КР Жогорку Кеңешинин 2016-жылдын 9-ноябрындагы № 1054-VI токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2016-жылдын 22-июну № 745-VI

Кыргыз Республикасынын Жогорку Кеңешинин 2016-жылдын 13-апрелиндеги "Кыргыз Республикасынын Өкмөтүнүн түзүмү жөнүндө" № 439-VI токтомуна өзгөртүүлөрдү киргизүү тууралуу

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 3-беренесинин 3-бөлүгүн, "Кыргыз Республикасынын Жогорку Кеңешинин Регламенти жөнүндө" Кыргыз Республикасынын Мыйзамынын 123-беренесинин 6-бөлүгүн жетекчиликке алып, Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Жогорку Кеңешинин 2016-жылдын 13-апрелиндеги "Кыргыз Республикасынын Өкмөтүнүн түзүмү жөнүндө" № 439- VI токтому менен аныкталган Кыргыз Республикасынын Өкмөтүнүн түзүмүнө Кыргыз Республикасынын Премьер-министри сунуштаган өзгөртүүлөр колдоого алынсын.

2. Кыргыз Республикасынын Премьер-министри Кыргыз Республикасынын Өкмөтүнүн курамына өзгөртүүлөрдү киргизүүдө улуттук жана коомдук коопсуздук, коргонуу жана укук тартиби маселелерин тейлеген Кыргыз Республикасынын вице-премьер-министринин кошумча кызмат ордуна талапкерди сунуштасын.

3. Кыргыз Республикасынын Жогорку Кеңешинин 2016-жылдын 13-апрелиндеги "Кыргыз Республикасынын Өкмөтүнүн түзүмү жөнүндө" № 439-VI токтомуна төмөнкүдөй өзгөртүүлөр киргизилсин.

1-пунктта:

- төртүнчү жана бешинчи абзацтар төмөнкүдөй редакцияда баяндалсын:

"Кыргыз Республикасынын Айыл чарба, тамак-аш өнөр жайы жана мелиорация министрлиги;

Кыргыз Республикасынын Транспорт жана жол министрлиги;";

төмөнкүдөй мазмундагы жаңы абзацтар менен толукталсын:

"Кыргыз Республикасынын Өнөр жай, энергетика жана жер казынасын пайдалануу мамлекеттик комитети;

Кыргыз Республикасынын Маалыматтык технологиялар жана байланыш мамлекеттик комитети.".

4. Кыргыз Республикасынын Өкмөтү:

ушул токтомдон келип чыккан мыйзам долбоорлорун иштеп чыксын жана Кыргыз Республикасынын Жогорку Кеңешине киргизсин;

өзүнүн ченемдик укуктук актыларын ушул токтомго ылайык келтирсин.".

5. Ушул токтом кабыл алынган күндөн тартып күчүнө кирет.