ЖАЛАЛ-АБАД ШААРДЫК КЕӉЕШИ

ТОКТОМ

IX чакырылыш кезектеги XVII сессия

2022-жылдын 29-апрели № 8

Жалал-Абад шаарынын 2018-2023-жылдарга туруктуу стратегиялык өнүгүү программасына толуктоо киргизүү жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 45-беренесинин 1-пунктунун 3-пунктчасына ылайык, Кыргыз Республикасынын “Ченемдик укуктук актылар жөнүндөгү” мыйзамынын 17-беренесине ылайык, Жалал-Абад шаарынын мэриясынын 26.04.2022-жылдагы чыг.№01-23/58 сандуу катынын негизинде, Жалал-Абад шаарынын биринчи вице мэри А.Раматилаевдин баяндамасын угуп, Жалал-Абад шаардык кеӊешинин кезектеги XVII сессиясы

ТОКТОМ КЫЛАТ:

1. Жалал-Абад шаардык кеӊешинин 4.12.2018-жылдагы XIII сессиясынын 13-токтому менен бекитилген Жалал-Абад шаарынын 2018-2023-жылдарга туруктуу стратегиялык өнүгүү программасына №1-тиркемеге ылайык толуктоолор киргизилсин.

2. Жалал-Абад шаарынын мэриясына өз ишмердүүлүгүндө жогоруда бекитилген өнүгүү стратегиясын ишке ашыруу үчүн иш аракеттерди жүргүзүү жагы милдеттендирилсин.

3. Ушул токтомду Кыргыз Республикасынын  Юстиция министрлигине мамлекеттик  реестрге  киргизүү  жагы  шаардык кеңештин жооптуу катчысына (О.Эшенкулов)  милдеттендирилсин.

4. Ушул токтомдун аткарылышын көзөмөлгө алуу жагы шаардык мэриясына милдеттендирилсин жана аткарылышы тууралуу бир жылда бир жолудан кем эмес шаардык кеӊештин сессиясында отчет берүү жагы шаар мэриясына жүктөлсүн.

5. Ушул токтом Жалал-Абад шаарынын www.jacity.kg расмий сайтында жарыяланган күндөн тартып күчүнө кирет.

Депутаттардын Жалал-Абад шаардык кеңешинин “29”-апрель 2022-жылдагы кезектеги XVII сессиясынын №8-токтомуна №1-тиркеме

2018-2023-жылдарга Жалал-Абад шаарынын туруктуу стратегиялык өнүктүрүү боюнча инвестициялык

Программасына кошумча сунушталган долбоорлор