КАРА-КӨЛ ШААРДЫК КЕҢЕШИ

ТОКТОМ 

2017-жылдын 31 июлу № 42/8-7

Кара-Көл шаардык кеңешинин 27.04.2017-ж. №20/4-7 сандуу токтомуна өзгөртүү, толуктоо киргизүү жөнүндө

Кара-Көл шаарынын мэринин милдетин аткаруучу Өскөн уулу Калыбайдын 24.07.17-ж. №№05-5/1812, 05-5/1814, 25.07.17-ж. №05-5/1819, 26.07.17-ж. №05-5/1832 чыгыш сандуу каттарындагы маселелер боюнча шаардын мэри И.М.Еркеевдин, Кыргыз Республикасынын Финансы министрлигинин Кара-Көл башкармалыгынын начальниги Ж.Т.Осмонкуловдун маалыматтарын угуп жана талкуулап, шаардык кеңештин бюджет, экономика жана финансы маселелери боюнча туруктуу комиссиясынын чечимин эске алып, шаардык кеңештин кезексиз VIII сессиясы

ТОКТОМ КЫЛАТ:

1. “Кара-Көл шаарынын мэринин милдетин аткаруучу Өскөн уулу Калыбайдын 24.07.17-ж. №№05-5/1812, 05-5/1814, 25.07.17-ж. №05-5/1819, 26.07.17-ж. №05-5/1832 чыгыш сандуу каттарындагы маселелер боюнча шаардын мэри И.М.Еркеевдин, Кыргыз Республикасынын Финансы министрлигинин Кара-Көл башкармалыгынын начальниги Ж.Т.Осмонкуловдун маалыматтары, шаардык кеңештин бюджет, экономика жана финансы маселелери боюнча туруктуу комиссиясынын сунушу эске алынсын.

2. Кыргыз Республикасынын Бюджеттик кодексинин 49-беренесинин 3-пунктунун, 115-беренесинин 2,3,4-пункттарынын талаптарынын негизинде Кара-Көл шаардык кеңешинин 27.04.2017-ж. №20/4-7 сандуу токтомунун №5-тиркемесиндеги шаардык мэриянын социалдык - экономикалык өнүктүрүү программасында, же “Өнүгүү бюджетинде” бекитилген РЕЕСТРдин 7,11-катар номурдагы иш-чаралар боюнча каражаттарга №1-тиркемеге ылайык өзгөртүүлөр киргизилсин.

3. Кыргыз Республикасынын Финансы министрлигинин Кара-Көл башкармалыгы (Осмонкулов Ж.Т.) бул токтомдон келип чыккан өзгөртүүлөр боюнча бюджеттик мекемелердин тиешелүү беренелерине тактоо (“уточнение”) киргизсин жана каржылоо шаардык кеңештин 27.04.2017-ж. №20/4-7 сандуу токтомунун 5-пункт 5.1.-подпунктунун талабына ылайык жүргүзүүсү сунушталсын.

4. Шаардын мэри И.М.Еркеевге жана Кыргыз Республикасынын Финансы министрлигинин Кара-Көл башкармалыгынын начальниги Ж.Т.Осмонкуловго бул токтомдун талаптары жана андан келип чыккан иш-чаралардын мыйзамдуулугу боюнча Кыргыз Республикасынын “Жергиликтүү оз алдынча башкаруу жөнүндө” мыйзамдын 12-беренесинин талабына ылайык толук жоопкерчилик жүктөлсүн.

5. Бул токтомдун аткарылышын камсыз кылуу шаардык мэрияга (Еркеев И.М.), Кыргыз Республикасынын Финансы министрлигинин Кара-Көл башкармалыгына (Осмонкулов Ж.Т.), ал эми көзөмөлдөө шаардык кеңештин бюджет, экономика жана финансы маселелери боюнча туруктуу комиссиясына (Чаргынов А.К.) жүктөлсүн.