КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2009-жылдын 13-ноябры ПЖ № 510

Аскер кызматчыларынын пенсияларынын өлчөмдөрүн индексациялоо жөнүндө

Энергия булактарына тарифтер өзгөргөндүгүнө байланыштуу аскер кызматындагы пенсионерлерди социалдык жактан колдоо максатында

ТОКТОМ КЫЛАМ:

1. Пенсияларынын орточо айлык өлчөмү 5000 (беш миң) сомдон ашпаган аскер кызматындагы пенсионерлердин пенсияларынын өлчөмү 2010-жылдын 1-январынан тартып жогорулатылсын.

2. Кыргыз Республикасынын Өкмөтү 2010-жылдын 1-январына чейинки мөөнөттө:

- аскер кызматындагы пенсионерлердин пенсияларына үстөк акы төлөө тартибин жана механизмин иштеп чыксын жана бекитсин;

- аскер кызматындагы пенсионерлердин пенсиялары жогорулашына байланыштуу зарыл каражаттарды тапсын жана "2010-жылга республикалык бюджет жана 2011-2012-жылдарга болжол жөнүндө" Кыргыз Республикасынын Мыйзамынын долбооруна тиешелүү өзгөртүүлөрдү киргизсин;

- өз чечимдерин ушул Жарлыкка ылайык келтирсин.

3. Бул Жарлыктын аткарылышына контролдук кылуу милдети Кыргыз Республикасынын Президентинин Аппаратына жүктөлсүн.

4. Бул Жарлык кол коюлган күндөн тартып күчүнө кирет.