КР Президентинин 2014-жылдын 11-апрелиндеги ПЖ № 95 Жарлыгына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИНИН

ЖАРЛЫГЫ

2014-жылдын 27-февралы ПЖ № 35

Кыргыз Республикасын туруктуу өнүктүрүү боюнча Улуттук кеңештин курамына толуктоо жана өзгөртүүлөрдү киргизүү жөнүндө

Кыргыз Республикасынын мамлекеттик органдарындагы кадрдык өзгөрүүлөргө байланыштуу

ТОКТОМ КЫЛАМ:

1. Кыргыз Республикасынын Президентинин 2012-жылдын 26-декабрындагы № 268 "Кыргыз Республикасынын Президентинин 2012-жылдын 24-ноябрындагы "Кыргыз Республикасын экономикалык туруктуу өнүктүрүү боюнча Улуттук кеңеш жөнүндө" Жарлыгына өзгөртүүлөрдү жана толуктоолорду киргизүү тууралуу" Жарлыгы менен бекитилген Кыргыз Республикасын туруктуу өнүктүрүү боюнча Улуттук кеңештин курамына төмөнкүдөй толуктоо жана өзгөртүүлөр киргизилсин:

- жыйырма биринчи абзац "Аппаратынын" деген сөздөн кийин "Жетекчисинин орун басары рангындагы" деген сөздөр менен толукталсын;

- Сулайманов Алтынбек Турдубаевич, Табалдиев Бусурманкул Беркутович, Ибраимов Албек Сабирбекович, Жунушалиев Мелис Турусбекович, Шайыков Замир Мамытбекович жогоруда аталган Улуттук кеңештин курамынан чыгарылсын;

- Арипов Назарали Турдалиевич - Кыргыз Республикасынын Жогорку Кеңешинин "Республика" фракциясынын лидери (макулдашуу боюнча); Жунусов Бейшенбай Мамбетөмүрович - Кыргыз Республикасынын Коргоо кеңешинин катчысы; Султанов Талант Исакович - Кыргыз Республикасынын Улуттук стратегиялык изилдөөлөр институтунун директору; Пономарев Сергей Васильевич - Кыргызстандын рынокторунун, соода жана тейлөө чөйрөсүнүн ишканаларынын ассоциациясынын президенти (макулдашуу боюнча) жогоруда аталган Улуттук кеңештин курамына киргизилсин.

2. Бул Жарлык расмий жарыяланган күндөн баштап күчүнө кирет.