АК-ЖОЛ АЙЫЛДЫК КЕҢЕШИ

ТОКТОМ

Ак-Жол айылдык кеӊешинин VII чакырылышынын кезектеги XII сессиясы

2019-жылдын 08-февралы №3

Ак-Жол айыл өкмөтүнүн аймагындагы бадачылардын , механизаторлордун эмгек акысы жана белгиленген айып акылардын өлчөмү жана жер айдоо компаниясына байланышкан тарифтер боюнча 05.02.2019-жылы чыккан айыл өкмөтүнүн №27-буйругун кароо жана бекитүү жөнүндө

Ак-Жол айыл аймактык Кеңешинин VII -чакырылышынын кезектеги XII - сессиясынын күн тартибиндеги үчүнчү маселеси боюнча айыл аймактык Кеңешинин туруктуу комиссиясынын төрагасы, депутат Эшалиев Эсенаалынын, Ак-Жол айыл Өкмөтүнүн алдындагы Жайыт комитетинин төрагасы Н.Молдобаевдин, айыл өкмөтүнүн вет.адиси Т.Суеркуловдун жана муниципалдык менчикти башкаруу адиси Ы.Молорбаевдердин берген билдирүүсүн угуп жана талкуулап Ак-Жол айыл аймактык Кеңешинин VII -чакырылышынын кезектеги XII - сессиясы

ТОКТОМ КЫЛАТ:

1. Бадачылардын , механизаторлордун, жеке санитарлардын эмгек акысы, жер айдоо компаниясына байланышкан тарифтер , бадачылардын жазгы,жайкы жайытка көчүп чыгуу мөөнөттөрү , айдоо жерлерге түшкөн кароосуз малга салынган айып акылар жөнүндөгү Ак-Жол айыл өкмөтүнүн 05.02.2019-жылдагы №27-б буйругу бекитилсин.

2. Жайыт билетин алуу үчүн жайыт пайдалануучулар төрт түлүк малын эмдөөдөн өткөндүгү тууралуу тактаманы (вет.справка) айыл Өкмөтүнүн ветеринардык врачынан алуу жагы милдеттендирилсин.

3. Айылдык Кеңештин аймагындагы төрт түлүк малдан алынуучу салык статтык отчетто көрсөтүлгөн малдын башына эмес ар бир атуулдун кармаган малына , жайыт билетине киргизилген малдын санына жараша топтоо жагы колго алынсын.

4. Бул токтомдун аткарылышын көзөмөлдөө жагы Жайыт комитетинин башчысы Н.Молдобаевке милдеттендирилсин.

БУЙРУК

РАСПОРЯЖЕНИЕ

Ак-Жол айылы                                                                                                                                                                                                                                            с.Ак-Жол

__________2019-ж/г.          № ____

“2019-жылга карата айдоо, себүү, талаачылык жумуштарында кызмат көрсөтүүнүн, бада акыларын, жайкы жайыттарга көчүп чыгуу мөөнөттөрүн, айып акыларды, ветеринардык кызмат көрсөтүүдөгү бааны жана жер тилкелерин ижарага берүүдөгү бааларды белгилөө жөнүндө”

Жазгы айдоо, себүү, талаачылык жумуштарында механизаторлор тарабынан кызмат көрсөтүү акыларын, мал багуучулардын бада акыларын, жазгы, жайкы жайыттарга көчүп чыгуу, көчүп келүү мөөнөттөрүн белгилөө, башка жактан мал алып келген атуулдарга акы төлөтүү, эгин талааларга түшкөн малдарга айып чегерүү акыларын, ветеринардык кызмат көрсөтүүдөгү бааны жана жер тилкелерин ижарага берүүдөгү бааларды белгилөө максатында, Ак-Жол айыл өкмөтү буйрук кылат:

1. Жазгы айдоо, себүү талаачылык жумуштарында механизаторлор тарабынан көрсөтүлчү кызматтар эске алынып, төмөнкүдөй баа кабыл алынсын ( 1 га жерге):

2.      Айыл ичиндеги жер аянттары короо-жайдын ичи болгондугуна байланыштуу, төмөндөгү баа туура деп табылсын (1 га жерге):

