ЖОШОЛУ АЙЫЛДЫК КЕӉЕШИ

ТОКТОМ

Жошолу айылдык кеңешинин V чакырылышынын XXVIII заседаниеси

2016-жылдын 12-февралы № 28/2

2015-жылга социалдык-экономикалык көрсөткүчтөрдүн аткарылышы , ошондой эле социалдык-экономикалык өнүгүү планын 2016-жылга бекитүү , 2017-2018-жылдарга болжолдуу пландары жөнүндө

 2015-жылга социалдык-экономикалык көрсөткүчтөрдүн аткарылышы, айыл өкмөтүнүн социалдык-экономикалык өнүгүү планынын 2016-жылга бекитүү жана 2017-2018-жылдарга болжолдуу пландары жөнүндөгү айыл өкмөттүн башчысы Ж.Өмүрзаковдун маалыматын угуп жана талкуулап Жошолу айылдык Кеңешинин V чакырылышынын XXVIII заседаниеси

ТОКТОМ КЫЛАТ:

1. Жошолу айыл өкмөтүнүн 2015-жылга социалдык-экономикалык көрсөткүчтөрдүн аткарылышы, жылдын жыйынтыгы боюнча айыл өкмөттүн башчысы Ж.Өмүрзаковдун маалыматы жактырылсын (№ 1 тиркеме тиркелет).

2. Жошолу айыл өкмөтүнүн 2015-жылга социалдык-экономикалык өнүгүүсүнүн аткарылышы бекитилсин.

3. Айыл өкмөтүнүн 2016-жылга карата социалдык-экономикалык өнүгүүсүндө белгиленгендерди камсыздоо үчүн Ата Мекендик, чет элдик инвестицияларды тартуу менен жамааттарды катыштыруу жергиликтүү бюджеттин киреше булагын толтуруу үчүн муниципалдык менчикти максаттуу пайдалануу, айыл чарба багытындагы кайра бөлүштүрүү фондунун жерлерин конкурстук негизде берүүнү уюштуруу, кыймылсыз мүлктөрдүн так жана толук эсебин алуу боюнча иштерди аткаруу айыл өкмөтүнүн тиешелүү жооптуу кызматкерлерине жана жамааттын мүчөлөрүнө милдеттендирилсин.

4. Жошолу айыл өкмөтүнүн социалдык-экономикалык өнүгүү планынын 2016-2017-2018-жылга түзүлгөн болжолдуу планы бекитилсин (№ 2 тиркеме тиркелет).

5. Бул токтомдун аткарылышын көзөмөлдөө жагы айылдык кенештин бюджет жана экономика боюнча туруктуу комиссиясына тапшырылсын.

Жошолу айыл аймагынын 2015-жылдагы социалдык –экономикалык өнүгүшүнүн, экономикалык божомолдорунун жана бюджеттин аткарылышы , жыл ичинде аткарылган иштер, 2016- жылга коюлган милдеттери жөнүндө маалымат.

 Жошолу айыл өкмөтүнүн 2015-жыл ичинде социалдык-экономикалык өнүгүшүнүн экономикалык божомолдорунун жана бюджеттин аткарылышы боюнча айыл өкмөттүн бардык жооптуу кызматкерлери , айылдык коомдук өз алдынча башкаруу органдары , менчигинин түрүнө карабастан мектеп, ФАП, СООПВ жана башка мекеме жетекчилери тарабынан бир топ уюштуруучулук жана массалык иштердин жүргүзүлгөндүгү, ошондой эле негизги көрсөткүчтөр боюнча 2014-жылга карата салыштырмалуу бир топ уюштуруучулук иштерди жүргүзүүгө жетишти.

 Айыл өкмөтүнүн бюджетинин аткарылышы боюнча:

 Айыл өкмөттүн бюджетинин 85-86 % Республикадан келүүчү толуктоочу гранттын эсебинен каржыланат. 2015-жыл үчүн бюджет 8,463,300 сом пландаштырылып, аткарылганы 8,355,200 сомду түздү, анын ичинен толуктоочу грант 6,200,000 сомго пландаштырылып толук каржыланды.

