КАРАКОЛ ШААРДЫК КЕӉЕШИ

ТОКТОМ

2019-жылдын 26-февралы № 27-27/7

“Шаарга сиӊирген эмгеги үчүн” “Каракол шаардык депутаттар Кеӊешинин жана Каракол шаарынын мэриясынын төш белгиси” жөнүндөгү Жобону бекитүү жөнүндө

Каракол шаардык депутаттар Кеӊешинин жооптуу катчысы Э.А.Майрыковдун, 2019-жылдын 12-февралындагы, кир.№01-7/48 катын карап жана талкуулап, Каракол шаардык депутаттар Кеӊешинин мыйзамдуулукту сактоо, укук тартиби, ММКлар, коомчулук менен иш алып баруу, депутаттык адеп жана депутаттык ишмердүүлүк боюнча туруктуу комиссиясынын корутундусун эске алуу менен, Каракол шаардык депутаттар Кеңешинин XXVII чакырылышынын ХХVII сессиясы:

ТОКТОМ КЫЛАТ:

1. «Шаарга сиӊирген эмгеги үчүн» «Каракол шаардык депутаттар Кеӊешинин жана Каракол шаарынын мэриясынын төш белгиси» жөнүндөгү Жобо бекитилсин (№1 тиркеме).

2. Бул токтом Мамлекеттик ченемдик укуктук актыларынын реестрине киргизүү үчүн областтык юстиция башкармалыгына жиберилсин.

3. Токтом ММКларда жарыялансын.

4. Токтомдун аткарылышына көзөмөл жүргүзүү Каракол шаардык депутаттар Кеӊешинин жооптуу катчысы Э.А.Майрыковго жүктөлсүн.

Каракол шаардык депутаттар Кеңешини

2019-жылдын 26 февралында № 27-27/7 токтомуна №1 тиркеме

КАРАКОЛ ШААРДЫК ДЕПУТАТТАР КЕНЕШИНИН ЖАНА КАРАКОЛ ШААРЫНЫН МЭРИЯСЫНЫН

«ШААРГА СИНИРГЕН ЭМГЕГИ ҮЧҮН» ТӨШ БЕЛГИСИ ЖӨНҮНДӨ

ЖОБО

I бап. Жалпы Жоболор

1. «Шаарга сиӊирген эмгеги үчүн» төш белгиси - Каракол шаардык депутаттар Кеӊешинин жана Каракол шаарынын мэриясынын сыйлыгы. «Шаарга сиӊирген эмгеги үчүн» төш белгиси жөнүндөгү Жобо Каракол шаардык депутаттар Кеӊеши тарабынан бекитилет.
2. Төш белги - шаардын, анын тургундарынын жашоосунун өнүгүшүнө таасир кылган, шаардын беделин, аброюн көтөрүүгө салым кошкон, Кыргыз Республикасынын жарандарына жана чет өлкөлүк адамдарга берилет.
3. Жарандарды төш белги менен сыйлоо, алардын Каракол шаарында туулгандыгына, жашашына байланыштуу эмес.
4. Төш белги жекече жана түбөлүккө берилет.

Соттолгону алынбаган же жокко чыгарылбаган адамдарды төш белги менен сыйлоого көрсөтүлбөйт.

1. «Шаарга сиӊирген эмгеги үчүн» төш белгиси менен сыйланган адам, сот тарабынан кылмыш кылгандыгы үчүн күнөөлү деп табылса, комиссиянын чечими менен, анын төш белгиси алынат.
2.  Төш белги менен экинчи ирет сыйлоого жол берилбейт.
3. «Каракол шаарынын Ардактуу атуулу» наамына ээ болгондор, «Шаарга сиӊирген эмгеги үчүн» төш белгиси менен сыйланышпайт, анткени бул наам - Каракол шаарынын эӊ жогорку муниципалдык сыйлыгы.
4. Төш белги менен сыйлоо жөнүндө чечимди комиссия кабыл алат.
5. Төш белги менен сыйлоо, жыл сайын, Каракол шаарынын күнүн майрамдоонун алдында, эгемендүүлүк күнүнө же болбосо кесиптик майрамдарга карата жүргүзүлөт.
6. Төш белги менен сыйланган жаранга, төш белги жана күбөлүк берилет.  

