АК-ТУРПАК АЙЫЛДЫК КЕНЕШИ

ТОКТОМ

Ак-Турпак айылдык кеңешинин VI чакырылышынын VII кезектеги сессиясы

2018-жылдын 8-декабры № 14

Ак-Турпак айыл өкмөтүнүн аймагында каада-салттарды кыскартуу жана ашыкча ысырапкерчиликке жол бербөө боюнча түзулгөн Типтүү Жобону бекитүү жөнүндө

Ак-Турпак айыл өкмөтүнүн аймагында 2018-жылдын 25-октябрында Жаңы-Жер айылында өткөрүлгөн элдик жыйындын протоколуна негиз түзүлгөн Типтүү Жобо жөнүндө депутаттар угуп, талкуулап айылдык кеңешин сессиясы

ТОКТОМ КЫЛАТ:

1. Ак-Турпак айыл өкмөтүнүн аймагында 2018-жылдын 25-октябрында Жаңы-Жер айылында өткөрүлгөн элдик жыйындын протоколуна негиз түзүлгөн Типтүү Жобо бекитилсин. (Тиркеме 2 баракта тиркелет)

2. Ушул токтомдун аткарылышын көзөмөлдөө жагы Ак-Турпак айыл өкмөтүнүн жетекчилигине жүктөлсүн

Ак-Турпак айыл аймагынын айылдык кенешинин VI 

чакырылышынын       кезектеги      VII     сессиясында

  2018 – жылдын 8 – декабрындагы  №14 токтому менен   

  бекитилген.

Ак-Турпак айыл өкмөтүнүн аймагында каада- салттарды кыскартуу жана ашыкча ысырапкерчиликке жол бербөө жөнүндө

ТИПТҮҮ  ЖОБО

1.Сүннөт той өткөрүү

1.1.Сүннөт той өткөрүүдө ата-энелерге, бир туугандарына сарпай берүү, себет тартуу,  коноо берүү, бир туугандар эмеректерди алып келүүсүн  токтотуу.

1.2.Бир гана кудага  коноо берүү.

1.3.Сүннөт тоюнда тойго союлган согумдун эти менен 6 дан нан 70 жаштан ашкан аксакалдарга гана тартуу.

1.4.Тойлордо аялдар арасында дасторкон көтөрүүнү  токтотуу.

1.5.Той өткөргөн үй ээлерине калпак кийгизүү, жолук салмай үрп адаттар  токтотулуп, көнүлдөн чыгарган акчасын берүү.

1.6.Кудааларга себет тартуу 4 төн ашырбоо.

1.7. Адияларга  союлган согум эти 6 дан нан чачаласы менен тартуу.

1.8. Жамааттарды чакыруу ыктыяр өзүндө (коно берилбейт)

            1.9.Сүннөт той өткөрүлгөн баланын классташтарын тойго чакырбоо.

            1.10.Тойду ичимдиксиз өткөрүү.

2.Үйлөнүү той

2.1.Үйлөнүү тойдо ЗАГС ка чыгуучу машинанын саны 1 жеңил машина, 2 спринтер менен чыгуу ( кафеге чакырылгандар гана баруу, спирт ичимдиксиз өткөрүү).

2.2.Кызга калын берүү 100 000 ден ашырбоо.

2.3.Кыз тарапка  100кг пахта берүү.

2.4.800 же 1000 даана нан берүү.

2.5.Мал жандык берүү 4 төн ашырбоо.

2.6.Куда тарапка берилүүчү кант 6 каробка.

2.7.Күйөө балдар кыз тарапка барганда күйөө баланы түшүрүп алуу жана  акардион менен ырдоону  токтотуу.

2.8.Үйлөнүү тойда  коноо берилбөө.

2.9.Кудаларга себет тартуу 4 төн ашырбоо.

3. Бешик той

3.1.Бешик берүүдө  жаңы төрөлгөн балага гана сарпай берилип,  ата-энелерине сарпай берилбөө жана мал сойбоо. Ата-энелер   гана баруу.

4.Күйөө чакырык

4.1.Баруучулардын санын 10 дон ашырбоо.

5. Ажы тойдо

5.1.Ажы менен учурашып,  ажыга беруучу адамга чепкен, калпак, чарчы берүү жана нан тартуу, ажыдан келген тасви, жайнамаз ж.б. белектерди таратуу токтотуу.

6.Аш берүү

            6.1.Тойго союлган согумдун эти менен 4 төн нан 70 жаштан ашкан аксакалдарга гана тартуу.

6.2.Студенттерге шерине өткөрүүгө тыюу салуу.

6.3.Мектептерде мугалимдерге белек берүүнү, акыркы коңгуроодо майрамдык кечелерди, туулган күндөрдү өткөрүүнү токтотуу. (Алиппе майрамында мугалимге белек берүүнү токтотуу).