КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2020-жылдын 4-февралы ПЖ № 19

Кыргыз Республикасынын Президентинин айрым жарлыктарын күчүн жоготту деп табуу жөнүндө

Кыргыз Республикасынын Президентинин мурда чыгарылган жарлыктарын инвентаризациялоонун алкагында, Кыргыз Республикасынын Конституциясынын 65-беренесин жетекчиликке алып,

ТОКТОМ КЫЛАМ:

1. Төмөнкүлөр күчүн жоготту деп табылсын:

1) Кыргыз Республикасынын Президентинин 2006-жылдын 20-январындагы № 23 "2006-2010-жылдардагы мезгилде Кыргыз Республикасында денетарбиясын жана спортту өнүктүрүү концепциясы жөнүндө" Жарлыгы;

2) Кыргыз Республикасынын Президентинин 2006-жылдын 20-январындагы № 24 "Кыргыз Республикасында балдардын абалын жакшыртуу боюнча кечиктирилгис чаралар жөнүндө" Жарлыгы;

3) Кыргыз Республикасынын Президентинин 2006-жылдын 31-мартындагы № 151 "Колдо болгон спорттук-денсоолукту чыңдоо, балдар жана короо аянтчаларын оңдоо жана кайрадан калыбына келтирүү жана жаңыларын куруу боюнча жалпы республикалык бир айлыкты өткөрүү жөнүндө" Жарлыгы;

4) Кыргыз Республикасынын Президентинин 2006-жылдын 14-апрелиндеги № 173 "2010-жылга чейин Кыргыз Республикасынын мамлекеттик жаштар саясатын өнүктүрүү Концепциясы жана 2006-2008-жылдарга "Кыргызстан жаштары" Улуттук программасы жөнүндө" Жарлыгы;

5) Кыргыз Республикасынын Президентинин 2006-жылдын 28-сентябрындагы № 471 "Кыргыз Республикасында 2006-жылдын 1-октябрынан тартып улгайган адамдарды социалдык жактан колдоонун бир айлыгын өткөрүү жөнүндө" Жарлыгы;

6) Кыргыз Республикасынын Президентинин 2007-жылдын 18-июнундагы № 313 "2015-жылга чейин кыргыз кино өнөрүн өнүктүрүүнүн Мамлекеттик программасын иштеп чыгуу боюнча жумушчу топту түзүү жөнүндө" Жарлыгы;

7) Кыргыз Республикасынын Президентинин 2007-жылдын 29-ноябрындагы № 523 "2010-жылга чейин Кыргыз Республикасында маданиятты жана көркөм өнөрдү өнүктүрүүнүн Улуттук программасын бекитүү жөнүндө" Жарлыгы.

2. Бул Жарлык расмий жарыяланган күндөн тартып жети күн өткөндөн кийин күчүнө кирет.