ЫНТЫМАК АЙЫЛДЫК КЕҢЕШИ

ТОКТОМ

Ынтымак айылдык Кеңешинин (6 – чакырылышы) кезектеги ХXX – сессиясы

2020-жылдын 6-июлу №2

Ынтымак айылдык кеңешинин штаттык жадыбалын бекитүү жөнүндө

Кыргыз Республикасынын Өкмөтүнүн 2020-жылдын 4-мартындагы №124 “Кыргыз Республикасынын Өкмөтүнүн жергиликтүү өз алдынча башкаруу чөйрөсүндөгү айрым чечимдерине өзгөртүүлөрдү киргизүү жөнүндө” токтому жана 2020-жылдын 5-февралындагы №64 “Айылдык кеңештердин акы төлөө негизиндеги кызмат орундарынын тизмесин бекитүү жөнүндө” токтомунун негизинде калкы 6001ден жогору болгон Ынтымак айыл аймагынын Ынтымак айылдык кеңешинде 1 штаттык кызмат орду (Ынтымак айылдык кеңештин жооптуу катчысы) жана анын айлык акылары каралгандыгын жана Кыргыз Республикасынын Өкмөтүнө караштуу Жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин 2020-жылдын 28-майындагы №01-25/119-сандуу чыгуу катынын негизинде Ынтымак айылдык кеңешинин жооптуу катчысынын штаттык жадыбалын бекитип берүү боюнча Ынтымак айылдык Кеңешинин (6 – чакырылышы) кезектеги ХXX – сессиясы

ТОКТОМ КЫЛАТ:

1. “Кыргыз Республикасынын Өкмөтүнүн жергиликтүү өз алдынча башкаруу чөйрөсүндөгү айрым чечимдерине өзгөртүүлөрдү киргизүү жөнүндө” токтому жана 2020-жылдын 5-февралындагы №64 “Айылдык кеңештердин акы төлөө негизиндеги кызмат орундарынын тизмесин бекитүү жөнүндө” токтому жетекчиликке жана аткарууга алынсын.

2. Ынтымак айыл кеңешинин 1 (бир) жооптуу катчысы штаттык бирдиги бекитилсин. (№1 Тиркеме тиркелет)

3. Бекитилген штаттык бирдикке акча каражатын төлөп берүү жагы Ынтымак айыл өкмөтүнүн финансы экономика бөлүмүнө милдеттендирилсин.

4. Бул токтомдун аткарылышын көзөмөл кылуу жагы Ынтымак айылдык Кеңешинин «Экономика, бюджет, соода жана ишкердүүлүк» боюнча туруктуу комиссиясына тапшырылсын.

Төрага:                                                                                                                                                                                         А. Абдикулов

Депутаттардын Ынтымак айылдык кенешинин

(VI-чакырылышы) кезексиз ХXX сессиясынын

 №2 токтомуна № 1 тиркеме

Жооптуу катчы:                                                                                                                                                                                    Г.Балтабаева