КР Президентинин

2013-жылдын 4-июлундагы ПЖ № 157 Жарлыгына ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2001-жылдын 19-октябры ПУ № 300

Кыргыз Республикасынын мамлекеттик органдарынын

иш-аракеттерин материалдык-техникалык жана финансы

жагынан камсыз кылууну андан ары өркүндөтүү жөнүндө

(Кыргыз Республикасынын Президентинин

2005-жылдын 4-июлундагы ПЖ № 264 Жарлыгынын,

2005-жылдын 30-августундагы ПЖ № 341 Жарлыгынын,

2005-жылдын 15-октябрындагы ПЖ № 464 Жарлыгынын

редакцияларына ылайык)

Кыргыз Республикасынын мамлекеттик органдарынын иш-аракеттерин материалдык-техникалык жана финансы жагынан камсыз кылууну талдоо алардын финансы-чарбалык кызматтарында кемчиликтер жана мүчүлүштүктөр бар экендигин, милдеттердин кайталануучулугуна жана регламенттелген бюджеттик каражаттардын ашыкчы чыгымдалышына жол бериле тургандыгын көрсөттү. Булардын бардыгы жарандардын адилеттүү нааразычылыгын пайда кылып, алардын мамлекеттик органдарга карата болгон мамилесине терс таасирин тийгизүүдө.

Белгиленген кемчиликтерди жоюу жана финансы тартибин чыңдоо, Кыргыз Республикасынын мамлекеттик органдарынын иш-аракеттерин материалдык-техникалык жана финансы жагынан камсыз кылуу системасын андан ары оптималдаштыруу жана өркүндөтүү максатында

ТОКТОМ КЫЛАМ:

1. Кыргыз Республикасынын Президентинин Иш башкармасы (мындан ары - Иш башкармасы) Кыргыз Республикасынын Президентине түздөн-түз баш ийген жана отчет берген мамлекеттик орган катары төмөнкүлөрдү ишке ашыра тургандыгы белгиленсин:

- Кыргыз Республикасынын Президентинин, Кыргыз Республикасынын Премьер-министринин жана вице-премьер-министрлеринин, Кыргыз Республикасынын Жогорку Кеңешинин Мыйзам чыгаруу жыйынынын жана Эл өкүлдөр жыйынынын, Кыргыз Республикасынын Президентинин Администрациясынын, Кыргыз Республикасынын Премьер-министринин Аппаратынын, Кыргыз Республикасынын Жогорку Кеңешинин Мыйзам чыгаруу жыйынынын Аппаратынын, Кыргыз Республикасынын Жогорку Кеңешинин Эл өкүлдөр жыйынынын Аппаратынын ишин материалдык-техникалык жана финансы жагынан камсыз кылууну;

- Кыргыз Республикасынын Президентин жана анын үй-бүлө мүчөлөрүн, Кыргыз Республикасынын Өкмөт мүчөлөрүн, Кыргыз Республикасынын Жогорку Кеңешинин Мыйзам чыгаруу жыйынынын жана Эл өкүлдөр жыйынынын депутаттарын, Кыргыз Республикасынын Конституциялык сотунун, Кыргыз Республикасынын Жогорку сотунун судьяларын, Кыргыз Республикасынын Эсептөө палатасынын төрагасын жана аудиторлорун социалдык-тиричилик жана медициналык жактан тейлөөнү;

- Кыргыз Республикасынын Президентинин Администрациясынын, Кыргыз Республикасынын Президентинин Иш башкармасынын, Кыргыз Республикасынын Премьер-министринин Аппаратынын, Кыргыз Республикасынын Жогорку Кеңешинин Мыйзам чыгаруу жыйынынын жана Эл өкүлдөр жыйынынын, Кыргыз Республикасынын Конституциялык сотунун, Кыргыз Республикасынын Жогорку сотунун, Кыргыз Республикасынын Эсептөө палатасынын, Кыргыз Республикасынын Шайлоо жана референдум өткөрүү боюнча борбордук комиссиясынын аппараттарынын кызматкерлерин социалдык-тиричилик жана медициналык жактан тейлөөнү.

(Кыргыз Республикасынын Президентинин 2005-жылдын 4-июлундагы ПЖ № 264 Жарлыгынын, 2005-жылдын 30-августундагы ПЖ № 341 Жарлыгынын, 2005-жылдын 15-октябрындагы ПЖ № 464 Жарлыгынын редакцияларына ылайык)

2. Кыргыз Республикасынын Жогорку Кеңешинин палаталарынын Материалдык-техникалык жана финансы жагынан камсыз кылуу департаменти функцияларын Кыргыз Республикасынын Президентинин Иш башкармасына өткөрүп берүү менен жоюлсун.

Кыргыз Республикасынын Жогорку Кеңешинин Мыйзам чыгаруу жыйынына функцияларын Кыргыз Республикасынын Президентинин Иш башкармасына өткөрүп берүү менен палатанын финансы-чарбалык башкармасын жоюу сунуш кылынсын.

