүндө № 2 тиркемеге ылайык жазуу түрүндө ата-энелерге маалымат берилет.

Балдардын бала бакчасынын башчысы (директор) № 2-тиркемеге ылайык маалыматтарды компьютерге арыз түшкөн күнү киргизет жана сайтка жайгаштырылат.

Балдардын ата-энелеринин арыздарын каттоо жана сайтка жайгаштыруу айыл өкмөтүнүн социалдык жактан коргоо адиси тарабынан дагы жүргүзүлүшү мүмкүн.

Айыл өкмөтүнүн социалдык жактан коргоо адиси тарабынан кабыл алынган арыздар тийиштүү документтердин пакетин тийиштүү балдар бакчаларынын башчыларына каттоого алуу үчүн жиберет.

 2-тиркеме

                             Арызды кабыл алуу жөнүндө маалымадама.

__________________бала бакчасынын башчысы:- _____________(_______________датасы)

III. Балдарды бала бакчага кабыл алууну жүргүзүү.

5. Балдардын бала бакчасына кабыл алуу учун кезекке коюлган балдардын тизмеси балдардын бала бакчасынын башчысынын (директорунун)колу, мөөрү жана ата-энелер комитетинин төрагасынын колу менен тастыкталып ар жуманын жыйынтыгы менен атайын даярдалган маалымат тактасына жана электрондук сайтка жайгаштуруу милдеттүү түрдө жүргүзүлөт.

6. Балдар бакчасынан чыгып кеткен баланын ордуна кезекте турган баланын ата-энесине балдар бакчасынын башчысы (директору) байланыш телефону аркылуу кабар берүүсү жетиштүү болот.

7. Кабар берилген ата-эне кийинки 3 жумушчу күндүн ичинде балдар

бакчасынын башчысына келип жолуугусу тийиш.

8. Балдар бакчасынын башчысы (директор) кезекте турган балдарды курагына, ден-соолук абалына, жекече өзгөчөлүктөрүнө ылайык Кыргыз Республикасынын укуктук актыларынын талаптарына ылайык кабыл алууну жүргүзөт жана топторду балдар менен комплектейт.

9. Балдар бакчасынындагы орундарды комплектөөдө жалпы орундун 55% на калктын төмөндөгү аярлуу катмарына женилдиктер берилет. Алар: үйүндө балдарын караганы эч кимиси жок жаш үй-бүлөлөрдүн балдарына; көп балалуу энелердин балдарына; балдарын жалгыз тарбиялап жаткан аялдардын балдарына; үй-бүлөөсүндө ден-соолугунан мүмкүнчүлүгү чектелген адамдар жашаган үй-бүлөлөрдүн балдарына; каттоодо турган аз камсыздалган үй-бүлөлөрдүн балдарына женилдиктер берүү тийиштүү тастыктоочу документтердин негизинде жүргүзүлөт. Мындай принцип калктын аярлуу катмарын социалдык жактан колдоо максатында жана муниципалдык кызматтардын жеткиликтүүлүгүн камсыз кылуу максатында жүргүзүлөт.

IV. Мониторинг жана балоо жүргүзүү

10. Балдар бакчасындагы кезекке коюу тизмесинин өз маалында жайгаштырылышын жана эреженин талаптарынын аткарылышына баалоо жана мониторинг жүргүзүүнү Масы айыл өкмөтүнүн башчысынын буйругу менен түзүлгөн мониторинг жана баалоо тобу жүргүзөт.

БМжБ тобу:

-балдар бакчасындагы кезекке коюлган балдардын тизмесинин маалымат тактасына өз мезгилинде жайгаштырылышына,

-эреженин тартибинин сакталышына,

-тизменин сапатуу жана жеткиликтүү даярдалышына,

-ата-энелердин суроо-талаптарына боюнча мониторинг жана баалоо жүргүзөт.

БМжБ тобу ар айдын акырында өзүнүн чогулушун өткөрөт.

БМжБ тобу мониторинг жана баалоонун жыйынтыгы менен Масы айыл өкмөтүнүн башчысына сунуштар, өзгөртүүлөр, түзүлгөн актылар менен кайрылуулар укуктуу.

V.Эрежени бузгандыгы үчүн жоопкерчилик.

11.Ушул эреженин талаптарын бузгандыгы үчүн Кыргыз Республикасынын мыйзамдары жана укуктук ченемдик актыларына ылайык дисциплинардык, административдик, укуктук-жарандык жана кылмыш жоопкерчилиги бекитилет.