ЖарлыкКүчүн жоготту

КР Президентинин 2014-жылдын 29-октябрындагы ПЖ № 196 «Кыргыз Республикасынын Президентинин 2013-жылдын 26-июнундагы»Кыргыз Республикасынын мамлекеттик кызмат орундарынын Реестрин жана Кыргыз Республикасынын муниципалдык кызмат орундарынын Реестрин бекитүү жөнүндө«Жарлыгына өзгөртүүлөрдү жана толуктоо киргизүү тууралуу» Жарлыгы

Редакция
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КР Президентинин 2017-жылдын 31-январындагы ПЖ № 17 Жарлыгына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИНИН

ЖАРЛЫГЫ

2014-жылдын 29-октябры ПЖ № 196

Кыргыз Республикасынын Президентинин 2013-жылдын 26-июнундагы "Кыргыз Республикасынын мамлекеттик кызмат орундарынын Реестрин жана Кыргыз Республикасынын муниципалдык кызмат орундарынын Реестрин бекитүү жөнүндө" Жарлыгына өзгөртүүлөрдү жана толуктоо киргизүү тууралуу

Кыргыз Республикасынын Конституциясынын 93 жана 102-беренелерине, "Кыргыз Республикасынын Жогорку Соту жана жергиликтүү соттор жөнүндө" жана "Соттук өз алдынча башкаруу органдары жөнүндө" Кыргыз Республикасынын мыйзамдарына ылайык токтом кылам:

1. Кыргыз Республикасынын Президентинин 2013-жылдын 26-июнундагы № 145 "Кыргыз Республикасынын мамлекеттик кызмат орундарынын Реестрин жана Кыргыз Республикасынын муниципалдык кызмат орундарынын Реестрин бекитүү жөнүндө" Жарлыгына төмөнкүдөй өзгөртүүлөр жана толуктоо киргизилсин:

жогоруда аталган Жарлык менен бекитилген Кыргыз Республикасынын мамлекеттик кызмат орундарынын Реестринде:

- "Атайын мамлекеттик кызмат орундары" деген 2-главанын "Кыргыз Республикасынын сот бийлиги" деген бөлүмүнүн IV тобу төмөнкүдөй редакцияда берилсин:

"Кыргыз Республикасынын Жогорку сотуна караштуу Сот департаментинин директору(*)";

- "Администрациялык мамлекеттик кызмат орундары" деген 3-главанын 3.4-пунктунун "Сот департаменти" деген графасында:

"Жогорку кызмат орду" деген тобунун "В-A" категориясынын биринчи абзацы күчүн жоготту деп табылсын;

"Улук кызмат орду" деген топто:

"С-A" категориясы төмөнкүдөй мазмундагы абзац менен толукталсын:

"Улук сот аткаруучу";

"С-Б" категориясынын экинчи абзацы күчүн жоготту деп табылсын.

2. Бул Жарлык расмий жарыяланган күндөн тартып күчүнө кирет.

 

Кыргыз Республикасынын

               Президенти

 

А.Атамбаев