3. Быйылкы жылдын аягына чейин Иш башкармасынын иш-аракеттерин финансылоо 2001-жылга карата Кыргыз Республикасынын Президентинин Иш башкармасы, Кыргыз Республикасынын Жогорку Кеңешинин палаталарынын ишин материалдык-техникалык жана финансы жагынан камсыз кылуу департаменти, Кыргыз Республикасынын Конституциялык соту, Кыргыз Республикасынын Жогорку соту, Кыргыз Республикасынын Жогорку Арбитраждык соту, Кыргыз Республикасынын Эсептөө палатасы жана Кыргыз Республикасынын Шайлоо жана референдум өткөрүү боюнча борбордук комиссиясы үчүн республикалык бюджеттен бөлүнгөн каражаттардын чектеринде ишке ашырыла тургандыгы аныкталсын.

4. Кыргыз Республикасынын Президентинин Иш башкаруучусу:

- Кыргыз Республикасынын Жогорку Кеңешинин палаталарынын материалдык-техникалык жана финансы жагынан камсыз кылуу департаментинин, Кыргыз Республикасынын Жогорку Кеңешинин Мыйзам чыгаруу жыйынынын финансы-чарбалык башкармасынын, Кыргыз Республикасынын Эсептөө палатасынын, Кыргыз Республикасынын Шайлоо жана референдум өткөрүү боюнча борбордук комиссиясынын финансы-чарбалык кызматтарынын карамагындагы материалдык-техникалык жана башка мүлктү, ошондой эле Кыргыз Республикасынын Юстиция министрлигине караштуу Сот департаментинин финансы каражаттарынын бир бөлүгүн, материалдык-техникалык жана башка мүлкүн белгиленген тартипте Иш башкармасынын балансына кабыл алсын;

- 2001-жылдын 1-декабрына чейин Иш башкармасынын кызматкерлеринин санын 30 процентке кыскартуу менен анын структурасы жана кызмат орундарынын саны, Кыргыз Республикасынын Президентинин Иш башкармасы жөнүндө Жобо даярдалсын жана бекитүүгө киргизилсин.

5. Кыргыз Республикасынын Өкмөтү:

- Кыргыз Республикасынын Конституциялык соту, Кыргыз Республикасынын Жогорку соту, Кыргыз Республикасынын Жогорку Арбитраждык соту менен бирдикте 2002-жылдын 1-январына чейин ушул Указдан келип чыккан тийиштүү мыйзамдардын долбоорлорун даярдасын жана Кыргыз Республикасынын Жогорку Кеңешине киргизсин жана аларды 2002-жылдын 1-апрелине чейин кабыл алууну камсыз кылсын;

- ушул Указдан келип чыккан уюштуруу, финансы жана башка маселелерди чечсин;

- өз чечимдерин ушул Указга ылайык келтирсин.

6. Кыргыз Республикасынын Президентинин төмөнкү Указдары күчүн жоготту деп таанылсын:

- 1994-жылдын 1-ноябрындагы № 290 "Кыргыз Республикасынын Сот департаменти жөнүндөгү";

- 1996-жылдын 21-майындагы № 170 "Кыргыз Республикасынын Сот департаменти жөнүндөгү";

- 1998-жылдын 31-июлундагы № 242 "Кыргыз Республикасынын Сот департаменти жөнүндөгү";

- 1998-жылдын 1-сентябрындагы № 269 "Кыргыз Республикасынын Жогорку Кеңешинин ишин материалдык-техникалык жана финансы жагынан камсыз кылуу жөнүндөгү";

- 1998-жылдын 6-октябрындагы № 302 "Кыргыз Республикасынын Президентинин 1998-жылдын 1-сентябрындагы "Кыргыз Республикасынын Жогорку Кеңешинин ишин материалдык-техникалык жана финансы жагынан камсыз кылуу жөнүндөгү" Указына өзгөртүүлөрдү жана толуктоолорду киргизүү тууралу";

- 2000-жылдын 14-апрелиндеги № 85 "Кыргыз Республикасынын Жогорку Кеңешинин палаталарынын ишин материалдык-техникалык жана финансы жагынан камсыз кылуу Департаменти жөнүндөгү";

- 2000-жылдын 29-июнундагы № 165 "Кыргыз Республикасынын Президентинин 1998-жылдын 1-сентябрындагы "Кыргыз Республикасынын Жогорку Кеңешинин ишин материалдык-техникалык жана финансы жагынан камсыз кылуу жөнүндөгү" жана "2000-жылдын 14-апрелиндеги "Кыргыз Республикасынын Жогорку Кеңешинин палаталарынын ишин материалдык-техникалык жана финансы жагынан камсыз кылуу Департаменти жөнүндөгү" Указдарына өзгөртүүлөрдү жана толуктоолорду киргизүү тууралуу".

7. Бул Указдын аткарылышына контролдук кылуу милдети Кыргыз Республикасынын Президентинин Администрациясынын Жетекчисине жүктөлсүн.

8. Бул Указ жарыяланган күндөн баштап күчүнө кирет.