КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ

ТОКТОМ

2018-жылдын 6-февралы № 24

2018-жылдын 28-январында өткөрүлгөн Нарын облусунун Ак-Талаа районунун Тоголок-Молдо айылдык кеңешинин депутаттарын мөөнөтүнөн мурда шайлоонун натыйжалары тууралуу Ак-Талаа аймактык шайлоо комиссиясынын протоколун бекитүү жөнүндө

2018-жылдын 28-январында Кыргыз Республикасынын Президентинин 2017-жылдын 12-декабрындагы ПЖ № 13 Жарлыгы менен дайындалган Нарын облусунун Ак-Талаа районунун Тоголок-Молдо айылдык кеңешинин депутаттарын мөөнөтүнөн мурда шайлоо өткөрүлдү.

Ак-Талаа районунун Тоголок-Молдо айылдык кеңешинде мандаттардын саны 11ди түзөт. Тоголок-Молдо айылдык кеңеши боюнча мөөнөтүнөн мурда шайлоону өткөрүү үчүн көп мандаттуу 1 шайлоо округу жана 1 шайлоо участогу түзүлгөн. Тоголок-Молдо айылдык кеңешинин депутаттарын мөөнөтүнөн мурда шайлоодо 11 мандатка 25 талапкер катталган. Шайлоочулардын саны 2076ны түзүп, анын ичинен 978 шайлоочу добуш берүүгө катышкан, бул шайлоочулардын жалпы санынан 47,11% түзөт.

Ак-Талаа районунун Тоголок-Молдо айылдык кеңешинин депутаттарын мөөнөтүнөн мурда шайлоонун натыйжалары тууралуу Ак-Талаа аймактык шайлоо комиссиясынын протоколуна ылайык, "Кыргыз Республикасынын шайлоо жана референдум өткөрүү боюнча шайлоо комиссиялары жөнүндө" Кыргыз Республикасынын Мыйзамынын 6, 7-беренелеринин, "Жергиликтүү кеңештердин депутаттарын шайлоо жөнүндө" Кыргыз Республикасынын Мыйзамынын 37, 40, 62-беренелеринин негизинде, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Нарын облусунун Ак-Талаа районунун Тоголок-Молдо айылдык кеңешинин депутаттарын мөөнөтүнөн мурда шайлоонун натыйжалары тууралуу Ак-Талаа аймактык шайлоо комиссиясынын 2018-жылдын 31-январындагы протоколу бекитилсин (1-тиркеме).

2. Бул токтомдун көчүрмөсү Ак-Талаа аймактык шайлоо комиссиясына жана тиешелүү жергиликтүү кеңешке жиберилсин.

3. Бул токтом "Эркин Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Г.Бекматовго жүктөлсүн.

2018-жылдын 28-январы КЫРГЫЗ РЕСПУБЛИКАСЫНЫН ЖЕРГИЛИКТҮҮ КЕҢЕШТЕРИНИН ДЕПУТАТТАРЫН ШАЙЛОО

Нарын облусу, Ак-Талаа району, Тоголок-Молдо айылдык кеңеши

(облустун, райондун, аймактын аталышы)

Тоголок-Молдо айылдык кеңешинин депутаттарын мөөнөтүнөн мурда шайлоонун натыйжалары жөнүндө ПРОТОКОЛ

Тоголок-Молдо айылдык кеңешинин депутаттарын мөөнөтүнөн мурда шайлоонун натыйжаларын аныктоо

I. 2018-жылдын 28-январындагы Тоголок-Молдо айылдык кеңешинин депутаттарын шайлоо болуп өттү деп табылсын.

II. Тоголок-Молдо айылдык кеңешинин депутаттарын шайлоо боюнча добуш берүүнүн жыйынтыктары белгиленди жана № 1, № 2 таблица түрүндө сунушталат.

№ 1 таблица

11 мандаттуу Кара-Ой шайлоо округу боюнча

III. Шайлоонун натыйжалары төмөнкүдөй аныкталды:

Шайлоонун натыйжалары боюнча Тоголок-Молдо айылдык кеңешинин депутаттары болуп төмөнкү талапкерлер шайланды (№ 2-таблица)

№ 2 таблица

11 мандаттуу Кара-Ой шайлоо округу боюнча

Протокол 2018-жылдын 31-январында саат 12-30 мүнөттө түзүлдү.