КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ

ТОКТОМ

2023-жылдын 23-майы № 54

Кыргыз Республикасынын жергиликтүү кеңештеринин кээ бир депутаттарынын ыйгарым укуктарын мөөнөтүнөн мурда токтотуу, талапкерлердин катталган тизмесинен чыгаруу жана бош калган мандаттарды жергиликтүү кеңештердин депутаттыгына талапкерлерге өткөрүп берүү жөнүндө Ош, Жалал-Абад, Токтогул, Сузак, Баткен, Баткен шаардык, Нарын, Нарын шаардык, Кочкор, Аламүдүн жана Чүй аймактык шайлоо комиссияларынын чечимдерин бекитүү тууралуу

Кыргыз Республикасынын Шайлоо жана референдум өткөрүү боюнча борбордук комиссиясына жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жана бош калган мандаттарды өткөрүп берүү жөнүндө аймактык шайлоо комиссияларынын төмөнкү чечимдери келип түштү:

- Ош аймактык шайлоо комиссиясынын (24.04.2023-ж. № 2) - Ош шаардык кеңеши боюнча;

- Жалал-Абад аймактык шайлоо комиссиясынын (17.05.2023-ж. № 3) - Жалал-Абад облусунун Жалал-Абад шаардык кеңеши боюнча;

- Токтогул аймактык шайлоо комиссиясынын (16.05.2023-ж. № 3, 4, 5, 6; 17.05.2023-ж. № 7, 8) - Жалал-Абад облусунун Токтогул районунун Кызыл-Өзгөрүш айылдык кеңеши жана Токтогул шаардык кеңеши боюнча;

- Сузак аймактык шайлоо комиссиясынын (12.05.2023-ж. № 52, 53) - Жалал-Абад облусунун Сузак районундагы Кара-Дарыя айылдык кеңеши боюнча;

- Баткен аймактык шайлоо комиссиясынын (17.05.2023-ж. № 15) - Баткен облусунун Баткен районундагы Дара, Самаркандек айылдык кеңештери боюнча;

- Баткен шаардык аймактык шайлоо комиссиясынын (16.05.2023-ж. № 39) - Баткен облусунун Баткен шаардык кеңеши боюнча;

- Нарын аймактык шайлоо комиссиясынын (15.05.2023-ж. № 5) - Нарын облусунун Нарын районундагы Ак-Кудук айылдык кеңештери боюнча;

- Нарын шаардык аймактык шайлоо комиссиясынын (13.05.2023-ж. № 11; 17.05.2023-ж. № 12) - Нарын облусунун Нарын шаардык кеңеши боюнча;

- Кочкор аймактык шайлоо комиссиясынын (17.05.2023-ж. № 3, 4) - Нарын облусунун Кочкор районундагы Сары-Булак айылдык кеңеши боюнча;

- Аламүдүн аймактык шайлоо комиссиясынын (16.05.2023-ж. № 28) - Чүй облусунун Аламүдүн районундагы Ала-Арча айылдык кеңеши боюнча;

- Чүй аймактык шайлоо комиссиясынын (15.05.2023-ж. № 114, 115) - Чүй облусунун Чүй районундагы Ибраимов айылдык кеңеши боюнча.

Ошондой эле депутаттыкка талапкерлердин катталган тизмесинен талапкерлерди чыгаруу жөнүндө төмөнкү аймактык шайлоо комиссияларынын чечимдери келип түштү:

- Ош аймактык шайлоо комиссиясынын (24.04.2023-ж. № 2) - Ош шаардык кеңеши боюнча;

- Баткен шаардык аймактык шайлоо комиссиясынын (16.05.2023-ж. № 39) - Баткен облусунун Баткен шаардык кеңеши боюнча;

- Аламүдүн аймактык шайлоо комиссиясынын (16.05.2023-ж. № 28) - Чүй облусунун Аламүдүн районундагы Ала-Арча айылдык кеңеши боюнча.

