КР Жогорку Кеңешинин 2014-жылдын 27-ноябрындагы № 4520-V токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2013-жылдын 27-ноябры № 3623-V

Кыргыз Республикасынын Жогорку Кеңешинин 2012-жылдын 29-июнундагы  № 2253-V токтому менен бекитилген "Көз карандысыз Мамлекеттердин  Шериктештигине катышкан мамлекеттердин Парламенттер аралык  Ассамблеясынын Ч.Айтматов атындагы сыйлыгын уюштуруу  жөнүндө" Жобого өзгөртүү киргизүү тууралуу

Кыргыз Республикасынын Жогорку Кеңеши

ТОКТОМ КЫЛАТ:

Кыргыз Республикасынын Жогорку Кеңешинин 2012-жылдын 29-июнундагы № 2253-V токтому менен бекитилген "Көз карандысыз Мамлекеттердин Шериктештигине катышкан мамлекеттердин Парламенттер аралык Ассамблеясынын Ч.Айтматов атындагы сыйлыгын уюштуруу жөнүндө" Жобого төмөндөгүдөй өзгөртүү киргизилсин:

1. 7-пункттун экинчи абзацы төмөндөгүдөй редакцияда баяндалсын:

"Медалга (Ч.Айтматов атындагы сыйлыктын лауреатынын) 30 миң АКШ доллары өлчөмүндө акчалай сыйлык кошулат, ал Кыргыз Республикасынын республикалык бюджетинен каржыланылат.".

2. Кыргыз Республикасынын республикалык бюджетинен каржылоо бөлүгүндө ушул Токтомдун 1-пункту 2014-жылдын 1-январынан баштап күчүнө кирет. Ушул Токтомдун 1-пункту күчүнө киргенге чейин 30 миң АКШ доллары өлчөмүндөгү акчалай сыйлыкты каржылоонун булагы Кыргыз Республикасынын Жогорку Кеңеши каржылануучу каражаттардан белгиленсин.

3. Көз карандысыз Мамлекеттердин Шериктештигине катышкан мамлекеттердин Парламенттер аралык Ассамблеясынын Ч.Айтматов атындагы сыйлыгынын лауреаттарын сыйлоо үчүн 30 миң АКШ доллары өлчөмүндөгү каражатты Кыргыз Республикасынын Жогорку Кеңешинин Төрагасынын резервдик фондусунан бөлүп берүү Кыргыз Республикасынын Жогорку Кеңешинин Төрагасынан суралсын.