КӨК-ТАШ АЙЫЛДЫК КЕҢЕШИ

ТОКТОМ

V чакырылыштагы Көк-Таш айылдык Кеңешинин кезектеги  XII сессиясы

2019-жылдын 25-декабры № 5

Чек арачыларга каражат кароо жөнүндө

 Кыргыз Республикасынын Президентинин “2019-жыл – Региондорду өнүктүрүү жана өлкөнү санариптештирүү жылы” Жарлыгына ылайык, күн тартибиндеги маселени  талкуулап, Көк-Таш айылдык Кеңеши

ТОКТОМ КЫЛАТ:

1. Кыргыз Республикасынын Өкмөтүнүн 2012-жылдын 20-мартындагы № 186 токтомуна ылайык, мамлекеттик чек араны кайтаруудагы күжүрмөн эмгектери үчүн Көк-Таш айылындагы Орто-Суу чек ара заставасынын, Булак-Башы айылындагы Булак-Башы жана Чоң-Сай айылындагы Чоң-Сай чек ара постторунун чек арачыларына жергиликтүү бюджеттин эсебинен ар бирине 5000 (беш миң) сомдон  жалпы 15 000 (он беш миң) сом материалдык колдоо көрсөтүүгө макулдук берилсин.

2. Токтом Ала-Бука райондук мамлекеттик администрациясынын www.alabuka.кg веб-сайтына жарыялансын.

3. Токтомду расмий жарыялоо жана Кыргыз Республикасынын ченемдик укуктук  актыларынын мамлекеттик реестрине киргизүү жагы Көк-Таш  айыл Өкмөтүнө жүктөлсүн.

4. Токтомдун аткарылышын көзөмөлдөө жагы Көк-Таш айылдык Кеңешинин бюджет, каржы, инвестиция, муниципалдык менчик, мыйзамдуулук жана укук тартибин сактоо боюнча туруктуу комитетине милдеттендирилсин.