КР Өкмөтүнүн 2014-жылдын 10-февралындагы № 83/41/5 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2002-жылдын 20-декабры № 865

Кыргыз Республикасынын Өкмөтү менен Кыргыз

Республикасынын Улуттук банкынын ортосундагы

финансылык мамилелерди жөнгө салуу жөнүндө Кыргыз

Республикасынын Өкмөтүнүн жана Кыргыз Республикасынын

Улуттук банкынын 2002-жылдын 21-июнундагы № Д-3-2/659

Башкы макулдашуусуна Кошумча макулдашуу жөнүндө

Кыргыз Республикасынын Өкмөтү менен Кыргыз Республикасынын Улуттук банкы 2002-жылдын 13-июнунда кабыл алышкан Экономикалык саясат жөнүндө Кошумча меморандумдун баштапкы шартын аткаруу үчүн, ошондой эле Кыргыз Республикасынын Өкмөтүнө караштуу Экономикалык саясат боюнча кеңештин 2002-жылдын 20-декабрындагы № 12 протоколдук чечиминин негизинде Кыргыз Республикасынын Өкмөтү жана Кыргыз Республикасынын Улуттук банкы

ТОКТОМ КЫЛЫШАТ:

Кыргыз Республикасынын Өкмөтү менен Кыргыз Республикасынын Улуттук банкынын ортосундагы финансылык мамилелерди жөнгө салуу жөнүндө Кыргыз Республикасынын Өкмөтүнүн жана Кыргыз Республикасынын Улуттук банкынын 2002-жылдын 21-июнундагы № Д-3-2/659 Башкы макулдашуусуна Кошумча макулдашуунун тиркелген долбоору жактырылсын.

2. Кыргыз Республикасынын Финансы министри Б.Е.Абилдаев ушул токтомдун 1-пунктунда көрсөтүлгөн Кошумча макулдашууга Кыргыз Республика-

сынын Өкмөтүнүн атынан кол коюуга дайындалсын.

3. Кыргыз Республикасынын Финансы министрлигине караштуу Банктарды кайра уюштуруу жана карыздарды реструктуралаштыруу боюнча агентство жана "Кайрат" банк ачык типтеги акционердик коому Кыргыз Республикасынын Улуттук банкы менен "Кайрат" банк ачык типтеги акционердик коомунун жана Кыргыз Республикасынын Финансы министрлигине караштуу Банктарды кайра уюштуруу жана карыздарды реструктуралаштыруу боюнча агентствонун ортосундагы 2000-жылдын 29-сентябрындагы № Д-3-2/1027 Активдерди жана пассивдерди өткөрүп берүүнүн жалпы шарттары жөнүндө макулдашууну Кыргыз Республикасынын мыйзамдарында аныкталган тартипте күчүн жоготту деп эсептешсин.

4. Кыргыз Республикасынын Финансы министрлиги жана Кыргыз Республикасынын Улуттук банкы (макулдашуу боюнча) "Кыргыз Республикасынын Өкмөтүнүн Кыргыз Республикасынын Улуттук банкына карызын реструктуралаштыруу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзам долбоорун Кыргыз Республикасынын Өкмөтүнүн кароосуна киргизишсин.

5. Бул токтомдун аткарылышын контролдоо Кыргыз Республикасынын Финансы министрлигине жүктөлсүн.