БҮРГӨНДҮ АЙЫЛДЫК КЕҢЕШИ

ТОКТОМ

Бүргөндү айылдык кеңешинин ХХVII чакырылышынын кезектеги ХХ сессиясы

2019-жылдын 09-январы №4

Бүргөндү айыл өкмөтүнүн 2019-жылдын жергиликтүү бюджетти жана 2020-2021-жылдарга бюджетинин долбоорун бекитүү жөнүндө

Бүргөндү айылдык кенешинин кезектеги сессиясы Бүргөндү айыл өкмөтүнүн финансы экономикалык бөлүмүнүн башчысы А. Мырзакаримовдун айыл өкмөтүнүн жергиликтүү бюджетинин 2019-жылга планы жана 2020-2021 жылдарга долбоору боюнча маалыматын угуп жана талкуулап “Жергиликтүү өз алдынча башкаруу жөнүндө” КРнын мыйзамын II-бөлүмүнүн 31-беренесинин 2,2 пунктуна ылайык Бүргөндү айылдык кенешинин ХХVII-чакырылышынын кезектеги ХХ -сессиясы

ТОКТОМ КЫЛАТ:

1. Бүргөндү айыл өкмөтүнүн Финансы экономикалык бөлүмүнүн башчысы А Мырзакаримовдун айыл өкмөтүнүн жергиликтүү бюджетинин 2019-жылга планы жана 2020-2021 жылдарга долбоору боюнча маалыматы эске алынсын.

2. Бүргөндү айыл өкмөтүнүн жергиликтүү бюджетинин кирешелеринин 2019-жылга бюджети 21976,4 миң сом жана 2020-жылга долбоору 22814,4 миң сом, 2021-жылга долбоору 23169,6 миң сом №1 тиркемеге ылайык белгиленсин.

3. Бүргөндү айыл өкмөтүнүн жергиликтүү бюджетинин чыгашаларынын 2019-жылга бюджети 21976,4 миң сом жана 2020-жылга долбоору 22814,4 миң сом, 2021-жылга долбоору 23169,6 миң сом №2 тиркемеге ылайык белгиленсин.

4. Бүргөндү айыл өкмөтүнүн жергиликтүү бюджетинин 2019-жылдын 1-январына карата кассалык накталай акча каражат жүгүртүүсү 200,0 миң сом өлчөмүндө белгиленсин.

5. Жергиликтүү бюджеттин чыгашалары биринчи кезекте корголуучу статья чыгымдарына (эмгек акы, соц фондко чегерүү, тамак аш чыгымы) жана коммуналдык кызмат көрсөтүүлөргө каралсын.

6. Жыл ичинде жергиликтүү бюджеттин кирешелеринин түшүүсүнө карата жана финансы минстрлиги тарабынан берилген өзгөртүүлөрдүн негизинде жергиликтүү бюджетке өзгөртүүлөрдү киргизүү бюджеттин натыйжалуулугун көтөрүү жагы финансы экономика бөлүмүнүн башчысы А. Мырзакаримовко жүктөлсүн.

7. Бул токтом Ноокен райондук мамлекеттик администрациясынын расмий сайтына жарыялансын.

8. Бүргөндү айыл өкмөтүнүн бюджетинин жетишпестигин жоюу үчүн кошумча каржылоо булактарын табуу жана ички резервтерди пайдалануу менен муниципалдык жерлерди сатуу жана 2018-жылы өндүрүлбөй калган салыктар, ижара акыларды өндүрүү боюнча иш алып баруу жагы, киреше булактарын табуу, өстүрүү, айыл аймактык социялдык өнүгүү маселелерин чечүү жана 2019-жылга белгиленген иш-пландарды аткаруу үчүн, айылдын инфра-структураларын өнүктүрүү боюнча 1000,0 миң сом, кошумча каржылоо булактарын табуу айыл өкмөтүнүн башчысы А.Сатыкуловко милдеттендирилсин.

9. Токтомдун аткарылышын көзөмөлдөө жагы Бүргөндү айылдык кеңешинин бюджет жана финансы ишкердүүлүктү, чакан жана орто бизнести өнүктүрүү боюнча туруктуу комиссиясынын төрагасы Г.Мирзаевке жүктөлсүн.

2019-жылга бюджети жана 2020-2021-жылдарга каралган бюджеттик кирешелери

2019-жылга бюджети жана 2020-2021-жылдарга каралган бюджеттик чыгашалары