КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2013-жылдын 18-апрели №3026-V

"Адилетке жол" коомдук уюмунун жапа чеккен зайымчыларынын кайрылуусу жана 2010-жылдагы окуялардын натыйжасында жабыр тарткан зайымчыларга колдоо көрсөтүүдөгү Кыргыз Республикасынын Өкмөтүнүн жана Улуттук банктын ишинин натыйжалуулугу жөнүндө

Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтү жана Улуттук банкы жабыр тарткан зайымчыларды жабыр тарткан зайымчылардын реестрине киргизүү боюнча тийиштүү чараларды карасын жана кабыл алсын.

2. Кыргыз Республикасынын Өкмөтү 2010-жылдагы апрель жана июнь окуяларындагы бардык жабыр тарткан зайымчыларды колдоо үчүн каражаттарды тапсын жана аны "Кыргыз Республикасынын 2013-жылга республикалык бюджети жана 2014-2015-жылдарга болжолу жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу" Кыргыз Республикасынын Мыйзамынын долбоорунда карасын жана Кыргыз Республикасынын Жогорку Кеңешинин кароосуна киргизсин.