 Өздүк киреше жыл башында 1352,0 миң сомго бекитилип, такталган план 1277,600 сом болуп, аткарылганы 1459,400 сомду түзүп, 104 % аткарылды.

 2015-жылга бекитилген бюджет такталган план боюнча 8463,3 миң сомду түзүп, кассалык чыгым 8355,2 миң сомду түздү. Анын ичинен айлык акыга такталган план боюнча 3556,6 миң сом, кассалык чыгым 3537,3 миң сом болуп, соц.фондго чегерүүлөр такталган план боюнча 533,4 миң сом болуп, кассалык чыгым 518,2 миң сомду түздү.

 Сапар чыгымдары үчүн такталган план боюнча 135,4 миң сом, ал эми кассалык чыгым 125,5 миң сом болду.

 Таза- Суу үчүн такталган план 28,5 миң сом белгиленсе, кассалык чыгым 28,5 миң сомду , телефон байланышы үчүн 6,8 миң сом жана электр энергиясы үчүн 399,9 миң сом жергиликтүү бюджеттин эсебинен каржыланды.

 Электр энергиясы үчүн бизге 230,0 миң квт бөлүнүп, 399,9 миң сом жогорудагы лимит үчүн жергиликтүү бюджеттин эсебинен “Ош-Электро” ишканасына толугу менен которулуп берилип, быйылкы жылга 101,5 миң сом “Ош-Электро” ишканасынан Жошолу айыл өкмөтү аласа болуп чыкты. Бөлүнгөн лимит акыркы 10 жылдын ичинде алып барылган иштердин натыйжасында лимиттен эконом болуп чыкты. Андан сырткары Жошолу айыл өкмөтүнүн калкынын 868 абонентине 632,5 миң сом акча каражаты республикалык бюджеттин эсебинен келип түшүп, калктын колдонуусуна Ош-Электро ишканасынан которулуп берилди.

 Айыл өкмөтүн көмүр менен камсыз кылууда, ОсОО “Перити-Коал” ишканасы менен келишим түзүлүп, 492,0 миң сом акча каражаты которулуп берилип, башкача айтканда 4 тоннасы Миязды жана Курманжан датка китепканаларына, 88 тонна Сатиев Ш атындагы орто мектебине, 33 тоннасы К.Турганбаев атындагы орто мектебине, 24 тоннасы С.Төрөшев атындагы орто мектебине түшүрүлүп, жалпысынан айыл өкмөтүнүн социалдык объектилерине 149 тонна көмүр менен жергиликтүү бюджеттин эсебинен каржыланып, мектептер жана китепканалар толугу менен камсыз болду.Ошондой эле ОсОО “Перити-Коал” ишканасы менен Улан Примовдун спонсорлук жардамы аркылуу айыл өкмөтүндөгү майыптарга, жалгыз бой карыяларга жана тоголок жетимдерге 22 тонна акысыз көмүр түшүрүлүп берилип таркатылды.

 Өзүңүздөргө белгилүү болгондой Кыргыз Республикасынын Өкмөтүнүн 2013-жылдагы 302- токтомуна ылайык жалпы билим берүүчү мектептер райондук билим берүү бөлүмүнүн эсебине өткөрүлүп берилип, райондук билим берүү бөлүмү тарабынан каржылоо жүргүзүлгөндүгүнө карабастан муниципалдык имараттарды ремонттоп, өз калыбында кармап туруу максатында айыл өкмөтүндөгү ар бир мектепке 17,500 сомдон жалпысынан 87,500 сом акча каражаты учурдагы ремонт үчүн толугу менен камсыздалып, жергиликтүү бюджеттин эсебинен каржыланып берилди.

 Ошондой эле айта кетсек, мектептердин чарбалык муктаждыктары үчүн дагы 90,200 сом акча каражаты ар бир мектептин өз муктаждыктары үчүн жумшалды.

 Маданият тармагын айта кетсек, маданият үйүнө 15,000 сом бөлүнүп, косметикалык ремонттон өткөрүлдү жана маданият үйүнө дистанттык микрофон жана усилитель алуу үчүн 38 000 сом бөлүнүп берилди.

