КАРА-КУЛЖА АЙЫЛДЫК КЕӉЕШИ

ТОКТОМ

жетинчи сессиясынын (VI шайланган) жыйналышы

2018-жылдын 14-июну № 7/11

“Кара –Кулжа айыл өкмөтүнүн Жайыт пайдалануучулар бирикмесинин (ЖПБ) ички эрежелерин жана 2018-жылдан 2022-жылдарга карата иш планын бекитүү жөнүндө”

Кара –Кулжа айыл өкмөтүнүн Жайыт пайдалануучулар бирикмесинин (ЖПБ) ички эрежелерин жана 2018-жылдан 2022-жылдарга карата иш планы жөнүндөгү Жайыт пайдалануучулар бирикмесинин төрагасы А.Жумабаевдин билдирүүсүн угуп жана талкуулап Кара-Кулжа айылдык Кеңеши

ТОКТОМ КЫЛАТ:

1.Кара –Кулжа айыл өкмөтүнүн Жайыт пайдалануучулар бирикмесинин (ЖПБ) ички эрежелери тиркемеге ылайык бекитилсин (№ 1 тиркеме тиркелет).

2.Кара –Кулжа айыл өкмөтүнүн Жайыт пайдалануучулар бирикмесинин (ЖПБ) же Жайыт комитетинин (ЖК) 2018-жылдан 2022-жылдарга карата иш планы тиркемеге ылайык бекитилсин (№ 2 тиркеме тиркелет).

3.Токтомдун аткарылышын көзөмөлдөө жагы айылдык кеңештин төрагасынын орун басары А.Мойдуновага жүктөлсүн.

Кара-Кулжа А/А

Жергиликтүү кеңештин сессиясында

2018-жылдын “14” июнь

№7/11 токтомуна №1 тиркеме

ЖПБ/ЖКнын ички эрежелери

 Мал жайуу эрежелери

Кыргыз Республикасынын “Жайыттар жөнүндө” мыйзамына ылайык жайыт пайдалануучу төмөнкүлөрдү аткарууга милдеттүү:

1. Мал жайуунун алдында Жайыт комитетинен жайыт билетин алууга.
2. Ветерианрдык палатада катталган жергиликтүү ветеринардан бардык эмдөөлөр жана вакцинациялар жүргүзүлгөндүгү тууралуу маалымкат алууга.
3. Малды райондук агрардык өнүктүрүү башкармалыгы менен макулдашылып жана жергиликтүү кеңештин сессиясында бекитилгенден кийин гана Жайыттарды башкаруу жана пайдалануу боюнча жамааттын планына ылайык жайытка жаюуга (мал жаюу планы жана графиги бул пландын негизги бөлүктөрүнүн бири болуп саналат).
4. Жайыт мезгили 1-апрелде башталат.
5. Күзгү жайыт мезгили 15-ноябрда аяктайт, климаттын шарттарына жараша 30-ноябрга чейин узартылышы мүмкүн.
6. Жайыт пайдалануучуларды жазгы жайыттарга которуу 1-апрелден 30-апрелге чейин жүргүзүлүшү шарт.
7. Жайыт пайдалануучуларды жазгы (орто) жайыттарга которуу 1-апрелден 30-апрелге чейин жүргүзүлүшү керек.
8. Ортоңку күзгү жайыттарга 15-сентябрдан баштап кайтып келсе болот, ал эми мал жайылуучу участокторго түшүм жыйналгандан кийин , 10-октябрдан баштап көчсө болот.
9. А/А, ЖКнын адистери , жеке малчы / чабандар менен биргеликте 10-апрелден баштап саан малды жаюу уюштурулат.
10. Жайыт пайдалануучулардын жалпы чогулушунда кабыл алынган чечимге ылайык, айыл ичинде 1 жумушчу ат, сатууга болсо 3-5 койду калтырууга уруксат берилет,калган мал жайкы жайыттарга чыгарылышы керек.
11. Башка учурларда бардык жайыт пайдалануучулар менен келишим түзүлөт, жана жайыт пайдалануу акысы келишимдин негизинде Кыргыз Республикасынын “Жайыттар жөнүндө” мыйзамына жана Кыргыз Республикасынын Өкмөтүнүн 2013-жылдын 13-сентябрындагы №515 токтому менен бекитилген Жайыт ресурстарын мал жаюу менен байланышпаган башка максаттарга пайдалануу укугун берүүнүн тартиби жөнүндө типтүү жобого ылайык төлөнөт.

МАЛ        ЖАЙУУ ЭРЕЖЕСИН БУЗГАНДЫК ҮЧҮН ЖООПКЕРЧИЛИК

1. Райондук агрардык өнүктүрүү башкармалыгы менен макулдашылып жана жергиликтүү кеңештин сессиясында бекитилген өлчөмдөгү жайыт пайдалануу акысын төлөөдөн баш тартылган учурда , жайыт комитети карызды жана айыпты жана жайыт пайдалануучунун укуксуз иш –аракетинин натыйжасында келип чыккан башка чыгымдарды өндүрүп алуу үчүн документтерди сотко берүүгө укугу бар.
2. Жайыт пайдалануу үчүн акы төлөө мөөнөтү өтүп кеткен учурда жайыт билетинде көрсөтүлгөн төлөмдүн жалпы көлөмүнөн ар бир кечиктирилген күн үчүн 0,5 % өлчөмүндөгү туум алынат.
3. Эгерде айылда 1 аттан , 3-5 койдон ашык мал калтырылса, төмөнкү чаралар колдонулат: Жалпы чогулуштун чечими жана аксакалдар сотунун чечими боюнча малдын ар бир башына 500 сом өлчөмүндө айып салынат.

Ø  Эгерде мал айдоо аянттарына жайылып кетсе , алгачкы жолу ооз эки эскертүү берилет, андан кийин:

Ø  Бодо малга биринчи жолу -250 сом, экинчи жолу 500 сом өлчөмүндө айып салынат.

Ø  Малда майга биринчи жолу 50 сом , экинчи жолу 100 сом өлчөмүндө айып салынат , эреже бузуу үчүнчү ирет кайталанган учурда , келтирилген зыян эсептелип , иш аксакалдар сотуна же сот органдарына жөнөтүлөт.

1. Жазгы, жайкы жана күзгү жайыттарда мал жаюу графигин бузган жайыт пайдалануучуларга, бодо малдын ар бир башына -100 сом, майда малга -20 сом өлчөмүндө айып салынат жана жайытка 1 сутканын ичинде кайтып баруу жөнүндө жазуу жүзүндөгү билдирме берилет.

а) Жайыт пайдалануучу айып төлөөдөн баш тарткан учурда Кыргыз Республикасынын мыйзамдарына ылайык жоопкерчиликке тартылат.

Кара-Кулжа А/А

Жергиликтүү кеңештин сессиясында

2018-жылдын “14” июнь

№7/11 токтомуна №2 тиркеме

Кара-Кулжа айыл аймагынын жайыт пайдалануучулар бирикмесинин 2018-2022-

жылдаргатүзүлгөн иш планы

Кара-Кулжа ЖПБнин башчысы:                                                                                                                                                                                                             А.Жумабаев