ТоктомКүчүндө

Кыргыз Республикасынын Өкмөтүнүн 2002-жылдын 20-августундагы № 568 «Кыргыз Республикасынын тарыхый-маданий мурас объекттерин эсепке алуу, коргоо, реставрациялоо жана пайдалануу жөнүндө жобону бекитүү тууралуу» токтому

Редакция
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

Бишкек шаары, Өкмөт Үйү

2002-жылдын 20-августу № 568

 

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

 

Кыргыз Республикасынын тарыхый-маданий мурас объекттерин

эсепке алуу, коргоо, реставрациялоо жана пайдалануу жөнүндө жобону

бекитүү тууралуу

 

(Кыргыз Республикасынын Өкмөтүнүн 2014-жылдын 22-сентябрындагы № 543 токтомунун редакциясына ылайык)

Эскертүү: Кыргыз Республикасынын Өкмөтүнүн 2014-жылдын 22-сентябрындагы № 543 токтому менен өзгөртүүлөр жана толутоолор расмий тилинде киргизилген

 

Тарыхый-маданий мурас объекттеринин сакталышын, алардын Кыргыз Республикасынын "Тарыхый-маданий мурастарды коргоо жана пайдалануу жөнүндө" Мыйзамына ылайык ар тараптуу жана натыйжалуу пайдаланылышын камсыздоо максатында Кыргыз Республикасынын Өкмөтү токтом кылат:

1. Тиркелгендер бекитилсин:

- Кыргыз Республикасынын тарыхый-маданий мурас объекттерин эсепке алуу, коргоо, реставрациялоо жана пайдалануу жөнүндө жобо;

- Кыргыз Республикасынын республикалык маанидеги тарыхый жана маданий эстеликтеринин мамлекеттик тизмеси.

Эскертүү: Ушул токтом менен бекитилген тизме расмий редакцияда берилген

2. Кыргыз ССР Министрлер Советинин 1982-жылдын 30-декабрындагы № 708 "СССР Министрлер Советинин 1982-жылдын 16-сентябрындагы № 865 "Тарыхый жана маданий эстеликтерди коргоо жана пайдалануу жөнүндө жобону бекитүү жөнүндө" токтомун ишке ашыруу тууралуу" токтому күчүн жоготту деп эсептелсин.

3. Бул токтомдун аткарылышын контролдоо Кыргыз Республикасынын Премьер-министринин Аппаратынын социалдык-маданий өнүктүрүү бөлүмүнө жүктөлсүн.

4. Бул токтом жалпыга маалымдоо каражаттарына жарыялансын.

 

Премьер-министр

Н.Танаев