3.      Жайкы чөп чабуу мезгилинде механизаторлордун эмгегин эске алуу менен, төмөнкүдөй баа кабыл алынсын (1 га жерге):

-          косилка менен чөп чабуу – 1500 сом

-          грабил тартуу – 800 сом

-          пресстөө – 15 сом (даанасына)

1. Ак-Жол айыл аймагында 1 жылга карата ижара акысы АКФнын жерлеринен суулуу айдоо 1000 сом, кайракы айдоо 300 сом, чөп чабынды 300 сом, кысыр аңыз 300 сом, ал эми коммерциялык максатта пайдаланууга ижарага айыл чарбага жараксыз жердин 1 кв.м 20 сом болуп бекитилсин.
2. Райкомол айылындагы ФАПтын тиш дарылоочу бөлүмү стоматологго ижарага берүү жылына 1000 сом деп бекитилсин.
3. Бадачылардын, жеке мал багуучулардын жазгы жайытка көчүп чыгуусунун акыркы мөөнөтү 30-апрелге, ал эми жайкы жайытка көчүп чыгуунун акыркы мөөнөтү 1-июнга белгиленсин. Күзүндө жайлоодон көчүп келүү мөөнөтү 1-сентябрга белгиленсин (бул мөөнөттөр маршурту биздин территориядан өткөн бөлөк айыл өкмөттөрдүн бадачыларына да тиешелүү).

1. Бада акысы 1 айга төмөндөгүдөй баада белгиленсин:

- жандык малга 1 башка 60 сом (тузу ичинде).

- кара малга, жылкы 1 башка 250 сом (тузу ичинде).

Мал ээси тарабынан берилген туз малга сөзсүз берилүүсү жана жоголгон мал башка баш, жашка жаш төлөнүп берилүүсү бадачыга милдеттендирилсин.

1. Белгиленген мөөнөттөн мурун көчүп келген атуулдарга салынуучу айып акынын жана эгинге түшкөн малга салынуучу айып акынын өлчөмү Ак-Жол айыл өкмөтүнүн алдындагы административдик укук бузуулар боюнча түзүлгөн комиссиянын чечими менен белгиленсин.
2. Жайыттын тартыштыгына байланыштуу башка айыл аймактардан мал алып келбөө боюнча түшүндүрүү иштерин жүргүзүү жагы мал чарба адиси Т.Суеркуловго, Жайыт комитетинин төрагасы Н.Молдобаевге жана Т.Нурманбетовго милдеттендирилсин.
3. Эгерде, сырттан алынып келген мал болсо, ал үчүн КРнын “Жайыт жөнүндө” мыйзамынын негизинде ар бир кара мал,  жылкыга 300 сом, жандык малга 50 сом акы төлөтүү колго алынсын.
4. Жандык малдарды жуутка түшүрүү акысы 1 баш жандык 10 сомдон, 1 баш жандыкты кыркуу 25 сомдон белгиленсин. Жуулбаган жандык малды бадага кошпоо жагы бадачыларга милдеттендирилсин.
5. Ак-Жол айыл өкмөтүнүн участкалык жеке ветеринарларынын калкка кызмат көрсөтүүдөгү малдарды эмдөө баалары (мамлекеттен бекер келген вакцинаны саюу акысы) кара малга 30 сом, жандык малга 10 сом, итке 50 сом болуп бекитилсин (малды дарылоо келишим баада болот).
6. Бул буйрукту турмушка ашыруу жагы Жайыт комитетине, мал чарба адисине жана айыл башчыларына жүктөлсүн.
7. Буйруктун аткарылышын көзөмөлдөө жагы айыл өкмөтүнүн жер адиси Ы.Молорбаевге жана Жайыт комитетинин төрагасы Н.Молдобаевге жүктөлсүн.
8. Бул буйрукту бекитип берүү жагы айыл аймактык кеңешинин сессиясынан суралсын.

Ак-Жол айыл

өкмөтүнүн башчысы:                                                                                                                                                                                                          Б.Мырзагулов