МАСЫ АЙЫЛДЫК КЕӉЕШИ

ТОКТОМ

Масы айылдык кеңешинин ХХVI чакырылышынын кезектеги 28-сессиясы

2016-жылдын 24-ноябры № 3

Масы айылындагы Кызыл-Октябрь көчөсүнүн 1, 2 чолок көчөсүнө Абдурасулов Тажимаматтын ысымын ыйгаруу жөнүндө

Эмгек жолунда бир нече ийгиликтерди жараткан, маркум Абдурасулов Тажимаматтын ысымын Масы айылындагы Кызыл-Октябрь көчөсүнүн 1, 2 чолок көчөлөрүнө ыйгаруу боюнча Кызыл-Октябрь көчөсүнүн 1, 2 чолок көчөлөрүнө тургундарынын 2016-жылдын 22-ноябрындагы чогулушунун токтомуна, Кыргыз Республикасынын Өкмөтүнүн 2008-жылдын 19-августундагы № 467-токтомунун 8-пунктуна ылайык жана Масы айылдык Кеңешинин социалдык маселелер боюнча туруктуу комиссиянын төрагасы Б.Жусупбековдун сунушун угуп жана талкуулап Масы айылдык Кеңешинин ХХVI чакырылышынын кезектеги XXVIII сессиясы

ТОКТОМ КЫЛАТ:

1. Масы айылдык Кеңешинин социалдык маселелер боюнча туруктуу комиссиянын төрагасы Б.Жусупбековдун маалыматы эске алынсын.

2. Масы айылындагы Кызыл-Октябрь көчөсүнүн 1, 2 чолок көчөлөрүнө Абдурасулов Тажимаматтын ысымы ыйгарылсын.

3. Ноокен райондук жерге жайгаштыруу жана кыймылсыз мүлктү каттоо башкармалыгынан жана Ноокен райондук шаар куруу жана архитектура башкармалыгынан тийиштүү иш кагаздарын ушул токтомго ылайыкташтырып иштеп чыгуусу суралсын.

4. Көчөнүн аталышынын жазылышы, Кыргыз Республикасынын мыйзамдарын сактоо менен илүүнү, көчөнү жарыктандырууну, тазалыгын, көрктөндүрүү жашылдандыруу иштерин жүргүзүү өз каражатынын эсебинин камсыздоо маркум Абдурасулов Тажимаматтын үй-бүлөөсүнө жана жакын туугандарына милдеттендирилсин.

5. Бул токтом жалпыга маалымдоо каражаттарында жарыялансын, расмий жарыяланган соң, Жалал-Абад областтык юстиция башкармалыгына ченемдик укуктук актылардын мамлекеттик реестрине киргизүү үчүн жөнөтүлсүн.

6. Токтомдун аткарылышын көзөмөлдөө Масы айылдык Кеңешинин социалдык маселелер боюнча туруктуу комиссиянын төрагасы Б.Жусупбековго жана мыйзамдуулук, укук тартиби, регламент боюнча туруктуу комиссиянын төрагасы И.Юлбарсовго жүктөлсүн.