 Курманжан датка китепканасына 45,0 миң сом акча каражаты бөлүнүп, компьютер, ксерокопия, стол, стулдар менен камсыздалды.

 Китепканаларга жалпысынан 10,200 сом сапардык чыгымдар үчүн такталган планга коюлуп, 10156 сом менен камсыз болушту.Китепканалардын учурдагы ремонт иштерине 10,0 миң сом акча берилди.

 Айыл аймагындагы мектептерге: 1). С.Төрөшев атындагы орто мектебинин спорт аянтчасына жана спорттук жабдыктарына 16,000 сом, учурдагы ремонтуна 17,500 сом, ар түрдүү курулуш материалдарына 7,000 сом, жалпысы 40,500 сом;

2).Сатиев Ш атындагы орто мектебинин ар түрдүү чарбалык буюмдарына (насос.вентилятор) 38,900 сом;

3).Курманжан датка атындагы орто мектебинин учурдагы ремонту жана ар түрдүү чарбалык буюмдары үчүн 38,900 сом;

4) .К.Турганбаев атындагы орто мектебинин имаратын ремонттон өткөрүүгө 15,000 сом, андан тышкары учурдагы ремонт жана электр эсептегичине 36,500 сом;

5). А.Бейшеев атындагы негизги мектебинин учурдагы ремонту жана ар түрдүү чарбалык буюмдары үчүн 38,900 сом берилди, Жалпы сметалык баасы 1 757,0 миң сом болгон 30 орундуу ашкана куруу үчүн Республикалык бюджеттин дем берүүчү грантынан 1 564,3 миң сом бөлүнүп, жергиликтүү бюджеттен 155,6 миң сомдук иш жасалып, 93,3 миң сому подрядчиктин эсебине которулуп, калган 62,1 миң сому кредитордук карызда көрсөтүлүп турат;

 Дил-Булак балдар бакчасындагы 60 балага тамак бышыруучу аппарат, 30 даана 2 кабаттуу кроваттар, 60 даана стол, стулдар жана 60 баланын кийимдерин илүүчү шкафтарды сатып алууга 278,0 миң сом сарпталды. Балдар бакчасынын тамак-ашы бюджеттин эсебинен бир балага бир күнгө 18,0 сомдон жана ата-энелер тарабынан 300 сомдон ата-энелик төлөмдөр төлөнүп, күнүнө ар бир балага 31-32 сомдун тегерегинде каржыланып жатат.Балдар бакчасын ачууда айыл өкмөтү тарабынан бакчанын идиш-аяктарына, төшөнчүлөр үчүн пахта алууга жана ар түрдүү муктаждыктары үчүн 96,0 миң сом жеке ишкерлердин эсебине которулуп берилди жана бакчанын капиталдык ремонту үчүн жумшалган 160,0 миң сому жеке ишкердин эсебине которулуп бериле элек.

 702-разделге такталган планга коюлган 80,0 миң сом толугу менен каржыланып, сибирь жарасынын очогу дезинфекцияланды жана айылдагы жолбун иттер атылып жок кылынды.

 Ал эми салык жыйымдары боюнча айта кетсек :

Статистикалык маалыматтар боюнча:

2015-жылда эт 1042,6 тн. өндүрүлүп, 104 % ке аткарылып, 2014-жылга салыштырмалуу 22,9 тн га көп, сүт 2398,6 тн. өндүрүлүп, 102 % ке аткарылып,2014-жылга салыштырмалуу 22 тн га көп, жүн 31,1 тн. өндүрүлүп, 101,1 % ке аткарылып,2014-жылга салыштырмалуу 0,3 тн га көп,жумуртка 199,2 даана алынып, 102,1 %ке аткарылып, 2014-жылга салыштырмалуу 4,68 даанага көп аткарылган.

ыйканчылык боюнча:

2015-жылга карата арпа 56 тн. өндүрүлүп, 110 % ке, картошка 330 тн. өндүрүлүп, 112 % ке, жашылча 27 тн. өндүрүлүп 100,1 %ке , кесек тоют 9100 тн. өндүрүлүп, 110 %ке аткарылган