II Бап. «ШААРГА СИНИРГЕН ЭМГЕГИ ҮЧҮН» ТӨШ БЕЛГИСИ МЕНЕН СЫЙЛООНУН НЕГИЗДЕРИ ЖАНА ТАРТИБИ

1. «Шаарга сиӊирген эмгеги үчүн» төш белгиси менен сыйлоого төмөндөгүлөр негиз болот:

- Каракол шаарынын аймагында өнөр-жайды, шаардын чарбасын, экономиканы, муниципалдык билим берүүнү, илимди, маданият жана искусствону, тарбияны жана билим берүүнү, саламаттыкты сактоону, дене тарбия жана спорту, айлана-чөйрөнү, мыйзамдуулукту жана тартипти, коомдук коопсуздукту, экономикалык-социалдык жана коомдук ишмердүүлүктү өнүктүрүүгө кошкон зор салымы;

- Каракол шаарынын тургундарынын, аскердик кызмат учурунда жана Ата-Мекенди коргоодо көрсөткөн эрдиги;

-Каракол шаарынын тургундарынын меценаттык жардам берүүдө, кайрымдуулукта, мамлекеттик жана муниципалдык башкарууда жана Каракол шаарынын өнүгүшүнө, анын тургундарынын жашоо турмушун жогорулатууга, шаардын беделин жана аброюн көтөрүүгө багытталган ишмердүүлүктүн башка тармактарындагы зор жетишкендиктери;

1. «Шаарга сиӊирген эмгеги үчүн» төш белгиси менен сыйлоо жөнүндөгү өтүнүчтөр, мамлекеттик, муниципалдык органдар, аймактык өз алдынча башкаруу органдары, эмгек жааматтары (коомдук бирикмер) тарабынан сунушталат жана Жобонун 13-пунктунда көрсөтүлгөн документтер жана материалдар, сыйлоо жөнүндө маселелерди кароочу комиссияга берилет (мындан ары - комиссия).

 Комиссиянын иштөө тартиби, берилген сунуштарды кароо мөөнөттөрү, ушул Жобо менен жөндөлөт.

 Комиссия жана анын курамы, Каракол шаардык депутаттар Кеӊешинин төрагасы тарабынан бекитилет. Комиссия так санда, 5-9 адамдан турат, курамында төрага, катчы жана мүчөлөрү болот. Комиссиянын курамына төмөнкүлөр кирет:

- Каракол шаардык депутаттар Кеӊешинин депутаттары;

- муниципалдык кызматкерлер;

- жарандык коомдун жана жергиликтүү коомдоштуктардын, Каракол шаарында жашаган өкүлдөрү (макулдашуу боюнча);

 Комиссиянын төрагасы мүчөлөрдүн ичинен шайланат, комиссиянын катчысы комиссиянын мүчөлү болгон муниципалдык кызматкерлерден шайланат.

 Комиссиянын отурумдары, документтер түшкөндө өтөт. Комиссияны, комиссиянын секретары чакырат. Комиссиянын отуруму, анын мүчөлөрүнүн көпчүлүгү отурумга катышканда – укуктуу болот.

1. Төш белги менен сыйлоо үчүн, комиссияга, өтүнүч менен бирге төмөнкү документтер жана материалдар берилиши зарыл:

- ишкананын, уюмдун (коомдук бирикменин) эмгек жааматынын жыйналышынын сыйлоого талапкерди көрсөтүү боюнча протоколу;

- талапкер иштеген тармактын адистеринин мүнөздөмөлөрү;

-талапкердин жетишкендиктерин, ачылыштарын, сиӊирген эмгегин же башка салымын далилдеген материалдар же документтердин көчүрмөлөрү;

-чет өлкөлүк жарандар үчүн, уюмдардын же ишканалардын, алар шаар үчүн кылган салымдары жөнүндө өтүнүчтөрү;

1. Комиссия өтүнүчтөрдү, аларга тиркелген документтерди, материалдарды карап, төш белги менен сыйлоо жөнүндө чечимди, же болбосо, документтер туура эмес болсо, сунушту кабыл албоо жөнүндө чечим кабыл алат.
2. Комиссиянын чечиминин негизинде, Каракол шаардык депутаттар Кеӊешинин төрагасы, «Шаарга сиӊирген эмгеги үчүн» төш белгиси менен сыйлоо жөнүндө тескеме чыгырыт.
3. Төш белги ыйгарылган адамга төш белгини, салтанаттуу иш-чарада, шаардын күнүндө, Эгемендүүлүк күнүндө, кесиптик майрамдарда, төрага, мэр же алар табыштаган адам тапшырат.
4. «Шаарга сиӊирген эмгеги үчүн» төш белгинин сүрөттөмөсү жана күбөлүгү, бул Жобонун №1, №2 тиркемелеринде берилген.

Каракол шаардык депутаттар

Кеӊешинин жооптуу катчысы                                                                                                                                                                          Э.А.Майрыков