Аталган чечимдер "Кыргыз Республикасынын шайлоо жана референдум өткөрүү боюнча шайлоо комиссиялары жөнүндө" Кыргыз Республикасынын Мыйзамынын 20-беренесине, "Жергиликтүү кеңештердин депутаттарынын статусу жөнүндө" Кыргыз Республикасынын Мыйзамынын 3-беренесине жана "Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 52-беренесине ылайык кабыл алынган.

"Кыргыз Республикасынын Шайлоо жана референдум өткөрүү боюнча борбордук комиссиясы жөнүндө" Кыргыз Республикасынын конституциялык Мыйзамынын 4-беренесинин 1-бөлүгүнүн 28-пунктуна ылайык, "Борбордук шайлоо комиссиясы жергиликтүү кеңештин депутатынын ыйгарым укуктарын мөөнөтүнөн мурда токтотуу жөнүндө, жергиликтүү кеңештин депутатынын бош калган мандатын өткөрүп берүү жөнүндө, жергиликтүү кеңештин депутаттыгына талапкерлерди катталган тизмеден чыгаруу жөнүндө аймактык шайлоо комиссияларынын чечимдерин бекитет".

Аймактык шайлоо комиссияларынын бекитүүгө келип түшкөн чечимдеринин "Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 52-беренесинин жана "Жергиликтүү кеңештердин депутаттарынын статусу жөнүндө" Кыргыз Республикасынын Мыйзамынын 3, 5-беренелеринин талаптарына ылайыктуулугун карап чыгып, "Кыргыз Республикасынын Шайлоо жана референдум өткөрүү боюнча борбордук комиссиясы жөнүндө" Кыргыз Республикасынын конституциялык Мыйзамынын 3, 4, 8-беренелерин жетекчиликке алып,

Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Ош, Жалал-Абад, Токтогул, Сузак, Баткен, Баткен шаардык, Нарын, Нарын шаардык, Кочкор, Аламүдүн жана Чүй аймактык шайлоо комиссияларынын жергиликтүү кеңештердин кээ бир депутаттарынын ыйгарым укуктарын мөөнөтүнөн мурда токтотуу жөнүндө чечимдери 1-тиркемеге ылайык бекитилсин.

2. Ош, Баткен шардык жана Аламүдүн шаардык аймактык шайлоо комиссиясынын талапкерлердин катталган тизмесинен талапкерлерди чыгаруу боюнча чечимдери 2-тиркемеге ылайык бекитилсин.

3. Ош, Жалал-Абад, Токтогул, Сузак, Баткен, Баткен шаардык, Нарын, Нарын шаардык, Кочкор, Аламүдүн жана Чүй аймактык шайлоо комиссияларынын бош калган мандаттарды талапкерлерге жана саясий партиялардын талапкерлеринин катталган тизмесиндеги талапкерлерге өткөрүп берүү жөнүндө чечимдери 3-тиркемеге ылайык бекитилсин.

4. Жергиликтүү кеңештердин 1-тиркемеде көрсөтүлгөн депутаттарынын күбөлүктөрү ушул токтом жарыяланган күндөн тартып, анык эмес деп таанылсын.

5. Ош, Жалал-Абад, Токтогул, Сузак, Баткен, Баткен шаардык, Нарын, Нарын шаардык, Кочкор, Аламүдүн жана Чүй аймактык шайлоо комиссиялары жергиликтүү кеңештердин шайланган депутаттарын 3-тиркемеге ылайык каттасын жана аларга белгиленген үлгүдөгү күбөлүктөрдү жана төш белгилерди тапшырсын.

6. Бул токтом "Эркин Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

"Эркин Тоо" газетасынын 2023-жылдын 26-майындагы № 42 (3491) жарыяланды

7. Бул токтомдун көчүрмөсү тиешелүү аймактык шайлоо комиссияларына жана жергиликтүү кеңештерге жөнөтүлсүн.

8. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.У.Шайназаровго жүктөлсүн.

Ыйгарым укуктары мөөнөтүнөн мурда токтотулган жергиликтүү кеңештердин депутаттарынын тизмеси

Жергиликтүү кеңештердин депутаттыгына талапкерлердин катталган тизмесинен чыгарылган талапкерлердин тизмеси

Жергиликтүү кеңештердин шайланган депутаттары деп таанылган талапкерлердин тизмеси