КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 10-марты №152

"Мамлекеттик жана муниципалдык кызматкерлерге эмгек акы эсептөөдө эселенген коэффициентти колдонуу тартибин бекитүү жөнүндө" Кыргыз Республикасынын Өкмөтүнүн 2008-жылдын 16-апрелиндеги № 150 токтомуна өзгөртүүлөрдү жана толуктоолорду киргизүү тууралуу

"Кыргыз Республикасынын Президентинин кээ бир чечимдерине өзгөртүүлөрдү жана толуктоолорду киргизүү жөнүндө" Кыргыз Республикасынын Президентинин 2008-жылдын 26-декабрындагы №467 Жарлыгына ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2008-жылдын 16-апрелиндеги № 150 "Мамлекеттик жана муниципалдык кызматкерлерге эмгек акы эсептөөдө эселенген коэффициентти колдонуу тартибин бекитүү жөнүндө" токтомуна төмөнкүдөй өзгөртүүлөр жана толуктоолор киргизилсин:

- көрсөтүлгөн токтом менен бекитилген Мамлекеттик жана муниципалдык кызматкерлерге эмгек акы эсептөөдө эселенген коэффициентти колдонуу тартибине № 1 тиркемеде:

3-мамычанын сегизинчи сабындагы "канцеляриянын начальниги," деген сөздөр алып салынсын;

3-мамычанын үчүнчү сабындагы "сектор башчысы" деген сөздөрдөн кийин", канцеляриянын начальниги" деген сөздөр менен толукталсын;

- көрсөтүлген токтом менен бекитилген Мамлекеттик жана муниципалдык кызматкерлерге эмгек акы эсептөөдө эселенген коэффициентти колдонуу тартибине № 3 тиркеме:

3-мамычанын бешинчи сабындагы "канцеляриянын начальниги," деген сөздөр алып салынсын;

3-мамычанын үчүнчү сабындагы "бөлүм башчысы (начальник)" деген сөздөрдөн кийин", канцеляриянын начальниги" деген сөздөр менен толукталсын.

2. Ушул токтомдун 1-пунктунда каралган финансылык чыгымдар "Кыргыз Республикасынын 2009-жылга республикалык бюджети жана 2010-2011-жылдарга божомолу жөнүндө" Кыргыз Республикасынын Мыйзамы менен бийликтин соттук тармагы үчүн каралган каражаттарынын чегинде жүргүзүлөөрү белгиленсин.