КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2018-жылдын 7-марты № 2291-VI

"Чет өлкөлөрдүн парламенттери менен кызматташтык боюнча Кыргыз Республикасынын Жогорку Кеңешинин достук депутаттык топторунун тизмегин бекитүү жөнүндө" Кыргыз Республикасынын Жогорку Кеңешинин 2015-жылдын 19-ноябрындагы № 31-VI токтомуна өзгөртүүлөрдү киргизүү тууралуу

Кыргыз Республикасынын Жогорку Кеңеши

ТОКТОМ КЫЛАТ:

"Чет өлкөлөрдүн парламенттери менен кызматташтык боюнча Кыргыз Республикасынын Жогорку Кеңешинин достук депутаттык топторунун тизмегин бекитүү жөнүндө" Кыргыз Республикасынын Жогорку Кеңешинин 2015-жылдын 19-ноябрындагы № 31-VI токтомуна төмөнкүдөй өзгөртүүлөр киргизилсин:

2-пункттагы "(курамы тиркелет)" деген сөздөр алып салынсын;

"Чет өлкөлөрдүн парламенттери менен кызматташтык боюнча Кыргыз Республикасынын Жогорку Кеңешинин достук депутаттык топторунун тизмеги" № 1 тиркемеде:

- 26-пункттагы "жана Афганистан" деген сөздөр алып салынсын;

- 28-пункттагы "Австралия жана Жаңы Зеландия менен" деген сөздөр "Афганистан Ислам Республикасы менен" деген сөздөргө алмаштырылсын;

- "Африка, Жакынкы жана Орто Чыгыш өлкөлөрү менен кызматташтык боюнча Кыргыз Республикасынын Жогорку Кеңешинин достук депутаттык топтору" бөлүкчөсүнүн аталышы "Чыгыш өлкөлөрү" деген сөздөрдөн кийин Австралия жана Жаңы Зеландия" деген сөздөр менен толукталсын;

- тизмек төмөнкүдөй мазмундагы 32-пункт менен толукталсын:

- "32. Австралия жана Жаңы Зеландия менен кызматташтык боюнча Кыргыз Республикасынын Жогорку Кеңешинин достук депутаттык тобу.".